Færslur: 2012 Janúar

01.01.2012 22:05

Sæbjörg VE 56


                          989. Sæbjörg VE 56, í Vestmannaeyjahöfn © mynd Emil Páll

01.01.2012 21:40

Björgvin SH 21


                          341. Björgvin SH 21, í Keflavíkurhöfn © mynd Emil Páll

Smíðaður í Rödvik, Danmörku 1947. Kom í fyrsta sinn hingað til lands og þá til Keflavíkur 9. júní 1947. Dæmdur ónýtur 15 ágúst 1979. Bátnum var lagt upp í fjöru niður af Þingvallarbænum á Snæfellsnesi og var þar enn í ágúst 2009.

Nöfn: Björgvin GK 482, Björgvin KE 82, Hafnarberg ÁR 21 og Björgvin SH 21.

01.01.2012 21:00

Flak Björgvins SH 21

                Hér birti ég fjögurra mynda syrpu af 341. Björgvin SH 21 sen varð ónýtur 1979 og var bátnum lagt í fjöru niður af Þingvallarbænum á Snæfellsnesi og liggur þar ennþá.


                        341. Björgvin SH 21 © myndir Smári Steinarsson 2008

01.01.2012 19:30

Meira frí næst

Jæja þá eru þessir hátíðardagar búnir og fyrir okkur landkrabbana, þá voru vinnuveitendajól eins og margir launþegar kalla LITLU BRANDARJÓL, þ.e. þegar jóin og áramótin falla á helgi og því lítið um auka frídaga. Þetta breytist nú því næst eru launþegajól þ.e. ST'ÓRU BRANDARJÓL, vegna þess að hlaupár er í ár og þvi eru 29 dagar í febrúar. Þess vegna verður aðfangadagur næst á mánudegi og sama með gamlársdag hann verður líka á mánudegi árið 2012 og því koma 5 frídagar um jólin og fjórir um áramótin.

01.01.2012 17:10

Landanir í vikunni - af heimasíðu Ramma

 

Í vikunni var landað úr báðum frystiskipum Ramma. Landað var úr Sigurbjörgu í Ólafsfirði á þriðjudag og Mánabergi á Siglufirði í gær.

Heildarafli Mánabergs var 523 tonn og aflaverðmæti um 194 milljónir króna eftir 26 daga veiðiferð og heildarafli Sigurbjargar var 362 tonn og aflaverðmæti um 128 milljónir króna eftir 18 daga veiðiferð. Afli beggja skipa var blandaður, mest þorskur.









Texti: Heimasíða Ramma

01.01.2012 17:00

5 ár liðin frá strandi Wilson Muuga

Lifið í Sandgerði - 245.is

Björgunarsveitin Sigurvon fór að kvöldi 19. desember að "Wilson Road" strandstað Wilsons Muuga til að minnast þess að 5 ár eru liðin frá þessu mikla strandi.

Meðlimir Sigurvonar stóðu í ströngu allann þann tíma sem leið frá strandinu og á meðan olía var tekin frá borði, einnig aðstoðuðu þeir við hreinsunarstarf sem tók dágóðan tíma og svo kom sveitin að því að ná honum á flot nokkrum mánuðum seinna.

"Við kveiktum á 5 friðarkyndlum og vildum með því minnast sjóliðans Jan Nordskov Larsens sem fórst en hann var af Danska varðskipinu Triton en hann lést við björgunaraðgerðir þegar Wilson Muuga strandaði.
Þetta strand er alltaf mjög ofarlega í huga okkar sem erum í Sigurvon því þetta verkefni var án efa eitt það stærsta og með þeim erfiðari sem við höfum tekið þátt í. Við munum alltaf minnast þessa dags með einum eða öðrum hætti" sagði Guðlaugur Ottesen Formaður Sigurvonar í samtali við 245.is
 

01.01.2012 16:50

Mokveiði síðustu daga

bb.is

Frá Bolungarvíkurhöfn.
Frá Bolungarvíkurhöfn.


Mokveiði hefur verið hjá bolvískum smábátum undanfarna daga. Í gær lönduðu þeir 53,2 tonnum og rúmum 58 tonnum á miðvikudag. Margir bátanna hafa komið með yfir 10 tonn á einum degi sem þykir mjög gott hjá smábát. Vilborg ÍS hefur komið með mestan afla að landi að undanförnu eða 11,4 tonnum í gær og 13 tonnum á miðvikudag. Hrólfur Einarsson ÍS kom með 10,4 tonn í gær og Guðmundur Einarsson ÍS kom með rúm 9 tonn. Að sögn Ólafs Þ. Benediktssonar hjá hafnarvoginni í Bolungarvík, hefur meiri afli borist á land í þessum mánuði en á sama tíma í fyrra. Fimm af bolvísku bátunum eru komnir með yfir 100 tonn í mánuðinum, Vilborg ÍS, Sirrý ÍS, Hrólfur Einarsson ÍS, Guðmundur Einarsson ÍS og Einar Hálfdáns ÍS.

