Færslur: 2011 Nóvember

29.11.2011 12:20

Hrafnreyður hálf fylltist af sjó

Af einhverjum óþekktum ástæðum komst mikill sjór í bátinn um helgina þar sem hann lá við bryggju í Hafnarfirði. Var unnið að því í gær að dæla sjónum úr bátnum, en hann komst m.a. í vélarrúmið og er nú verið að vinna að því að koma vélinni í gang.


           1324. Hrafnreyður KÓ 100, í Hafnarfjarðarhöfn © mynd Emil Páll, 11. ágúst 2011

29.11.2011 09:30

Mars Chaser ex Árni Friðriksson

Þetta gamla hafrannsóknarskip íslendinga var selt til Færeyja, en Thor fyrirtækið flaggaði því til St. Vincent and Grenadines, með heimahöfn í Kingston.


      Mars Chanser ex 1055. Árni Friðriksson, í Las Palmas © mynd Angel Luis Godar Mareira, 3. júlí 2008


     Mars Chaser ex 1055. Árni Friðriksson © mynd maltashipphotos. com 20. des. 2008

29.11.2011 00:00

Ótrúleg breyting á sama bátnum

Hér endurbirti ég myndasypru sem ég sýndi hér í maí sl. og í lokin birti ég tvær myndir sem ég tók nú af bátnum, en mun síðar sýna betri myndir.

                                                 6105. ex Von GK 22

Síðast þegar þessi bátur var gerður út bar hann nafnið Von GK 22, en stefnt er nú að því að hann fái annað nafn. Þetta var lítill bátur fyrir, en eins og sést á myndunum þá er nú um að ræða stóran bát, enda er talað um 12 - 15  tonna þilfarsbátur, sem hugsanlega yrði byggt yfir síðar. Af gamla bátnum er það aðeins önnur síðan og eitthvað í botninum sem notað var úr honum og sést það ef myndirnar eru vel skoðaðar, þ.e. hvar gulu stykkin eru. Hér birt ég af honum myndir frá 2009 og 2010 sem ég tók af honum og svo myndir eins og hann var í maí sl. og þar fyrir neðan glænýjar myndir

                               6105. Von GK 22, í Sandgerðishöfn 2009


                                       6105. Von GK 22, í Njarðvík, 2010


                       6105. Von GK 22, uppi á landi í Njarðvik, 2010




                                     Gulu stykkin eru úr gamla bátnum








                                       Svona leit fyrrum Von GK 22 út 24. maí sl.

  © myndir Emil Páll, 2009, 2010 og 24. maí 2011 og hér fyrir neðan eins og hann lítur út í dag





                                          © myndir Emil Páll,  28. nóv. 2011

28.11.2011 23:00

Færeyskar skútur á Selvogsbanka

Giska á að þessi mynd sé a.m.k. aldargömul og sýnir færeyskan skútuhóp á Selvogsbanka.


          Færeyskar skútur á Selvogsbanka © mynd vagaskip.dk

28.11.2011 22:40

Gæslan fær að leigja þyrlu

mbl.is

Meirihluti fjárlaganefndar Alþingis leggur til, að Landhelgisgæslan fái 200 milljóna króna framlag á næsta ári vegna tímabundinnar leigu á þyrlu.

Segir nefndin, að vegna reglubundins og meiri háttar viðhalds þyrlunnar TF-LÍF á næsta ári verði aðeins ein þyrla starfhæf til leitar og björgunarstarfa í allt að 16-22 vikur á næsta ári. Takmarkist björgunargeta það tímabil við sjóbjörgun innan 20 sjómílna frá ströndum landsins.

Á ríkisstjórnarfundi 28. október sl. hafi verið samþykkt að leita eftir tilboðum í leigu á
þyrlu á meðan TF-LÍF fer í svokallaða G-skoðun sem er allsherjarskoðun á öllum hlutum vélarinnar. Kostnaður við skoðunina sjálfa er áætlaður um 250-300 milljónir og verður uppsafnaður rekstrarafgangur Landhelgisgæslunnar, sem myndast hefur vegna sérverkefna erlendis, notaður til að fjármagna skoðunina.

28.11.2011 22:00

Muggur KE 57

Mynd þessi er fengin úr skýrslu Rannsóknarnefndar sjóslysa í framhaldi af strandi bátsins á Skaga, árið 2005, þar sem hann skemmdist mikið.


   6103. Muggur KE 57 © mynd Rannsóknarnefnd sjóslysa, Jóhann G. Jóhannsson, 2005

28.11.2011 21:00

Götunes FD 350 síðar Þórshamar GK 75


    Götunes FD 350, síðar 1501. Þórhamar GK 75 © mynd FiskerForum.dk 
                                    á árunum 1974 - 1977

28.11.2011 20:00

Sæmundur GK 4: Nýtt nafn? nýir eigendur?

Hér sjáum við Sæmund GK 4, í dag, þegar verið er að taka bátinn inn í hús í Njarðvik, þar sem gert verður við tæringuna í botni hans og báturinn allur flikkaður upp. Stóra spurningin er hvort nýir eigendur verða formlega komnir þá að bátnum og því hugsanlega annað nafn og númer.


