Hér hefjast nokkrar myndabirtingar af líkönum og myndum, auk báta sem verið er að byggja upp, allt í eigu Sjóminjasafns Siglufjarðar. Myndir þessar tók Bjarni Guðmundsson á ferðalagi sínu um Siglufjörð á dögunum. Fyrst tek ég fyrir Dagnýju SI 7


   32. Dagný SI 7, líkan í eigu Sjóminasafnsins Siglufirði © mynd Bjarni G., 14. júlí 2010

Síðdegis í dag hófust Hringrásar menn við að tæta niður Sólfara SU 16 í Njarðvíkurslipp og tók ég þessar myndir þegar verkið var ný hafið.






   1156. Sólfari SU 16 á grafarbakkanum í Njarðvíkurslipp í dag © myndir Emil Páll, 26. júlí 2010

Reykjanesbær hefur nú um nokkra ára skeið dregið lappirnar með að taka til varðveislu nokkra gamla báta og geymt þá á opnu svæði. En í gær fækkaði þeim um einn, samkvæmt þessari frétt sem birtist í morgun á vf.is



Fréttir | 26. júlí 2010 | 10:32:55

Bátur brann og annar sjóðhitnaði

Einn bátur brann og annar sjóðhitnaði og mátti ekki miklu muna að eldur blossaði upp í honum um miðjan dag í gær. Bátarnir stóðu á opnu svæði við Fitjabraut í Njarðvík.

Það var um miðjan dag í gær sem eldur blossaði upp í gömlum báti neðan við athafnasvæði Gámaþjónustunnar við Fitjabraut, um 100 metra frá bensínstöð ÓB í Njarðvík. Þegar slökkvilið Brunavarna Suðurnesja kom á staðinn örfáum mínútum eftir að eldurinn blossaði upp var báturinn alelda og annar bátur sem stóð við hlið hans var orðinn sjóðheitur og byrjað að rjúka úr honum.

Ætla má að eldur hafi verið borinn að bátnum en eins og sjá má á meðfylgjandi myndum Hilmars Braga, var eldurinn mikill þegar slökkvilið kom á staðinn.

Af visi.is:

Vísir, 26. júl. 2010 11:08

Octopus, ein stærsta ofursnekkja heims siglir til Reykjavíkur

                7046. Ólöf HF 126, Hafnarfirði © myndir Bjarni G., 19. júlí 2010

                     7472. Tóti VE 28, í Hafnarfirði © mynd Bjarni G., 19. júlí 2010

                             Frá Hafnarfirði © mynd Bjarni G., 19. júlí 2010

                2728. Hringur GK 18, í Hafnarfirði © mynd Bjarni G., 19. júlí 2010

Togarinn Odra er í eigu dótturfyrirtækis Samherja, en deili á flutningaskipinu veit ég engin.


        Odra og ókunnugt flutningaskip, í Hafnarfirði © mynd Bjarni G., 19. júlí 2010

Ekki klár á því hvað þessi heitir, en hann er með nr. K 1676.


             Rússa togarar í Hafnarfjarðarhöfn © mynd Bjarni G., 19. júlí 2010

Hélt að vísu að þessi hefði átt að fara í pottinn á þessu sumri, en sé ekkert fararsnið á honum.


                         Merike, í Hafnarfirði © mynd Bjarni G., 19. júlí 2010

               Kiel NC 105, í Hafnarfjarðarhöfn © mynd Bjarni G., 19. júlí 2010

Samkvæmt mbl.is:

Tveir bátar sukku í Reykjavíkurhöfn um helgina, annar í smábátahöfninni skammt frá tónlistarhúsinu, en hinn stutt frá Kaffivagninum. Þeim verður náð upp í dag. Að sögn hafnarvarðar eru þetta trébátar sem ekki hafa verið notaðir um talsverðan tíma. Þeir eru ekki með haffærisskírteini. Annar báturinn er um 60 tonn en hinn 25-30 tonn. Búið var að fjarlægja olíu úr bátunum og því ekki talið að nein mengun hafi orðið. Varnargirðing var þó sett í kringum bátinn sem sökk við Kaffivagninn til öryggis. Talið er að sjór hafi seytlað inn í bátana þar sem þeim hefur ekkert verið sinnt í langan tíma og þeir á endanum sokkið.

Í ljós er komið að þetta voru bátarnir 357, Ver RE 112 og 472. Gæskur RE 91.

                      Helgi Nikk, í Hafnarfirði © mynd Bjarni G., 19. júlí 2010

                1834. Neisti HU 5, á Hvammstanga © mynd Bjarni G., 21. júlí 2010