Allir bolvísku bátarnir eru að veiðum í dag. Í fyrramálið er síðan von á Valbirni ÍS og Þorláki ÍS. Aflinn er að mestu þorskur og ýsa. "Það er mikið af fiski á miðunum segja sjómenn og þeir eru á góðum bátum. Það eru feiknaduglegir menn í Bolungarvík og þeir eru alveg einstaklega harðsæknir. Þá búum við svo vel hér við Ísafjarðardjúp að það er hægt að róa í flestum veðrum," segir Ólafur. Hann segir aflann fara vítt og breytt um landið. "Mikið af aflanum fer til vinnslu hjá Fiskvinnslu Jakobs Valgeirs hér í Bolungarvík, töluvert fer til Íslandssögu á Suðureyri og restin er seld í burtu," segir Ólafur.

01.01.2012 16:40

Gaui Óla veitti Sigurvon rausnarlegan peningastyrk

Lífið í Sandgerði - 245.is


Sandgerðingurinn Guðjón Ólafsson oft kallaður Gaui Óla og kenndur við Sjávarmál ehf. veitti björgunarsveitinni Sigurvon rausnarlegan peningastyrk nú á dögunum.

"Það er alltaf gaman að taka við styrkjum sem þessum og um leið vita til þess að svona fólk er til í okkar samfélagi sem lætur gott af sér leiða.  Þessi styrkur kemur sér mjög vel í reksturinn hjá okkur en við höfum átt nokkuð erfitt ár að baki hvað varðar fjarmál og því kemur þetta sér einstaklega vel. Við viljum þakka honum kærlega fyrir okkur og hvetja aðra sem geta á einhvern hátt styrkt starf Sigurvonar að gera slíkt hið sama", sagði Guðlaugur Ottesen formaður Sigurvonar í samtali við 245.is

Mynd: Smári/245.is | lifid@245.is


01.01.2012 15:26

Milli jóla og nýárs - myndasyrpa á miðnætti


                                  Milli jóla og nýars - sjá nánar á miðnætti

01.01.2012 14:20

Farquharson


                         Farquharson, í Ástralíu © mynd shipspotting, Tobas S., 30. des. 2011

01.01.2012 00:20

Fáskrúðsfjörður - Jól 2011

Þessa syrpu má einnig sjá á heimasíðu Hoffells SU 80, tekin af Óðni Magnasyni
















         Fáskrúðsfjörður - Jól 2011 © myndir af síðu Hoffells SU 80, ljósm.: Óðinn Magnason

01.01.2012 00:05

Gleðilegt nýtt ár - myndasyrpa frá viðburðarríku ári í starfsemi Landhelgisgæslu Íslands.

Af vef LANDHELGISGÆSLUNNAR:

flugeldar_1

Gleðilegt nýtt ár - myndasyrpa frá viðburðarríku ári í starfsemi Landhelgisgæslu Íslands.

Starfsmenn Landhelgisgæslu Íslands óska samstarfsaðilum og landsmönnum öllum gleðilegs nýs árs og þakka ánægjulegt samstarf á árinu sem er að líða.

Hér má sjá margvíslegar myndir úr fjölbreyttu starfi Landhelgisgæslunnar á árinu 2011.

_MG_1135

Þór, nýtt varðskip Íslendinga kom til fyrstu hafnar á Íslandi þann 26. október og lagði að bryggju í Vestmannaeyjum. Fjöldi fólks var samankominn á Friðarbryggju þegar glæsilegt varðskipið sigldi inn höfnina. Þyrlur Landhelgisgæslunnar  TF-LÍF og TF-GNÁ sveimuðu yfir.


Thor_Landsbjorg
Þór kemur til Reykjavíkur 27. október í fylgd björgunarskipa Slysavarnarfélagsins Landsbjargar og þyrlna Landhelgisgæslunnar.

Myndskeið sjónvarps mbl.is (Opnast í nýjum vafraglugga) frá komu varðskipsins til Reykjavíkur.

Mbl Sjónvarp kynnti sér aðstæður um borð í Þór nýju eftirlits- og björgunarskipi Íslendinga. Sjá hér (Opnast í nýjum vafraglugga)

Myndskeið (Opnast í nýjum vafraglugga) sem sýnir Þór á siglingu.

