Færslur: 2010 Júlí

22.07.2010 23:13

Eiður ÓF 13 og trillan Skrúður

Jón Sindri sendi mér nokkrar myndir af norðan og birti ég nú tvær þeirra, en hinar í fyrramálið. Sendi ég honum kærar þakkir fyrir.


  

                1611. Eiður ÓF 13 og trillan Skrúður © myndir Jón Sindri 2010

22.07.2010 22:52

Goðafoss

Það rétt svo grillir í hann þarna úti í fjaska, enda á leið frá Reykjavík með stefnu á Garðskaga og myndin er tekin frá Vatnsnesi í Keflavík


              Goðafoss, lengst út í fjaska © mynd Emil Páll, 22. júlí 2010

22.07.2010 21:51

Auðunn í Helguvík


                   2043. Auðunn í Helguvík í kvöld © mynd Emil Páll, 22. júlí 2010

22.07.2010 21:38

Bara Herjólfur má nota Landeyjarhöfn

Úr visi.is:

Vísir, 22. júl. 2010 17:11

Óviðkomandi umferð bönnuð um Landeyjarhöfn

Herjólfur er nýlega farinn að sigla frá Landeyjarhöfn. Mynd/ Arnþór.
Herjólfur er nýlega farinn að sigla frá Landeyjarhöfn. Mynd/ Arnþór.

Siglingastofnun hefur ákveðið að banna umferð annarra skipa og báta en Herjólfs á meðan reynsla er fengin á siglingar ferjunnar um höfnina og vegna mikils álags fram yfir þjóðhátíð. Í tilkynningu frá Siglingastofnun kemur jafnframt fram að nauðsynlegt er að takmarka siglingar út frá slysahættu, þar sem að svæðið er ófrágengið og framkvæmdir ennþá í gangi.

22.07.2010 21:08

Dís

Þessi skúta kom í Grófina nú í kvöld og smellti ég þá þessari mynd.


    2698. Dís, í Grófinni í Keflavík í kvöld. Hurðinn á hinum fræga Skessuhelli er enn opin.
                                             © mynd Emil Páll, 22. júlí 2010

22.07.2010 20:51

Hav Nes, Hólmsbergsviti og Stakkur

Þessar myndir tók ég úti við Helguvík um kl.20 í kvöld er mjöl flutningaskipið Hav Nes var af fara aftur. Á myndunum má auk skipsins sjá Hólmsbergsvita frá óvenjulegu sjónarhorni, svo og hinn fræga klett er nefnist Stakkur og Stakksfjörður ber nafn af.


    Hav Nes við bryggju í Helguvík og Hólmsbergsviti sést vinstra megin á myndinni


   Hér sjáum við auk skipsins sem er á leið út Helguvíkina, klettinn Stakk sem ber fyrir ofan stefni skipsins og Hólmsbergið


   Hav Nes yfirgefur Helguvíkina í rigningarsúldinni og því er myndin ekki alveg nógu greinileg © myndir Emil Páll, 22. júlí 2010

22.07.2010 18:50

Eyjólfur Ólafsson GK 38 dreginn vélavana til Sandgerðis


Eyjólfur GK-38 dreginn í smábátahöfnina

Í morgun barst tilkynning um að báturinn Eyjólfur Ólafsson GK-38 frá Sandgerði væri vélarvana rétt fyrir utan Sandgerðishöfn.  Björgunarsveitin Sigurvon fór á Þorsteini og gekk björgunin vel og engan sakaði.

Á meðfylgjandi myndbandi má sjá þegar Þorsteinn kemur með Eyjólf inn í höfn.  Í lok myndbandsins þakkar skipstjórinn meðlimum Sigurvonar fyrir skjót og góð viðbrögð.
Smellið hér til að horfa á myndbandið.

