Varðskipið Þór. Ljósmynd/Jón Páll Ásgeirsson

Eins og ég sagði frá í morgun strandaði erlent flutningaskip, Fernando, sunnan við innsiglinguna í Sandgerðishöfn í morgun. Að sögn mbl.is er varðskipið Þór  á leið á staðinn og þyrla Landhelgisgæslunnar hefur verið kölluð út. Ekki er talið að bráð hætta sé á ferð.

Ellefu eru í áhöfn skipsins. Gott veður er á staðnum. Svo virðist sem að skipið hafi ekki beygt inn í innsiglinguna á réttum tíma og siglt á hafnargarðinn.

Landhelgisgæslu barst tilkynning um strandið um kl. 8:30. Varðskipið Þór var þá statt í Stakksfirði og var strax snúið til Sandgerðis.

Ekki er talin þörf á að flytja áhöfn frá borði, en þyrla Gæslunnar verður til taks og mun m.a. fylgjast með því hvort olía lekur frá skipinu.

Háfjara var um kl. 7 í morgun, en háflóð er um kl. 17. Reiknað er með að reynt verði að ná skipinu á flot þegar flæðir að.

Fernando er um 75 metra langt skip og um 2.500 brúttótonn. Skipið er skráð í Dóminíska lýðveldinu.

Varðskipið Þór koma með dýpkunarpramman Hrapp til Hafnafjarðar í kvöld. Ljósmynd/Jón Páll Ásgeirsson

Varðskipið Þór kom til Hafnarfjarðar í kvöld en hann hefur verið í viðgerð í Noregi síðan í febrúar. Þór dró til landsins pramma sem notaður verður í vegagerð á Vestfjörðum í sumar.

Suðurverk tók prammann á leigu og fékk Þór til að draga hann til landsins, fyrst skipið var á leið til Íslands. Hann verður notaður við að leggja Vestfjarðaveg á milli Eiðis og Þverár.

Skipta þurfti um aðra af aðalvél í Þór vegna þess að óeðlilegur titringur var í henni. Allur kostnaður við þetta verkefni er greiddur af Rolls Royce.