Skalva13jan11-163
Slasaður skipverji var sóttur um borð í flutningaskipið Skalva 13. janúar.
Myndskeið frá  aðgerðinni hér:

http://www.youtube.com/watch?v=0rydTGtrkwA&feature=player_embedded (Opnast í nýjum vafraglugga)

http://www.mbl.is/frettir/innlent/2011/01/15/skipid_elti_mig_upp/ (Opnast í nýjum vafraglugga)

2-Triton-kominn-ad-AEgi
Varðskipið Ægir tekur þátt í björgunaræfingu við æfingar með dönskum varðskipum.

Sprenging
Tundurduflum eytt á Héraðssandi 3. febrúar 2011

IMG_3266
Týr, varðskip Landhelgisgæslunnar kom til Reykjavíkur 10. mars með stálpramma í togi sem Landhelgisgæslan hefur svipast eftir um nokkurt skeið. Tókst áhöfn varðskipsins að snara prammann  eftir að þyrla Landhelgisgæslunnar TF-LÍF fann prammann.

AnitaLif9
Baldur, sjómælinga- og eftirlitsskip Landhelgisgæslunnar ásamt Fjölva, pramma Köfunarþjónustunnar komu til Reykjavíkur 31. mars með fiskibátinn Anítu Lif sem sökk norður af Akurey 26. mars. Með í för voru fulltrúar Rannsóknarnefndar sjóslysa og tryggingafélags. 

Isbjorn-040

Hvítabjörn var felldur í Rekavík (Bakhöfn) á Hornströndum 2. maí 2011. Tilkynning barst um hvítabjörninn barst Landhelgisgæslunni um morguninn. Þyrla Landhelgisgæslunnar flaug á Ísafjörð þaðan sem flogið var á Hornstrandir í Hælavík. Hafði þá bjarndýrið fært sig um set og fannst eftir nokkra leit í Rekavík (Bakhöfn)

mynd4_AS
Flugvél Landhelgisgæslunnar, TF-SIF flaug  með vísindamenn frá Jarðvísindastofnun og Veðurstofunni  að gosstöðvunum í Grímsvötnum.

SortlandIMG_2612-(2)

Norska varðskipið Sortland kom til Reykjavíkur 1. júní en skipið er kom hingað til lands til að taka þátt í hátíðahöldum Sjómannadagsins auk þess sem skipið tók þátt í varnaræfingunni Norður Víkingur.

Arnaldur-2011-106

Varnaræfingin Norður Víkingur fór fram dagana 6. - 10. júní. Æfingar á sjó voru viðamikill þáttur m.a. viðamikil æfing í haugasjó á Faxaflóa með þátttöku Dettifoss, danska varðskipsins Hvidebjoernen og norska varðskipsins Sortland auk sprengjusveitar og þyrlna Landhelgisgæslunnar,  sérsveitar ríkislögreglustjóra, ítalskra sérsveitarmanna og Geislavarna ríkisins.

AegirPir-(40)

Varðskipið Ægir bjargaði  93 mönnum af vélarvana báti nálægt eynni Krít í Miðjarðarhafi en varðskipið sinnti þar landamæragæslu fyrir Evrópusambandið undir merkjum Frontex, landamærastofnunar ESB.

Eagle1

Bandaríska skólaskipið USCGC Eagle WIX-327 kom 28. júní til hafnar í Reykjavík. Landhelgisgæslan og sjóbjörgunarsveit Slysavarnafélagsins Landsbjargar sigldu til móts við skipið sem var á heimleið úr siglingu sem farin var í tilefni 75 ára afmælis þess.

GNA3_BaldurSveins
Landhelgisgæslan tók þátt í leit að erlendum ferðamanni á Fimmvörðuhálsi 14. júlí.   Hófst leit þyrlunnar í Þórsmörk, fyrst vestarlega á Eyjafjallajökli og inn eftir þar sem grunur lék á að maðurinn væri Þórsmerkurmegin á Fimmvörðuhálsi nærri Heljarkambi. Eftir nokkra leit sáust úr þyrlunni fótspor í snjónum nálægt Heljarkambi. Lágu fótsporin upp í þokuna svo að ekki var hægt fyrir þyrluna að elta þau. Bakpoki fannst á jöklinum kl. 18:15 sem passaði við lýsingu á bakpoka mannsins. Tilkynning barst kl. 19:22 um að maðurinn væri fundinn og var hann ómeiddur.

Knud_Ras9_aefing
Landhelgisgæslan og sjóbjörgunarsveitir Slysavarnarfélagsins Landsbjargar þann 27. júlí þátt í æfingum með danska varðskipinu Knud Rasmussen. Var þá kona í fyrsta skipti að taka við stjórn Knud Rasmussen. Er  hún fyrsta konan til að stjórna varðskipi af þessari stærðargráðu innan danska sjóhersins.

31072011_LHG_Aegir_bjorgun-(15)
Varðskipið Ægir bjargaði  58 flóttamönnum sem skildir höfðu verið eftir í fjöru/gilskorningi á Radopos skaga á Krít. Í hópnum voru 30 karlmenn,  16 konur, þar af 2 ófrískar og 12 börn allt niður í ársgömul.

