Færslur: 2015 Maí

31.05.2015 21:00

Geobroeders Luden (Hollandi) / Sveinbjörn Sveinsson ( Vopnafirði) / Hafbjörg ( Neskaupstað)

Hér sjáum við björgunarbát sem smíðaður var í Hollandi 1965 og keyptur hingað til lands 1997 og fékk þá nafnið Hafbjörg og var frá Neskaupstað. Síðar varð hann Sveinbjörn Sveinsson frá Vopnafirði, en 2006, var hann seldur til Hollands og fékk þá nafnið Geobroeder Luden og er frá Hollandi.

Nú um helgina eru nokkrir íslendingar staddir í Bremenhaven, í Þýskalandi í tilefni af afmælishátíð hjá þýsku sjóbjörgunarsamtökunum og þar er einnig sýning á björgunarbátum. Meðal björgunarsveitarmanna er Bjarni Guðmundsson, í Neskaupstað, maður sem man vel eftir bátnum frá því að hann var hér á landi. Segja má því að það hafi verið fagnaðarfundir, þegar hann hitti á bátinn í Bremenhaven, sem er þar af sama tilefni og Bjarni og með sitt hollenska nafn.

Birti ég hér myndir sem Bjarni hefur tekið af bátnum, í gær og einnig þegar hann yfirgaf landið. Þá eru myndir frá Bjarna síðan báturinn hét Hafbjörg og var gerð út frá Neskaupstað. Þar að auki hafði ég upp á mynd af bátnum er hann bar nafnið Sveinbjörn Sveinsson og var frá Vopnafirði. Allar þessar myndir, sjö af tölu birtast hér með.

       Gebroeders Luden ex 2291. Sveinbjörn Sveinsson og Hafbjörg, í Bremenhaven í gær © mynd Bjarni Guðmundsson, 30. maí 2015

 

 

        Geobroeders Luden, frá Hollandi  ex 2291. Sveinbjörn Sveinsson ex Hafbjörg, kveður landið © mynd Bjarni Guðmundsson, 2006

 

             Geobroeders Luden, frá Hollandi  ex 2291. Sveinbjörn Sveinsson ex Hafbjörg, kveður landið © mynd Bjarni Guðmundsson, 2006

 

         2291. Sveinbjörn Sveinsson, frá Vopnafirði © mynd Slysavarnafélagið Landsbjörg, 2006

 

          2291. Hafbjörg, frá Neskaupstað © mynd Bjarni Guðmundsson

 

              2291. Hafbjörg, frá Neskaupstað © mynd Bjarni Guðmundsson

 

               2291. Hafbjörg, frá Neskaupstað © mynd Bjarni Guðmundsson

 

AF FACEBOOK:

Bjarni Guðmundsson Þessi hefur bara heitið þessum 3 nöfnum frá upphafi

 
 

31.05.2015 20:21

Ocean Diamond, leiguskip rekið af íslendingum, á Siglufirði og Akureyri, í gær


 


 


 

         Ocean Diamond, leiguskip rekið af íslendingum, að koma til Siglufjarðar, í gær © myndir Hreiðar Jóhannsson, 30. maí 2015

 

             Ocean Diamond, leiguskip rekið af íslendingum, á Akureyri, í gær © mynd Viðar Már Hermannsson, 30. maí 2015

31.05.2015 20:02

Polaris, í Þýskalandi, í gær

 

 

 

        Polaris, í Þýskalandi, í gær © myndir Bjarni Guðmundsson, 30. maí 2015

31.05.2015 19:20

Sigurvin og Ocean Diamond, Leiguskip rekið af íslendingum, að koma til Siglufjarðar, í gær

 

 

 

        2683. Sigurvin og Ocean Diamond, leiguskip rekið af íslendingum, að koma til Siglufjarðar, í gær © myndir Hreiðar Jóhannsson, 30. maí 2015

31.05.2015 18:19

Ísborg ÍS 250, í Skipasmíðastöð Njarðvíkur

 

       78. Ísborg ÍS 250, í Skipasmíðastöð Njarðvíkur © mynd Ólafur Guðmundsson, 10. sept. 2009

 

       78. Ísborg ÍS 250, í Skipasmíðastöð Njarðvíkur © mynd Ólafur Guðmundsson, 2. apríl 2012

31.05.2015 17:18

Tony ex Moby Dick og nú aftur Moby Dick, í Skipasmíðastöð Njarðvíkur

Þessi gamla ferja, sem upphaflega hét Fagranes og fór síðan á smá flakk um landið, en að fyrir nokkrum árum var það keypt suður með sjó og fékk nafni Moby Dick og var notað til hvalaskoðunar. Skipið var síðan selt til Grænhöfðaeyja og fékk nafnið Tony, en fór þó aldrei úr Skipasmíðastöð Njarðvíkur, sem eignaðist skipið og gaf því aftur nafnið Moby Dick. Stöðin á enn skipið og stendur það uppi í slippnum.