Bein vefslóð á frétt:
http://www.245.is/default.asp?page=44&Article_ID=7250&NWS=NWS

Bein vefslóð á myndband:
http://www.myndbandaveita.is/245/spila.asp?id=83

Heimild: 245.is

22.07.2010 18:15

Með hringlínu fyrir makrílinn

Margir sem farið hafa um Keflavíkurhöfn undanfarnar vikur hafa verið að spá í hvað eigi að nota stokk sem kominn er með annarri síðunni og frá svona rúmlega miðri síðu og aftur á rassgat og virðist lína vera í stokknum. Við nánar athugun kom í ljós að umræddur bátur sem er Lena ÍS 61 er að hefja makrílveiðar á einskonar hinglínu sem fer út að framan og upp að aftan og gengur þannig hring eftir hring á einhverjum hraða og telja menn að með því sé hægt að veiða makrílinn. Ekki veit ég hvort menn sjái þetta á myndunum sem ég tók í morgun.


                                    Stokkurinn er rétt innan við lunninguna


                    1396. Lena ÍS 61, í Keflavíkurhöfn © myndir Emil Páll, 22. júlí 2010

22.07.2010 16:22

Blár og SU 220

Á dögunum þegar Hafdís GK 118 kom í Njarðvíkurslipp höfðu menn á orði að báturinn myndi verða blár þegar hann færi úr slipp og halda nafninu en fá númerið SU 220. Í dag leit ég aðeins inn í húsið þar sem verið er að mála bátinn og jú, blái liturinn var kominn á hann og númerið SU 220, en ekkert nafn ennþá.


    2400. Hugsanlega Hafdís áfram, en nr. SU 220 og liturinn er blár © mynd Emil Páll, 22. júlí 2010

22.07.2010 16:18

Endalokin nálgast

Já, í dag fór Sólfari SU 16 í sýna síðustu sjóferð eins og fram kom hér á síðunni og nú er hann kominn í sínu síðustu slippferð og endalokin nálgast.


   1156. Sólfari SU 16, í síðasta sinn í slipp og að sjálfsögðu í Njarðvikurslipp þar sem ferill hans mun ljúka   © mynd Emil Páll 22. júlí 2010

22.07.2010 15:02

Hvað sjáum við á þessari mynd og hvar er hún tekin?

Svona smá getraun eða leikur. Hvaðan er þessi mynd tekin og hvað sjáum við á henni? A.m.k tvö kennileiti

Ja nú er ég hissa, komnir 5 tímar og ekkert svar. Svo ég upplýsi um svörin. Myndin er tekin úr Njarðvíkurhöfn og sýnir fjallið Keilir gnæfa yfir Vogastapa. Fremst er tangi út af Innri-Njarðvík.


         Hvaðan er þessi mynd og hvað sjáum við á henni ?  © mynd Emil Páll, 22. júlí 2010

22.07.2010 14:55

Nýr bátur til Ólafsvíkur

Til stendur að sjósetja nýjan bát af gerðinni Sómi 870, einhvern næstu daga. Lokasmíði og raunar smíði að stórum hluta hefur farið fram hjá Bláfelli ehf., á Ásbrú, (gamla varnarliðssvæðinu í Keflavík).
Mun báturinn verða með heimahöfn í Ólafsvík og mun ég segja nánar frá honum þegar sjósetningin fer fram.




                        Nýi báturinn er í loka frágangi hjá Bláfelli ehf.


        Hér sjáum við Ragnar Ölver Ragnarsson, rafvirkja í vélarúmi bátsins 
                                              © myndir Emil Páll, 22. júlí 2010

22.07.2010 14:44

Reginn HF 228




   1102. Reginn HF 228, kemur til Njarðvíkur nú síðdegis © myndir Emil Páll, 22. júlí 2010

22.07.2010 14:36

Hugleiðing um hugleiðingar

Hér aðeins neðar er ég með hugleiðingar um Strandveiðar og komu tveir aðilar og tjá sig. Sá síðari sem virðist taka málið mjög alvarlega, les augljóslega ekki hvað ég hef skrifað, en þar var ég að ræða um að vegna brælu hafi bátar ekki getað róðið nema í 1-2 daga og skiptir þá engu máli hvað marga daga þeir máttu róa, því ekki viljum við stefna þeim í allt of mikla hættu með að fara út í hvaða veðri sem er.