Myndskeið mbl.is  hér (Opnast í nýjum vafraglugga)

Kofun_Kleifarvatn-08.08.11-311

Kafarar sprengjudeildar Landhelgisgæslunnar fundu 8. ágúst stél af flugvélasprengju í Kleifarvatni eftir að ábending um torkennilegan hlut í vatninu barst frá köfurum björgunarsveitar Slysavarnarfélagsins Landsbjargar í Hafnarfirði.


FTG_8320

IMG_7487THOR2

THOR1
Varðskipið Þór var afhent Landhelgisgæslu Íslands við hátíðlega athöfn 23. september í kl. 11:45 að staðartíma í Asmar skipasmíðastöð sjóhersins í Chile. Viðstödd athöfnina voru Georg Kr. Lárusson forstjóri Landhelgisgæslunnar sem veitti skipinu viðtöku og Ragnhildur Hjaltadóttir ráðuneytisstjóri í innanríkisráðuneytinu.

NC2011_IMG_3448
Alþjóðlegri æfingu sprengjueyðingarsveita, Northern Challenge, lauk 7. október 2011  eftir tveggja vikna æfingaferli. Landhelgisgæsla Íslands og NATO stóðu fyrir æfingunni sem m.a. fór fram á svæði Landhelgisgæslunnar við Keflavík

2011-10-06-048-NDP-234
Sigling varðskipsins Þórs um Panama skurð

Thor_bidlaugardag

Varðskipið Þór hefur vakið mikla athygli frá komunni til landsins. Um 16.000 manns hafa nú skoðað skipið sem komið hefur  til hafnar í Vestmannaeyjum, Reykjavík, á Neskaupstað, Reyðarfirði, Neskaupstað, á Akureyri, á Ísafirði og í Helguvík.

Mynd0398
Alma séð frá þyrlu LHG

Landhelgisgæslunni barst þann 5. nóvember aðstoðarbeiðni frá Birni Lóðs, dráttarbátnum á Höfn í Hornafirði vegna flutningaskipsins ALMA.  Var lóðsinn að aðstoða flutningaskipið út fyrir Ósinn á Hornafirði um kl. 03:00 þegar uppgötvaðist að stýri skipsins virkaði ekki. Björgunaraðgerðir vegna Ölmu stóðu yfir í um sólahring. Þyrla Landhelgisgæslunnar var send á vettvang og seig stýrimaður þyrlunnar um borð í Ölmu til að vera til aðstoðar. Einnig voru varðskipin Þór og Ægir send til aðstoðar. 

ThOR_1
Þór við Austfirði

Lif1

Landhelgisgæslunni barst þann 10. nóvember beiðni frá Fjarskiptamiðstöð lögreglunnar um aðstoð þyrlu Landhelgisgæslunnar við leit að erlendum ferðamanni á Mýrdalsjökli. Fannst maðurinn látinn 12. nóvember. 

SIF_eftirlit
Í eftirlitsflugi TF-SIF, flugvélar Landhelgisgæslunnar aðfaranótt 11. nóvember, fyrir Frontex, landamærastofnun Evrópusambandsins, greindist í eftirlitsbúnaði flugvélarinnar grunsamlegur bátur sem staðsettur var  16,6 sjómílur suðaustur af Otranto, í Pugliu á Ítalíu. Grunur vaknaði um að fjöldi fólks væri neðan þilja. Ákveðið var að senda varðskip í veg fyrir bátinn. Við rannsókn þeirra um borð kom í ljós að í bátnum voru 37 flóttamenn,  27 fullorðnir karlmenn og 10 drengir. Engar konur eða stúlkubörn. Einnig voru um borð tveir skipuleggjendur smyglsins (facilitators), Rússi og Úkraínumaður. Voru þeir handteknir og fluttir til hafnar á Ítalíu.

Minnathofn20112011_2
Fórnarlamba umferðarslysa var minnst þann 20. nóvember með einnar mínútu þögn að loknu ávarpi forseta Íslands við minningarathöfn sem haldin var við bráðamóttöku Landspítalans. Þyrluáhöfn Landhelgisgæslunnar var viðstödd athöfnina ásamt öðrum starfsstéttum sem koma að björgun og aðhlynningu þeirra sem lenda í alvarlegum umferðarslysum.

Naetursjonaukar_28112011266
Þegar skyggja tekur á haustin taka við hjá þyrluáhöfnum Landhelgisgæslunnar reglulegar  kvöld- og næturæfingar með og án nætursjónauka.  Þessi glæsilega mynd af Norðurljósunum var tekin af áhöfn TF-LIF þegar flogið var yfir Langjökul.

01.01.2012 00:01

2012