2182. Baldvin Njálsson GK 400, í Hafnarfjarðarhöfn © mynd Emil Páll, 3. mars 2011

                  1764. Ver AK 27, í Hafnarfjarðarhöfn © mynd Emil Páll, 3. mars 2011

     Síðustu daga hefur verið unnið að því að búa 89. Grímsnes GK 555 út til rækjuveiða © mynd Emil Páll, í Njarðvík, 3. mars 2011

        Þessi bátur hefur nýlega verið sjósettur í Hafnarfirði og er trúlega nýsmíði, en hann ber nafnið  Vagge F-66-TN © mynd Emil Páll, 3. mars 2011

   Eins og sést á þessari mynd hefur verið málað yfir BA 777 og nú stendur aðeins 177 og því spurning hvað 1321. Stormur verður næst?  © mynd Emil Páll, í Hafnarfirði 3. mars 2011

           2806. Herja ST 166, nýsmíði, í Hafnarfirði í dag © mynd Emil Páll, 3. mars 2011

     2579. Bóti HF 84 ex Tryggvi SH 72 ex Tryggvi Eðvarðs SH 2 ex Goði AK 62 ex Guðmundur á Hópi GK 204, í Hafnarfjarðarhöfn í dag © mynd Emil Páll, 3. mars 2011

Eins og sagt var frá hér á síðunni fyrir nokkru var þessi bátur keyptur til Grindavíkur frá Þorlákshöfn og nú hefur hann verið skráður með nýtt nafn og númer, þó svo að ekki sé búið að merkja hann upp á ný.


          2065. María ÁR 61, sem opinberlega heitir í dag Már GK 98, í Grindavíkurhöfn í morgun © mynd Emil Páll 3. mars 2011

Smíðað sem fiskiskip, breytt síðan í farþegaskip fyrir 46 farþega og loksins gert að skonnortu


                   1292. Haukur © mynd shipspotting, Birkir Agnarsson í júli 2007

Smíðanúmer 44 hjá Bátastöð Jóns Ö. Jónassonar, Gelgjutanga, Reykjavík, árið 1973, eftir teikningu Jóns Ö. Jónassonar

Var úreldur í sept. 1994 og gengið frá sölu úr landi 30. júní 1995. Sú sala gekk til baka og var bátnum þá breytt í farþegaskip og endurskráður sem slíkur í maí 1996. Breytingarnar fór fram á Akureyri 1996-97 og voru síðasta verkefni Bátastöðvar Jóns Ö. Jónassonar. Eftir það var hann orðinn 46 farþega skip og 2001 var honum breytt í seglskip (skonnortu) á Húsavík af Halli Guðlaugssyni frá Fáskrúðsfirði.

Nöfn:  Sigurður Baldvin KE 22, Jakob Valgeir ÍS 84, Haukur ÍS 195 og núverandi nafn: Haukur.

Þetta skip var til um tíma hérlendis, enda smíðað að hluta líka hérlendis, en nánar um það fyrir neðan myndina.


  Sette Marie GG 59 ex 1586. Sjávarborg GK 60, í Hirtshals © shipspotting, Peter Kjellsson

Skrokkur skipsins var smíðaður hjá Gdynska Stoczania Romontowa S.A., Gdynia, Póllandi. Dreginn til Akraness þar sem skrokkurinn var lengdur og yfirbyggður hjá Þorgeir og Ellert hf. 1978. Síðar var lokið við smíðina með símanúmeri 61 hjá Slippstöðinni hf. Akureyri á árunum 1978-1981. Þar sem illa gekk að fá kaupanda að skipinu gekk það undir nafninu ,,Flakkarinn". Það var að lokum afhent 30. janúar 1982.

Selt úr landi til Svíþjóðar 27. ágúst 1993 og síðan selt til Finnlands 2007.

Endurbyggður í Danmörku 1994.

Til stóð að Miðnes hf. í Sandgerði keypti skipið aftur til lands sumarið 1994, en ekkert varð úr því og enn á ný var það tekið til alvarlegrar athugunar, án niðurstöðu haustið 1995.

Nöfn:  Þórunn Hyrna Ea 42, Sjávarborg GK 60, Santos GG 361, Sette Maria GG 59, Monsun GG 934 og núverandi nafn: Karelía FIN 133K

Hvort einhver tenging sé við Ísland finn ég ekki, en nafnsins vegna gæti það alveg verið. Þessar myndir eru af netinu og er ljósmyndarinn sá sama í öllum tilfellum. - Svarið kom á Facebookinu og kemur í ljós fyrir neðan myndirnar.


                                 Otto Wathne MIN í Alesundi, Noregi 1. júní 2005


                                    Otto Wathne MIN,  24. mars 2010


                 Otto Wathne MIN, við bryggju í Alesundi, Noregi 31. mars 2004


                Otto Wathne M1N, 1. mars 2007 ex 1474.  © myndir shipspotting, Aage

Smíðaður í Noregi 1977 og bar fyrst nafnið 1474. Gullberg NS 11, þá Ottó Wathne NS 90 og var að lokum seldur til Noregs, þar sem hann hélt nafninu. Fór í pottinn á síðasta ári.

             1399. Haukaberg SH 20, á Akranesi © myndir Magnús Þór Hafsteinsson

   2740. Vörður EA 748 fer frá bryggju í Keflavík, en myndir er ekki nógu skörp, þar sem él kom á sama tíma


                                          Strikið tekið á Njarðvikurhöfn


                                Mitt á milli Keflavíkur- og Njarðvíkurhafnar


                               Komið inn fyrir grjótgarðinn í Njarðvík














    2740. Vörður EA 748, nálgast bryggjur í Njarðvík, en stoppið var mjög stutt og síðan var haldið út á miðin © myndir Emil Páll, 2. mars 2011

Það eru margir sem hafa litið þennan bát, ef bát er hægt að kalla, þar sem hann stendur uppi í slippnum á Akranesi. Fyrir þá sem muna ekki hvernig hann leit út, bendi ég á að í morgun birti ég mynd af honum, í Grindavíkurmyndunum og þar hét hann Harpa GK 111.






                                        597.  © myndir Magnús Þór Hafsteinsson

Smíðaður á Akranesi 1955.

Báturinn var seldur til Portúgal 14. okt. 1986, en fór aldrei úr landi, heldur lá í Hafnarjarðarhöfn og eins stóð hann uppi í Skipasmíðastöðinni Dröfn og var síðan fluttur að bryggju Norma hf., í Garðabæ, til geymslu áður en hann færi út þar sem breyta átti honum í skemmtiskip, en aldrei fór hann úr landi. Frá 1995. hefur hann staðið uppi í slippnum á Akranesi og hefur síðustu árin verið nánast talinn ónýtur.

Nöfn: Höfrungur AK 91, Harpa GK 111 og Harpa II GK 101

     Ísafold HG 209, frá Hirtshals í Danmörku í höfn á Neskaupstað © myndir Magnús Þór Hafsteinsson

Smíðanúmer 116 hjá Flekkefjord Slipp & Maskinfabrikk A/S, Flekkefjord, Noregi 1974.

Að útgerð þessari hafa staðið íslendingar s.s. Árni Gíslason, skipstjóri.