 

         46. Tony, í Skipasmíðastöð Njarðvíkur © mynd Ólafur Guðmundsson, 19. okt. 2009

 

          46. Tony, í Skipasmíðastöð Njarðvíkur © mynd Ólafur Guðmundsson, 19. maí 2012

31.05.2015 16:17

Kristbjörg VE 70, rifin niður í Skipasmíðastöð Njarðvíkur

 

         44. Kristbjörg VE 70, komin í niðurif, í Skipasmíðastöð Njarðvíkur © mynd Ólafur Guðmundsson, 5. okt. 2006

 

         44. Kristbjörg VE 70, niðurrif hafið í Skipasmíðastöð Njarðvíkur © mynd Ólafur Guðmundsson, 16. okt. 2006

31.05.2015 15:16

Sólrún EA 151, að koma inn til Árskógssands, í gær

 

 

 

     2547. Sólrún EA 151, að koma inn til Árskógssands, í gær © myndir Þorgrímur Ómar Tavsen, 30. maí 2015

31.05.2015 14:15

Reykjafoss, á Akureyri, í gær - um borð er Ásta B. sem er að koma í viðgerð til Seiglu

 

       Reykjafoss, á Akureyri, í gær  - um borð er Ásta B. sem er að koma í viðgerð til Seiglu, aðeins sést í mastrið á henni © mynd Víðir Már Hermannsson, 30. maí 2015

31.05.2015 13:14

Gandí VE 171, í Skipasmíðastöð Njarðvíkur

 

        84. Gandí VE 171, í Skipasmíðastöð Njarðvíkur © mynd Ólafur Guðmundsson, 27. jan. 2010

31.05.2015 12:13

Litlaberg ÁR 155, í Skipasmíðastöð Njarðvíkur - bátur þessi heitir í dag Happasæll KE 94

 

         13. Litlaberg ÁR 155, í Skipasmíðastöð Njarðvíkur © mynd Ólafur Guðmundsson, 3. maí 2007 -  bátur þessi heitir í dag Happasæll KE 94

31.05.2015 11:12

Fróði ÁR 33, í Skipasmíðastöð Njarðvíkur

 

           10. Fróði ÁR 33, í Skipasmíðastöð Njarðvíkur © mynd Ólafur Guðmundsson, 25. sept. 2007

31.05.2015 10:11

Guðbjörg GK 666, að koma inn til Siglufjarðar, í gær

 

          2500. Guðbjörg GK 666, að koma inn til Siglufjarðar, í gær © mynd Hreiðar Jóhannsson, 30. maí 2015

31.05.2015 09:10

2683. Sigurvin, að koma til Siglufjarðar, í gær

 

          2683. Sigurvin, að koma til Siglufjarðar, í gær © mynd Hreiðar Jóhannsson, 30. maí 2015

31.05.2015 08:37

Minningartónleikar um Möggu og Palla í Vísi

Af vefnum Grindavik.net

 

Næsta sjómannahelgi er eigendum Vísis í Grindavík, börnum Páls og Margrétar, merkileg að mörgu leyti. Fyrirtæki þeirra fagnar 50 ára starfsafmæli á árinu og af því tilefni verður opið hús í báðum fiskvinnslum fyrirtækisins í Grindavík á milli klukkan tvö og fimm á sjómannadaginn - sunnudag. Taka eigendur og starfsfólk á móti gestum með tónlist og veitingum um leið og starfsemin í húsunum verður kynnt. 

Djassband Vilhjálms Guðjónssonar spilar í frystihúsinu á Miðgarði en Reynir Jónasson spilar á harmónikku í salthúsinu að Hafnargötu og með honum verður Edwin Kaaber. Einnig mun hinn fjölþjóðlegi Vísiskór syngja nokkur lög á báðum stöðum á milli þrjú og fjögur undir stjórn Margrétar Pálsdóttur. 

En það er fleira sem gerir þessa helgi sérstaka í þeirra huga. Í febrúar á þessu ári lést Páll H. Pálsson, faðir þeirra og stofnandi Vísis, aðeins þremur árum eftir að Margrét Sighvatsdóttir móðir þeirra lést. Þau hjónin hefðu átt 60 ára brúðkaupsafmæli um þessa helgi.  Af því tilefni gefa börn þeirra út sjómannadiskinn „Lögin hans pabba“  en í tilefni af 80 ára afmæli Margrétar fyrir fimm árum gáfu þau út hljómdiskinn „Lögin hennar mömmu“ með hennar eigin lögum.

