Færslur: 2010 Júlí

27.07.2010 10:55

Tveir ÞH bátar í Vísislitum í Njarðvíkurslipp

Það er kannski illa gert að koma með þessa samlíkingu, þó ég hafi fest hana á mynd í morgun. Því annar bátanna er alls ekki lengur í eigu Vísis, auk þess sem hann telst heldur ekki til ÞH báta þó það standi á honum. Sá hefur verið seldur til Rússlands og einhvern tímann hlýtur hann því að skipta um númer og lit.


   972. Kristín ÞH 157 og ex 1125. Gerður ÞH 110, í Njarðvíkurslipp í morgun © mynd Emil Páll, 27. júlí 2010

27.07.2010 10:27

Landhelgisgæslan skorin niður

Af vefnum mbl.is:

Landhelgisgæslan hefur síðustu tvö ár staðið í viðamikilli endurskipulagningu. Haustið 2008 var hafist handa við niðurskurð í kjölfar gengisbreytinga, hækkunar eldsneytisverðs og síðar minni fjárveitinga.

Niðurskurðurinn hefur bitnað verulega á þjónustu Gæslunnar, t.d. hefur þyrlunum verið fækkað úr fjórum í tvær. Vegna þrenginga hefur Landhelgisgæslan aukið starfsemi sína erlendis og nú er svo komið að rúmlega helmingur starfseminnar fer fram í útlöndum.

Varðskipið Týr er nú eina varðskip Landhelgisgæslunnar í lögsögu Íslands. Von er á nýju varðskipi næsta sumar og mun það væntanlega taka við af þeim eldri. Svo getur farið að nýja skipið verði leigt út til annarra verkefna en við Ísland.

27.07.2010 10:20

Kristín ÞH 157 í Njarðvíkurslipp




          972. Kristín ÞH 157 í Njarðvíkurslipp í morgun © myndir Emil Páll, 27. júlí 2010

27.07.2010 09:00

Smá getraun

Þekkið þið þennan bát, en myndirnar tók ég af honum í gærdag. Rétt svar birtist er líða tekur á daginn, ef svar verður ekki komið áður.








    Þekkið þið þennan bát? Ef myndirnar eru mjög vel skoðaðar á það að vera auðvelt © myndir Emil Páll, 26. júlí 2010

Já, þessi var auðveld ef menn skoðuðu, þá sjást rúllurnar vel ofan við húsið og því er svar Þórðar hér fyrir neðan rétt, Þetta er Siggi Bessa SF 97 að sigla fram hjá Helguvík í gær upp úr hádeginu á leið á miðin.

27.07.2010 08:34

Kristín ÞH 157


     972. Kristín ÞH 157, í Njarðvíkurhöfn seint í gærkvöld © mynd Emil Páll, 26. júlí 2010

27.07.2010 08:31

Stakkhamar SH 220

Þeir á Sægrími GK, mættu þessum á leið inni í land á Rifshöfn í gærdag og tók Þorgrímur Ómar Tavsen þá þessa símamynd og sendi mér.


           2560. Stakkhamar SH 220 © símamynd Þorgrímur Ómar Tavsen, 26. júlí 2010

27.07.2010 08:20

Þrjú skip á Hornafirði

Hilmar Bragason á Hornafirði sendi mér þessar þrjár myndir af skipum sem þangað komu. Ekki fylgdu með upplýsingar um hvenær þau komu, né heldur nöfn skipanna, þannig að við verðum bara að athuga hvort einhver þekkir þau, Eitt þeirra hef ég þó nafnið á.

Eins og fram kemur undir myndunum er komið nafnið á skipinu á neðstu myndinni.


