Færslur: 2009 Desember

31.12.2009 10:09

Áramótahugrenningar

 

Í tilefni áramótanna hef ég útbúið svona smá áramótahugrenningar sem ég birti nú og skreyti með myndum Svavars Ellertssonar sem teknar eru niður við höfn um áramót.

 

 

 

Nú á áramótunum sendi ég öllum velunnurum síðunnar bestu óskir um gleðilegt ár og bjarta framtíð, því það veitir ekki af, nú er allir þessir erfiðleikar synda yfir vötnunum. Hef ég þó litlar áhyggjur af því, þar sem ég hef fulla trú á að við munum ná okkur upp úr þeim sem sannir Íslendingar.

 

Jafnframt þakka ég öllum þeim er komið hafa inn á síðuna, svo og þeim fjölmenna hópi manna sem hafa lagt mér lið með myndum, ábendingum, já og/eða spurningum til mín í tölvuskeytum eða símtölum. Því ótrúlegur fjöldi fólks hefur haft samband við mig og fengið hjá mér ráð eða bollaleggingar um sitthvað er snýr að sjávarútvegi í símtölum til mín. Fólk sem ég þekkti ekkert áður, en í framhaldinu hefur oftast orðið úr einhver vinskapur eða samskipti.

 

Þeim sem hafa þjáðst af svörum mínum og athugasemdum sendi ég einnig kveðjur. En vegna þeirra hörðu reglna sem ég legg upp með er síðan orðin að því sem hún er. Þó svo að einhverjir þjáist af minnimáttarkennd , afbrýðissemi eða öfund út í síðuna og þá sérstaklega vinsældir hennar, þá er það þeirra vandamál en ekki mitt. Það er engin skildugur að koma inn á síðuna og ef þeim líkar hún ekki eiga þeir ekkert að vera að angra sig við að koma hér inn, aðrir en ég breyta síðunni ekki og ég hlusta ekki á raddir annarra í þeim efnum. Þetta er mín síða, en ekki þeirra, nema þeir séu sáttir við hana. Hver síðuritari, gerir síðurnar eftir sínu höfðu og auðvitað ráðum við síðueigendur, sjálfir  hvernig síður okkar eru.

 

Þó síða mín sé aðeins tveggja mánaða gömul, en. ég opnaði hana 21. okt. sl. hefur þú þegar sýnt að það var tímabært að opna sér síðu og vinsældir hafa hrúgast í kring um mig, þannig að síðan hefur verið í einu af toppsætum vinsældalista 123.is, kerfis þar sem hestasíður, byggðarsíður, aðrar skipasíður og allskyns síður eru líka vinsælar. Ljóst er að síðan hefði aldrei orðið það sem hún er ef ekki hefði komið til þessi breiði hópur velunnara.

 

Ýmsir einstaklingar eiga sérstakar þakkir fyrir og til að gleyma engum þeirra, vil ég senda þeim öllum, án upptalningar, kærar þakkir fyrir myndaafnotin og aðstoðina við síðuna. Til stóð að taka út úr hópnum einstök nöfn og þakka sérstaklega, en í framhaldi af ákveðinni þróun síðustu daga, læt ég það vera.

 

Jæja hættum þessu blaðri og heitum því að gera góða síðu enn betri á komandi ári. Þar tala ég í fleirtölu, því þó ég eigi síðuna einn, þá gæti ég þetta ekki nema með aðstoð ykkar allra sem hér koma við sögu og þá ekki síður þess þögla hóps sem lítur inn reglulega, sumir á hverjum degi og aðrir jafnvel oft á dag og skoðar síðuna. Þess vegna hef ég oft notað orðið ,,við" og mun nota áfram meðan svona stór hópur er bak við síðuna. Þessi notkun mína á orðinu ,,við" hefur þó furðulegt sé, truflað suma aðra síðueigendur, sem ég skil í raun ekki. Því lítið væri varið í síðu, þar sem síðueigandinn stendur einn og enginn skiptir sé af hans verkum eða hjálpar til.