 

Til að minnast foreldra sinna halda þau minningartónleika um þau í kirkjunni í Grindavík klukkan átta á sunnudagskvöld undir stjórn Jóns Ólafsonar tónlistarmanns. Þar munu þau  ásamt börnum sínum og barnabörnum flytja lög af báðum hljómdiskunum. Með þeim eru valinkunnir hjóðfæraleikarar undir stjórn Vilhjálms Guðjónssonar og meðal gestasöngvara er enginn annar en Ragnar Bjarnason, konungur íslenskra sjómannalaga. Báðir hljómdiskarnir verða til sölu í kirkjunni og víðar um helgina og mun allt andvirðið renna til kirkjunnar í Grindavík. Inn á tónleikana sjálfa er hins vegar frítt og allir velkomnir.

 

 

Á hljómdiskana sjálfa rita þau systkinin eftirfarandi texta:

„Lögin hans pabba“:

Árið 2010 gáfum við systkinin út hljómdisk í tilefni af áttræðisafmæli móður okkar, Margrétar Sighvatsdóttur. Við nefndum diskinn „Lögin hennar mömmu“ og á honum voru lög og textar eftir hana.

Pabbi naut þessara laga eins og við. Hann var meiri músíkant en við gerðum okkur grein fyrir í æsku og það kom best fram í því hversu góður dansari hann var.

En lögin hennar mömmu voru ekki eina tónlistin sem við systkinin ólumst upp við. Sjómannalögin skipuðu þar einnig drjúgan sess. Þau eru þar að auki stór þáttur í sögu þjóðarinnar og mikill áhrifavaldur á hegðun fólks og tilfinningalíf. Hver vill ekki vera hetja hafsins og hrókur alls fagnaðar eða upplifa hárómantíska stund með ástinni sinni?

Hann pabbi, Páll Hreinn Pálsson, fæddist 3. júní 1932 og dó 16. febrúar 2015. Hann fylgdi þar með móður okkar, Margréti Sighvatsdóttur, sem var fædd 23. maí 1930 og dó 3. febrúar 2012.

Til að minnast pabba með sama hætti og við minntumst mömmu ákváðum við systkinin að gefa út hljómdisk með sjómannalögum honum til heiðurs. Sjómannalögin eru samofin baráttu Íslendinga fyrir þeim lífsgæðum sem við njótum í dag og við erum stolt af þætti pabba í þeirri baráttu. Fyrir valinu urðu lög og textar sem fjalla um ástina og rómantíkina og eru táknræn fyrir tíðarandann.

Þótt lögin á diskinum séu tileinkuð pabba vitum við að mamma elskar þau ekki síður en hann. Við trúum því að á meðan þau bíða okkar muni þau dansa sinn rómantíska ástardans undir söng og leik okkar systkina.

Börnin hans pabba.

............

„Lögin hennar mömmu“:

Margrét Sighvatsdóttir fæddist 23. maí árið 1930. Hún ólst upp í stórum hópi systkina sem öll höfðu áhuga á tónlist. Mamma var ellefu ára þegar hún fór að læra á píanó og seinna á lífsleiðinni fór hún í söngnám. Hún lék svo einnig á gítar og harmónikku og hafði gaman af að semja lög.

Lögin hennar mömmu urðu til við ýmis tækifæri en eru flest samin í Grindavík, þar sem hún og pabbi bjuggu í fjóra áratugi. „Söngur sjómannskonunnar“ er saminn til pabba, sem þá var á síld á Siglufirði, og „Tunglskinsnótt“ varð til þegar hún var síðla nætur að bera út Morgunblaðið og lét sig dreyma um ferðalög til framandi landa.

Mamma samdi barnasöngleiki sem nefndust „Lóan kemur“ og „Vordraumur“ og setti þá upp í Festi. Hún sá um allt sjálf. Hún samdi lögin og textana, málaði leiktjöld, hannaði búninga, samdi dansa og leikstýrði svo öllu og lék undir á píanó. Texti barnaleikritanna lýsir einkar vel þeirri bjartsýni og því jákvæða hugarfari sem alla tíð einkenndi mömmu.

Tónlistin var líf hennar og yndi og það var gott að alast upp hjá móður sem lét ekkert stoppa sig í að gera lífið skemmtilegt. Mamma kom víða við í söngnum og tónlistinni og má fá meiri upplýsingar um það á vefsíðu hennar, https://www.facebook.com/Margret.Sighvatsdottir

Í tilefni af áttræðisafmæli mömmu 2010 tókum við systkinin saman þrettán af lögum hennar á þennan hljómdisk. Við fengum frábæra hljóðfæraleikara til að spila lögin og yndislegan upptökustjóra sem sýndi okkur ómælda þolinmæði. Við systkinin sáum svo sjálf um sönginn ásamt barnabörnunum Björgu og Þórdísi, dætrum Margrétar.

Mamma kvaddi þennan heim 3. febrúar 2012 og veitti diskurinn henni mikla gleði þau tvö ár sem hún gat notið hans. Þar sem hann seldist fljótlega upp ákváðum við systkinin að gefa hann út aftur með textum laganna. Við vonum að fleiri fái nú tækifæri til að njóta þeirra og syngja með.

Hjartans þakkir fyrir allt, elsku mamma.

 

Börnin hennar mömmu