                   1264. Sæmundur GK 4, í Skipasmíðastöð Njarðvikur í dag


                Báturinn á leið að bátaskýlinu í dag © myndir Emil Páll, 28. nóv. 2011

28.11.2011 19:00

Orri ÍS 180


      923. Orri ÍS 180 ex Röstin GK 120, í Njarðvik í morgun © mynd Emil Páll, 28. nóv. 2011

28.11.2011 18:00

Fáséðar eins miklar breytingar á sama bátnum

Eins og sést á myndasyrpu þeirri sem ég birti á miðnætti, er það svo sannarlega sjaldgæft að sjá eins miklar breytingar á sama bátnum, í einum áfanga og þeim sem ég birti myndir af þá.


                         - Sjá nánar á miðnætti © mynd Emil Páll, 28. nóv. 2011

28.11.2011 17:00

Júpiter ÞH í erfiðleikum á síldarmiðunum

 Eins og sést á meðfylgjandi mynd af forsíðu Fiskifrétta horfði illa hjá Júpiter ÞH á síldarmiðunum í Breiðarfirði á dögunum. Mynd þessa tók Kristinn Benediktsson sem var um borð í Hákoni EA, en hann var að vinna efni sem koma mun síðar í Fiskifréttum. Að hans sögn og eins kom það fram í umræddum Fiskifréttum var atburðarrásin þessi:

Júpiter ÞH. var langt komið að dæla úr nótinni góðu síldarkasti á miðunum grunnt úti af Bjarnarhöfn í Breiðafirði er skyndilega drapst á aðalvél skipsins. Vilhelm Þorsteinsson EA var nýlagstur utan á Júpiter ÞH er atvikið átti sér stað til að fá síld er var afgangs og því var hægt að forða því að skipið ræki upp í klettana á Kiðey sem var skammt undan enda voru sundin þarna full af síld.

Til stóð að Hákon EA fengi restina af kastinu því Vilhelm EA gat ekki tekið nema 100-200 tonn í vinnsluna, en af því varð ekki að skipin fengju síld því pokinn á nótinni sprakk er reynt var að bakka með Júpiter ÞH frá klettunum enda líklega stærðar grjót í pokanum miðað við þyngslin.

Það var mat manna að brennsluolía hefði lekið saman við smurolíuna á vélinni og þynnt hana svo mikið að hún steindrap á sér. Vélstjórar Júpiters ÞH gátu skipt yfir á betri smurolíu og komist fyrir vandann í tíma og komst þá skipið áleiðis til Vestmannaeyja á eigin vélarafli með eitt þúsund tonn af síld í vinnslu en Vilhelm EA fór til Helguvíkur í löndun og fylgdist með Júpiter ÞH til að byrja með til öryggis ef allt myndi ekki ganga sem skyldi.


   Forsíða Fiskifrétta í síðustu viku. Á myndinni sést er 2643. Júpiter ÞH 363, er nánast kominn upp í klettana við Kiðey og 2411. Vilhelm Þorsteinsson EA 11, er alveg við hann © mynd Kristinn Benediktsson fyrir Fiskifréttir í nóv. 2011

28.11.2011 16:22

Addi afi og Dóri

Hvori meira eða minna en 10 bátar eru nú á athafnarsvæði Sólplasts ehf. í Sandgerði, ýmíst úti eða inni og á misjöfnu stigi. Jafnvel eru þarna á meðal bátar sem áttu að verða ihlaupavinna og því lítið verið unnið við og þar að auki einhverjir bátar sem teljast frekar til leikfanga en eitthvað annað.


     Hér sést í fjóra af þeim bátum sem eru nú á útisvæði hjá Sólplasti í Sandgerði. Á vinstri hönd sést í 2704. Kidda Lár GK 501, þá er það bátur sem er unnin í íhlaupavinnu og hefur verið nefndur meðal manna sem Bjartsýni, 2106. Addi Afi GK 97 og 2622. Dóri GK 42, í morgun © mynd Emil Páll, 28. nóv. 2011

28.11.2011 14:05

Hákon og Vilhelm Þorsteinsson


      2407. Hákon EA 148 og 2410. Vilhelm Þorsteinsson EA 11, á Stakksfirði í morgun © mynd Emil Páll, 28. nóv. 2011

28.11.2011 13:32

Auðunn og Orri

Hér sjáum við þegar Auðunn dró Orra úr slipp og að bryggju í Njarðvik í morgun







        2043. Auðunn dregur 923. Orra ÍS 180 inn í Njarðvikurhöfn © myndir Emil Páll, 28. nóv. 2011

28.11.2011 12:44

Dóri GK 42

Eins og ég sagði frá í gær í máli og myndum var Dóri GK 42, sem strandaði við Stöðvarfjörð á dögunum tluttur til Sandgerðis til viðgerðar og koma hann í gær til Sólplasts. Við skoðun í birtingu í morgun kom í ljós að fljótt á litið ,eru skrokkskemmdir minni en menn áttu von á, en hinsvegar er skrúfan, stýrið, öxullinn og fleira á þeim vettvangi skemmt. Enn á þó eftir að skoða skemmdirnar betur. Einnig stendur jafnvel til að nota tækifærið og taka upp vél bátsins.


                                              Skrúfan er mikið skemmd


                2622. Dóri GK 42, á athafnarsvæði Sólplasts í Sandgerði, í morgun © myndir Emil Páll, 28. nóv. 2011