          

Að endingu segi ég:

                                            Gleðilegt ár

                                                með þökkum fyrir það liðna

                                                              

                                                                            Kær kveðja

 

                                                                                    Emil Páll Jónsson

 


                     © myndir Svavar Ellertsson

31.12.2009 08:20

Þekkið þið þennan?

Hér með lýkur jóladagssyrpu Sigurlaugs um hafnir Reykjavíkur og síðasta myndin er af báti sem ég þekki ekki. Bátur þessi liggur rétt hjá Kaffivagninum, á svæði sem sumir kalla Grandabakki. Margir þeirra trébáta sem þar eru hafa engin sjáanleg nöfn, en oftast hef ég fundið eitthvað sem getur a.m.k. sagt mér hvað síðasta nafnið var, en ég eða Sigurlaugur fundum ekkert varðandi þennan bát og því spyrjum við ykkur lesendur góðir hvort þið þekkið bátinn?




                Þekkið þið þennan trébát? © mynd Sigurlaugur á jóladag 2009

31.12.2009 08:03

Margir bátar


     Ver RE 112 og margir fleiri við Grandabakka í Reykjavík © mynd Sigurlaugur á jóladag 2009

31.12.2009 00:00

Skip og bátar í Morocco

Nú er hafinn síðasti dagur þessa árs og fyrir utan þessa færslu, sem er um skip í Morocco, verð ég með örfáar í fyrramálið, raunar sennilega ekki nema tvær færslur og síðan kemur áramótaávarp frá mér upp úr hádeginu, sem verður myndskreytt. Eftir það tekur við frí, hvort sem ég kem inn að kvöldi nýársdags eða ekki fyrr en aðfaranótt 2. janúar, kemur allt í ljós.


                                                      Nótabátur í Laayone


                                                            Nótabátur


                                                   Nótabátur


                                               Nótabátur að koma inn


                                                            Pilot


                            Sementsskipið Alutrans © myndir Svafar Gestsson



30.12.2009 19:43

Flott photoshoppuð

Einn af vinum mínum á Facebook, Garðar Ólafsson, tók mynd þá sem ég tók af Svani KE 90, þar sem hann var sokkinn í Njarðvíkurhöfn og sýndi stýrishúsið undir yfirborði sjávar og fór með myndina í gegn um Photoshop og árangurinn var furðu góður og hér sjáið þið hann.

          © frummynd Emil Páll, photoshop Garðar Ólafsson

30.12.2009 19:36

Guðmundur í Nesi RE 13, Brimnes RE 27 og Víkin


                         Guðmundur í Nesi RE 13, í Reykjavík


                                     Brimnes RE 27


    Hér sjáum við gömlu bæjarútgerðarhúsini í Reykjavík, þ.e. þá hlið er snýr að  höfninni.
                                   © myndir Sigurlaugur á jóladag 2009

30.12.2009 17:27

Týr og Ægir


   Varðskipin Týr og Ægir, í Reykjavík © mynd Sigurlaugur á jóladag 2009

30.12.2009 13:59

Völusteinn kaupir þrotabú FESTI

 
Samkvæmt fréttum Stöðvar 2 í gærkvöldi  og visir.is í morgun hefur útgerðarfélagið Völusteinn í Bolungarvík hefur keypt þrotabú útgerðarfyrirtækisins Festar ehf. í Hafnarfirði. Í því felst að Völusteinn kaupir allan rekstur og eignir þrotabúsins, sex báta, fiskvinnslu og aflaheimildir. Kaupverðið er 3,2 milljarðar króna að því er fram kemur í tilkynningu frá Landsbankanum. Útgerðarfélagið Völusteinn ehf. er í eigu Ólafs Jens Daðasonar skipstjóra í Bolungarvík og Gunnars Torfasonar sjávarútvegsfræðings á Ísafirði. "Fyrirtækjaráðgjöf Landsbankans annaðist sölu þrotabúsins í umboði skiptastjóra. Tilhögun sölunnar var kynnt með auglýsingu 4. desember. Mikill áhugi var á eignunum og óskuðu 104 aðilar eftir gögnum um þær og bárust skiptastjóra 36 óskuldbindandi tilboð. Hæstbjóðendum var boðið að leggja fram bindandi kauptilboð, og bárust 5 tilboð þann 23. desember. Að undangengnu mati skiptastjóra á þeim tilboðum og áreiðanleika fjármögnunar tilboðsgjafa, var gengið til samningaviðræðna við Útgerðarfélagið Völustein ehf. og skrifað undir kaupsamning 29. desember," segir í tilkynningunni.

