Færslur: 2011 Nóvember

13.11.2011 17:00

Helguvíkin í þá tíð, Stakkurinn, Hólmsbergið og vitinn

Þegar mín kynslóð var að alast upp í Keflavík var Bergið (Hólmsbergið) eitt aðal leiksvæðið, hvort sem um var að ræða að týna ber, leika sér í fjörunum, veiða fisk eða horfa á ónýta báta úr Dráttarbraut Keflavíkur sem mikið voru þar brenndir. Á þessari mynd sem tekin er þvert yfir óskemmda Helguvíkina, má auk Hólmsbergsins sjá klettinn Stakk og ofan á berginu sést aðeins í Hólmsbergsvita.


     Fremst er grassléttan á Berginu og um leið hinn jaðarinn af Helguvík, en hún er þarna á milli þessara tveggja nesja. Framan við Hólmsbergið sést kletturinn Stakkur og ofar á berginum má aðeins sjá ofan á Hólmsbergsvita og fyrir utan Stakkinn er eitthvert skip á siglingu © mynd úr 50 - 60 ára gömlu fjölskyldualbúmi

13.11.2011 16:00

Á Reykjanesi

Karlinn á Reykjanesi og annað kunnugtlegt þar um slóðir, er myndaefnið á þessum myndum




     Frá Reykjanesi © myndir úr 50 - 60 ára gömlu fjölskyldumyndasafni

13.11.2011 15:00

Dyrhólaey (Portland)

Þá er það Dyrhólaey, eða Portland eins og margir, einkum sjómenn kalla þetta fyrirbæri.


             Dyrhólaey ( Portland) © mynd úr 50 - 60 ára gömlu fjölskyldusafni

13.11.2011 14:00

Bátar á útleið

Einhvern veginn hef ég grun um að þessir bátar hafi verið staðsettir á ákveðnum stað að bíða eftir merkinu sem gefið var í gamla daga þegar það mátti fara á veiðisvæðið og þess vegna séu þeir svona margir í einum hnapp komnir á fulla ferð.


                  Bátar á útleið © mynd úr gömlu fjölskyldusafni

13.11.2011 13:00

Þrír vitar

Hér koma þrír vitar og eru myndirnar úr 50 - 60 ára gömlu fjölskyldusafni. Vitarnir eru Garðaskagaviti, Hólmsbergsviti og Reykjanesviti


                         Garðskagaviti


                                      Hólmsbergsviti


                                      Reykjanesviti
                  © myndir úr 50 - 60 ára gömlu fjölskyldusafni

13.11.2011 12:00

Úr 50 - 60 ára gömlu fjölskyldusafni - óþekkt skip

Í dag mun ég birta í nokkrum skömmtum myndir úr 50 til 60 ára gömlu fjölskyldusafni. Í mörgum tilfellunum eru litlar eða engar upplýsingar með myndunum og þá er bara að rifja upp það sem um er að ræða, þegar það er hægt. Fyrsta myndin er af gömlu flutningaskip og sýnist mér að fyrst stafirnir í nafninu séu SN


    SN eitthvað er nafnið, að mér sýnist, en hvar þetta er tekið er ég alls ekki viss, gæti þó allt eins verið í Njarðvik? © mynd úr 50 - 60 ára gömlu fjölskyldusafni

13.11.2011 11:00

Paterna

Í gærkvöldi tók ég myndir af skipinu koma til Helguvíkur, en þær voru svona hálfgerður feluleikur, enda dimman búin að taka völdin. Tók ég því þessar í morgun þegar birtan var búin að taka völdin.




                        Paterna í Helguvík í morgun © myndir Emil Páll, 13. nóv. 2011

13.11.2011 09:56

Í gær

birtist þessi syrpa hjá þeim Hoffellsmönnum. skrifuð af Óðni Magnasyni:

Á  meðan skipinn Alma og Græni Lófótur liggja aðgerðalaus við bryggju vegna lögbanns

á  umskipun




er Loðnuvinnslan að skipa út eigin afurðum  í skip sem heitir því skrýtna

nafni  


Hér er mynd af annari skotflauginni sem var notuð við að koma taug á milli Ölmu og Hoffells eins og frægt er orðið.


         Og hér er vélstjórinn að láta vita af sér.



            Verðum við ekki að setja eina af kallinum líka


                        Ljóta hliðin á annars ágætu skipi


     og svo ein fyrir húsasmiðinn Þorstein Bjarna  Sæfari SU 85


13.11.2011 09:10

Pollux SH 40 verður Frigg ST 69

Í fyrradag bættist í smábátaflota Hólmavíkur þegar Pollux SH 40 verður Frigg ST 69 kom til Hólmavíkur



Þennan bát þekkja allmargir Strandamenn hann var í eigu Guðmundar Ragnars fátæka á Drangsnesi og hét þá Kristbjörg. Þannig að hann er nánast aftur komin heim, allavega heim til Hólmavíkur
                     © myndir og texti: Jón Halldórsson, holmavik. 123.is

13.11.2011 00:00

Hrafnkell NK 100 / Skálaberg NS 2 / Stígandi VE 77 / Sæþór Árni VE 34

Þetta er einn af þessum gömlu Svíþjóðarbátum sem komu í lok fimmta áratugs síðustu aldar.