                                                  Einhver Wilson-anna


                                                      Ice Bird


              Lýsisskipið Kaprifol, á Hornafirði í gær  © myndir Hilmar Bragason

27.07.2010 00:00

Endalok þess fallega báts Berghildar SK 137

Meðan þessi bátur var til hélt ég alltaf mjög upp á hann og þótti með fallegustu bátum landsins. Sjálfsagt var það m.a. vegna þess að hann var smíðaður nánast á túninu fyrir framan heimili mitt og var lengi í smíðum. Báturinn sem fyrst hét Gróa KE 51 var fallegur eikarbátur sem oftast fékk að halda fernisseraða litnum og var síðasti báturinn sem Dráttarbraut Keflavíkur smíðaði og eins og hinir var hann eftir teikningu Egils Þorfinnssonar.
Sögu bátsins hef ég sagt hér á síðunni, en hann bar nöfnin, Gróa KE 51, Kristín Björg KE 51, Byr ÍS 77, Harpa II GK 101, Faxavík GK 727 og Berghildur SK 137.
Endalok bátsins urðu þau að hann rak upp á Hofsósi 3. febrúar 1991 og var síðan dæmdur óviðgerðarhæfur 24. júní það ár.
Myndasería sú sem hér fylgir var tekin þegar hann var settur á bíl sem átti að flytja hann til Akureyrar til viðgerðar. Ekkert varð þó úr þeim flutningi, því sökum hæðar, þurfti að fjarlægja möstrin, stýrishúsið o.fl., þannig að hann var fluttur með strandferðaskipi frá Hofsósi til Akureyrar, en það var svona rétt áður en strandflutningar með skipum voru lagðir af. Eftir að báturinn kom til Akureyrar, kom hinsvegar í ljós að skemmdirnar voru það miklar og kostnaðarsamar að það þótti ekki svara kostnaði að gera við hann og því var vélin, stýrishúsið, öll tæki o.fl. seld úr bátnum, en hann sjálfur settur að lokum á brennu.

Síðasti eigandi bátsins, Þorgrímur Ómar Tavsen tók þessar myndir og hef ég fengið þær til birtingar hjá honum.














                   1564. Berghildur SK 137, árið 1991
               © myndir í eigu Þorgríms Ómars Tavsen

26.07.2010 23:01

Siglufjörður: Ottó, Sigurvin SI 16 og Farsæll SI 93

Hér koma myndir af síðustu bátunum sem Bjarni G. tók á Síldarminjasafninu á Siglufirði á dögunum og í þessum tilfellum eru birtar þrjár myndir af bátum sem allir eru varðveittir í sinni stærð.

Þar sem ég var ekki viss um nafnið á þeim þriðja, leitaði ég til lesenda og svarið kom strax. Takk fyrir það.


                                                   717. Ottó


                                                Sigurvin SI 16


                           1097. Farsæll SI 93  © myndir Bjarni G., 14. júlí 2010

26.07.2010 22:02

Dagur SI 66


  1073, Dagur SI 66, mynd í eigu Sjóminjasafnsins á Siglufirði © mynd af myndinni, Bjarni G., 14. júlí 2010

26.07.2010 20:53

Týr SK 33


        862. Týr SK 33, við Sjóminjasafnið Siglufirði © mynd Bjarni G., 14. júlí 2010

26.07.2010 20:40

Eigendaskipti þriggja báta

Fyrirtækið Grímsnes ehf., í Grindavík hefur selt kvikmyndafyrirtækinu sem er að fara að framleiða kvikmyndina um Helliseyjarslysið við Vestmannaeyjar bátinn Reyni GK 355.
Jafnframt hefur Grímnes ehf., keypt allt hlutaféð í Fiskivon ehf., á Patreksfirði sem á Þorstein BA 1 og er það fyrirtæki nú einnig skráð útgerðaraðili að Sægrími GK 525, sem fram að þessu hefur verið í eigu Grímsness ehf.

26.07.2010 20:25

Sigurfari SH 105


   746. Sigurfari SH 105, mynd í eigu Sjóminjasafnsins Siglufirði © mynd tekin af myndinni, Bjarni G., 14. júlí 2010

26.07.2010 19:03

Hringur SI 34


    582. Hringur SI 34, líkan í eigu Sjóminjasafnsins Siglufirði © mynd Bjarni G,, 19. júlí 2010

26.07.2010 17:55

Hafliði SI 2


    75. Hafliði SI 2, líkan í eigu Sjóminjasafnsins Siglufirði © mynd Bjarni G., 14. júlí 2010