Útgerðarfélagið Völusteinn ehf. tekur við rekstri þrotabúsins frá og með áramótum. Eigendur hafa lýst því að reksturinn verði endurskipulagður strax í janúar, að fiskvinnslan verði áfram starfrækt í Hafnarfirði og að kappkostað verði að verja þau störf sem fyrir eru.

Útgerðarfélagið Völusteinn gerir út línubátinn Hrólf Einarsson ÍS 255 frá Bolungarvík. Með kaupum Útgerðarfélagsins Völusteins ehf. á rekstri og eignum þrotabús Festar verða aflaheimildir fyrirtækisins 1.988 þorskígildi.

30.12.2009 13:29

Kaspryba 1 og Kaspryba 3


   Kaspryba 1 og Kaspryba 3, í Sundahöfn © mynd Sigurlaugur á jóladag 2009

30.12.2009 13:27

Green Bergen


         Green Bergen í Sundahöfn © mynd Sigurlaugur, á jóladag 2009

30.12.2009 12:56

Svanur kominn á flot og Kambaröstin farin annað

Það var ýmislegt að gerast í Njarðvíkurhöfn í morgun. Köfunarþjónusta Sigurðar náði Svan KE 90 aftur á flot með aðstoð OR krana og lyftara frá Eimskip. Það sorglega er að þetta var síðasta verkið hjá krananum, því hann hefur nú verið seldur úr landi. Á sama tíma tók hafnsögubáturinn Auðunn, Kambaröstina sem legið hefur í Njarðvik og til stóð að brjóta niður í Njarðvikurslipp og dró hann bátinn í burtu, en mér er ekki kunnugt um hvert farið var með hann. Meðfylgjandi myndir voru teknar þegar Svaninum var lyft upp, en sökum þess að birta var tæp og eins að sólin var á móti er ýmist um að ræða dökkar myndir eða myndir teknar með næturstillingunni. Varðandi Svaninn, þá verður honum haldið á floti í höfninni, þar til ákvörðun verður tekin um framhaldið.








    Frá björgun Svans KE 90 í Njarðvíkurhöfn í morgun. Til að sjá samanburðinn á myndatöku á venjulegan máta og með næturstillingunni eru tvær síðustu myndirnar teknar við sömu aðstæður © myndir Emil Páll 30. desember 2009

30.12.2009 08:27

Allir togarar HB Granda voru í landi

Eins og sjá mátti á myndum þeim sem birtar hafa verið undanfarna daga voru allir togarar HB Granda í landi og flestir eða allir í Reykjavík. Hér birtist mynd af fjórum þeirra saman.


   Fjórir togarar HB Granda f.v. Ottó N. Þorláksson RE 203, Helga María AK 16, Þerney RE 101 og Höfrungur III AK 250 © mynd Sigurlaugur á jóladag 2009

30.12.2009 08:12

Herkúles og Borgin


                                     2503. Herkúles og Borgin


                     Borgin © myndir Sigurlaugur, á jóladag 2009

30.12.2009 00:00

Lokin frá Ghana

Þá er komið að lokum á myndum Svafars Gestssonar frá Ghana, en þangað fór hann og stundaði sjómennsku á Hafnarröstinni, sem kom héðan frá Íslandi. Myndasyrpunni frá Morocco lýkur i janúarmánuði og þar með eru erlendu syrpum Svafars lokið, a.m.k. að sinni.


                                                    Vinnsla


                                                 Vinnsla


                                                    Vinnsla


                                                         Voðin tekin inn


                                                       Þrír á vinnsludekki


                            Þrír með fiska © myndir Svafar Gestsson


29.12.2009 22:28

Akkeri


                               © mynd Sigurlaugur á jóladag 2009