Tólf tonna fiskibátur, Dóri GK 42, með fjóra menn um borð strandaði í sunnanverðum Stöðvarfirði laust fyrir kl. 01:00 í nótt. Barst Landhelgisgæslunni beiðni um aðstoð frá bátnum kl. 01:03. Sögðu skipverjar bátinn vera skarðaðan í grjót og þeir geti nánast stokkið í land. Voru þeir ómeiddir og var því ekki talin alvarleg hætta á ferðum

Í annað sinn á hálfum sólarhring voru sjóbjörgunarsveitir Slysavarnarfélagsins Landsbjargar á Austurlandi kallaðar út. Að þessu sinni björgunarskipið Hafbjörg á Neskaupstað, harðbotna björgunarbáturinn Hafdís á Fáskrúðsfirði og björgunarsveitir á Stöðvarfirði og Breiðdalsvík. Einnig var haft samband við Von, nærstaddan fiskibát. Þyrla Landhelgisgæslunnar var auk þess sett í viðbragðsstöðu.

Fyrstur á vettvang var fiskibáturinn Von og þegar björgunarbáturinn Hafdís frá Neskaupstað var kominn á vettvang var reynt að draga bátinn á flot, en áður höfðu 3 af 4 í áhöfn verið settir í land.  Ekki gekk að ná bátnum á flot og var því ákveðið að bíða flóðs sem verður um hádegisbil og gera þá aðra tilraun.

Björgunarskip og -bátar Slysavarnafélagsins Landsbjargar munu vera á strandstað í nótt til eftirlits og aðstoðar ef aðstæður breytast.

Ágætt veður er á staðnum 5-7 m/sek.



                                               2622. Dóri GK 42 © mynd Emil Páll

Landhelgisgæslunni barst kl. 17:50 aðstoðarbeiðni frá 4 tonna fiskibát sem var strandaður í sunnanverðum Fáskrúðsfirði. Samstundis voru kallaðar út sjóbjörgunarsveitir Slysavarnarfélagsins Landsbjargar á Austurlandi auk þess sem haft var samband við nærstödd skip og báta, samkvæmt upplýsingum frá Landhelgisgæslunni.

Skömmu síðar tilkynnti skipstjóri bátsins að hann hefði losnað af strandstað og gat siglt fyrir eigin vélarafli. Hafdís, björgunarbátur Slysavarnarfélagsins Landsbjargar á Fáskrúðsfirði kom fljótlega að bátnum og var þá öllu hættuástandi aflýst. Fylgir Hafdís nú bátnum til hafnar á Fáskrúðsfirði, að sögn mbl.is.

Þessi til viðbótar þá gekk heimferðin það vel að fiskibáturinn varð á undan björgunarbátnum að landi


       7002. Sigrún SU 168, báturinn sem strandaði en losnaði áður en hjálp barst © mynd Óðinn Magnason 16. nóv. 2011

Á myndunum sjáum við Grímsnes BA 555 sigla út úr Stakksfirði, en mörk hans eru einmitt kletturinn Stakkur og bergið þar sem Hólmsbergsviti er. Hin hluti Stakksfjarðar endar á Keilisnesi á Vatnsleysuströnd.




     89. Grímsnes BA 555 á siglingu út úr Stakksfirði, en fjörðurinn markast af línu sem miðast einmitt við Hólmsbergsvita annarsvegar og Keilisnes hinsvegar © myndir Emil Páll, 21. nóv. 2011