Aðalmálið er þó að ég mun meðan svona lítið er um að vera skrifa fleiri svona hugleiðingar um hitt og annað og þó það komi við hjartað á einhverjum þá bara þeir um það. Aðalatriðið er að þetta er ekki mín skoðun og ekki heldur staðfestar fréttir, heldur hugleiðingar út í bláinn þess vegna, ef menn vilja kalla það svo.

Ég mun engu svara, varðandi tjáskipti og í raun er ég hættur að svara nokkrum spurningum sem fram koma á síðunni. Allavega er það algjör undantekning ef ég svara einhverju.

Þó get ég ekki látið hjá líða að benda Aðalsteini á að menn þurfa að lesa það sem þeir eru að svara, annars verður um tómt bull að ræða. Sjáum síðasta svar hans:
 
-Þeir sem fóru ekki nema einn eða tvo róðra geta ekki kennt kerfinu um það,sökin liggur hjá þeim sjálfum.Í júlí voru sóknardagar á svæðum A og D 7 talsins en á svæðum B og C voru þeir 10.
Svo segir þú.."En hvað er þá til ráða fyrir smábáta sem ekki hafa kvóta, höfðu Strandveiðileyfi eða voru á grásleppu sem nú er að mestu einnig lokið. Jú menn leita og sumir fara út í makrílveiðar, en þar sem sá búnaðar er mjög dýr, hafa sumir látið freistast að nota bara línu".
Ég vona að þú sért ekki að meina að strandveiðimenn á svæðum A og D ætli sér á línu í ágúst því það er þeim að sjálfsögðu óheimillt því allar veiðar báta í strandveiðikerfinu eru ólöglegar frá lokum strandveiða og fram til 1.sept að undanskilldum makrílveiðum-

Hvað hafði ég sagt í mínum hugleiðingum varðandi þá sem ekki gátu farið nema einn til tvo róðra og Aðalsteinn las ekki. Vegna veðurs gaf aðeins í einn dag, en þeir sem fóru út í brælu náðu kannski tveimur dögum. Ég gleymdi að minnast á að hitt voru helgidagar. Sökin um bræluna er varla þeirra sem vildu róa?
Síðan ræðir Aðalsteinn um það að ég segi að menn séu að huga að makrílveiðum og þar sem sá búnaður sé dýr,  hafa sumir freistast við að nota línu og þá kemur aðalsteinn og segir að mönnum sé óheimilt að fara á línu séu þeir á strandveiðikerfinu að undanskilum markrílveiðum. Það er einmitt það sem ég sagði að ef menn treysta sér ekki til að setja upp þennan dýra búnað nota þeir línu til makrílveiða.

Aðalatriðið var að koma ekki upp deilu milli landshluta, heldur benda á óréttmætt kerfi.

Já Aðalsteinn lesa fyrst áður en svarað er. Hitt vil ég undirstrika að ég á fátt skemmtilegra en að setja fram eitthvað sem menn eru ekki sammála mér um og ef viðbrögðin verða svona ruglingsleg er það eins og að henda bensíni á bálið og ég mun auka slík skrif til mikilla muna, en jafnframt slökkva á þeim möguleika að menn fái að tjá sig.

22.07.2010 14:27

Síðasta sjóferð Sólfara SU

Á leið í klippingu en ekki í snyrtingu, eins og gárungarnir í Njarðvikurhöfn höfðu að orði eftir hádegið er  hafnsögubáturinn Auðunn dró Sólfara frá Njarðvikurbryggu að slippbryggjunni í Njarðvik þar sem hann verður tættur í sundur af Hringrás.








  1156. Sólfari SU 16, fór í morgun sína síðustu sjóferð er Auðunn dró hann að slippbryggjunní i Njaðvík  © myndir Emil Páll, 22. júlí 2010