          104. Hrafnkell NK 100 © mynd Snorrason


    104. Skálaberg NS 2 © mynd í eigu Ljósmyndasafns Akraness, ljósm.: Hafsteinn Jóhannsson


     104. Skálaberg NS 2 © mynd Snorrason (sama mynd og hér fyrir ofan en mismunandi merkt ljósmyndara)


                      104. Stígandi VE 77, í Reykjavíkurhöfn © mynd Emil Páll


                             104. Sæþór Árni VE 34 © mynd Snorrason


   104. Sæþór VE 34 © mynd úr safni Emils Páls, ljósm.: ókunnur


      104. Sæþór Árni VE 34, í Vestmannaeyjum © mynd Bjarni Guðmundsson, 1979


    104. Sæþór Árni VE 34, ( sá guli) í Vestmannaeyjum © mynd Bjarni Guðmundsson, 1979

Smíðaður í Spillesboda í Svíþjóð 1946 eftir teikningu Þorsteins Daníelssonar. Stækkaður 1974.

Úreldingasjóður 1981. eftir að hirt hafi verið allt nýtilegt úr bátnum var honum sökkt í Halldórsgjá, NV af Stóra - Enni við Vestmannaeyjar 1981.

Nöfn: Hrafnkell NK 100, Skálaberg NS 2, Stígandi VE 77 og Sæþór Árni VE 34

12.11.2011 23:27

Síðasta sjóferðin - og sólsetur í dag

Þó ég geri nú ekki mikið að birta öll þau bréf sem ég fæ, geri ég nú undantekningu, enda leyfir bréfritari það:

Sæll Emil !

Hvað sem öðru líður verður ekki frá þér tekið að þú leggur mikla rækt við síðuna þína. Mig langar að leggja dálítið inn ef ég má. Þessar myndir voru teknar í dag (laugardag)  um borð í Stakkanesinu úti við sjöbaujuna. Veðrið var eins og sjá má og aflinn var sæmilegur, nokkrir ágætlega vænir þorskar og aðrir minni, ein góð ýsa, nokkrar lýsur, einn stór krossfiskur  og einn vænn hraunmoli! Róðurinn var líklega sá síðasti þetta árið, nema veðrið á morgun verði alveg sérstakt. Stakkanesið verður tekið á land í næstu viku og sett í vetrarnaust.

Þú mátt nota myndir og texta að eigin vild.

Kv. Gunnar Th.

                    - Gunnari sendi ég kærar þakkir bæði fyrir myndirnar og hlý orð -




















                       Glæsilegt myndarefni © myndir Gunnar Th. 12. nóv. 2011

12.11.2011 23:00

Erlingur V. VE 65 / Askur KE 11 / Hamar GK 32

Flest öll þessi systurskip fórust með einum eða öðrum hætti, þótti þau vera völt


            Erlingur V. VE 65 © mynd Snorrason


                    Askur KE 11 © mynd Snorrason


        Askur KE 11 © mynd Snorrason


     Hamar GK 32, í Reykjavíkurhöfn © mynd Snorrason

Smíðaður i Hálmstad, Svíþjóð 1946 eftir teikningu Bárðar Tómassonar.

Systurskip bátsins þóttu öll óörugg, enda hvoldu þau flest og sukku.

Eldur kom upp í bátnum 1960. er hann bar nafnið Askur, í Keflavíkurhöfn og sökk hann. Eftir að hafa verið bjargað upp var hann endurbyggður hjá Drátarbraut Keflavíkur 1961 - 1962.

Báturinn sökk 30 sm. SA af Snæfellsjökli í fyrstu ferð sinni eftir endurbyggingu) á leið á síldarmiðin undan Norðurlandi 30. júní 1962

Nöfn: Finnbjörn ÍS 24, Erlingur V. VE 65, Askur KE 11 og Hamar GK 32





12.11.2011 22:00

Kyrrlátt kvöld við fjörðinn

Heiða Lára sendi mér þessar myndir sem hún tók um kl. 18.30 í kvöld við Grundarfjörð








    Grundarfjörður um kl. 18.30 í kvöld © myndir Heiða Lára, 12. nóv. 2011

12.11.2011 21:30

Paterna í Helguvík í kvöld

Nú í kvöld kom til Helguvíkur Paterna, með aðstoð Magna. Sýni ég hér fyrst mynd af MarineTraffic af skipinu og síðan kvöldmyndir sem ég tók eru svona hálfgert skot út í loftið.


                                    Patena © mynd MarineTraffic. Jan Daníels


                                 Paterna og Magni í tunglsljósinu í kvöld




             Paterna og Magni í Helguvík í kvöld © myndir EMil Páll. 12. nóv. 2011
í kvöld

12.11.2011 20:02

Skálaberg NS 2

Saga þessa báts, bæði í myndum og máli birtist hér á miðnætti.


                                 105. Skálaberg NS 2 © mynd Snorrason

                        - Nánar um bátinn í máli og myndum hér á síðunni á miðnætti -