Færslur: 2010 Október

03.10.2010 23:00

Wilson Clyde

Þessi mynd er tekin með miklum aðdrætti, þó ekki nógu miklum, frá Vatnsnesvita í Keflavík og sýnir skipið vera komið langleiðina til Straumsvíkur í dag.


                   Wilson Clyde, á leið til Straumsvíkur © mynd Emil Páll, 1. okt. 2010

03.10.2010 22:35

Grand Princess - síðasta skemmtiferðaskip ársins

Jón Páll sendi mér þessar myndir og þessi texti fylgdi með: Grand Princess var að fara frá Skarfabakka í Reykjavík í dag kl. 1600, þetta er síðasta skemmtiferðaskipið sem kemur til Rvk. Á þessu sumri. Það er 109.000 tonn, 290 m breitt, 35,97 m breitt, 61,26 m hátt, 17 þilför, gengur 22,5 sml., 3000 farþegar og 1100 í áhöfn. Smíðað 1989, kostaði 450 miljón $




          Grand Princess fer frá Reykjavík í dag © myndir Jón Páll, 3. október 2010

03.10.2010 22:06

Myndir frá slökkvistarfinu í Dritvík SH

Alfons Finnsson sendi mér áðan fjórar myndir sem hann átti í fórum sínum af slökkvistarfinu í Dritvík SH 412, en ég birti sögu þess báts sl. nótt. Sendi ég Alfonsi kærar þakkir fyrir.








                       Bruninn í 1173. Dritvík SH 412 © myndir Alfons Finnsson

03.10.2010 21:50

Faxavík ?, Selvík ? eða hvaða vík?

Ég get ómögulega munað hvað víkin sem ég tók þessar myndir af, heitir, um er að ræða víkina fyrir norðan Hólmsbergsvita. Ég veit að talað er um að Selvík sé hæst vitanum að norðanverðu, en veit ekki hvort þetta er allt sú vík.




             Er þetta Selvík?, Faxavík? eða hvað vík? © myndir Emil Páll, 3. okt. 2010

03.10.2010 21:00

Maron GK 522

Hér koma þrjár myndir af Maron GK 522, koma að landi í dag og þar sem ég er nýlega búinn að birta 14 mynda syrpu af bátnum, eru þessar teknar svolítið öðruvísi en vanalega.


          363. Maron á leið til Njarðvíkur, en myndin er tekin frá Vatnsnesvita í Keflavík




                                    © myndir Emil Páll, 3. okt. 2010

03.10.2010 20:00

Atlantic Trader í jójó leik?

Í gær sagði ég frá dularfullri ferð flutningaskipsins Atlantic Trader, en grunur er um að það sé með einhvern leynilegan farm. Hvað sem því nú líður, þá er háttarlag skipsins orðið ansi dularfullt. Það hefur legið fyrir akkerum á Stakksfirði og þar fyrir utan í þrjá daga, en þó með þeim undantekningum að á nóttinni hefur það farið úr og siglt eins og það sé á förum en síðan snúið við er það er komið mislangt út frá Reykjanesi og var leikurinn endurtekinn í annað sinn nú í nótt og eins og í gær kom það aftur um hádegisbilið og lagðist við akkeri á umræddum stað. Mætti halda að skipið sé komið í fastar áætlunarferðir milli Stakksfjarðar og Reykjaneshryggjar.
Það sem vekur þó enn meiri athygli að hér er á ferðinni 117 metra langt flutningaskip sem var að sigla frá Bandaríkjunum til Rússlands og leitaði hingað inn, en það hlýtur að telast óvenjulegt að skip leiti inn undir hafnir landsins á þessari siglingu, nema farmurinn sé það viðkvæmur að hann þoli t.d. ekki nema ákveðna ölduhæð. Hver veit? Hér birti ég þrjár myndir sem ég tók í hádeginu í dag af skipinu þegar það kom í þriðja sinn inn í Garðsjóinn og raunar síðan inn á Stakksfjörðinn.


       Hér sést það koma fyrir ofan eitt af nesunum á Hólmsbergi, en myndin er tekin frá Hólmsbergsvita


      Atlantic Trader sigldi langt frá landi áður en það beygði inn í átt að Stakksfirði


           Hér er skipið búið að beygja í áttina á þann stað sem það hefur legið við akkeri síðustu daga © myndir Emil Páll, 3. okt. 2010

03.10.2010 19:00

Danski Pétur VE 423 og Andvari VE 100


             1146. Danski Pétur VE 423 og 795. Andvari VE 100, í Vestmannaeyjum
                                         © mynd Bjarni G., 1979

03.10.2010 18:00

Þórshamar RE 28


           607. Þórshamar RE 28, í slipp í Vestmannaeyjum © mynd Bjarni G., 1980

03.10.2010 17:00

Skaftfellingur VE 33


         766. Skaftfellingur VE 33, í slippnum í Vestmannaeyjum © mynd Bjarni G., 1980

03.10.2010 16:56

Bátaspjall

Hér sjáum við þrjá menn á spjalli milli báta í Njarðvíkurhöfn í dag. Tilefnið veit ég ekki, en smellti bara svona af. Þarna eru Þorsteinn kaupandi af Birtu VE og Þorgils skipstjóri og útgerðarmaður á Röstinni GK, sem er fyrrverandi eigandi Birtu og sá þriðji er vélstjóri á Röstinni sem ég þekki ekki með nafni


     F.v. Vélstjórinn á Röstinni, sem ég þekki ekki með nafni, Þorsteinn eigandi Birtu VE og Þorgils seljandi Birtu og nú eigandi á Röstinni og Álftafelli ÁR © mynd Emil Páll, 3. okt. 2010

03.10.2010 15:47

Grindvíkingur GK 606 drekkhlaðinn


      1512. Grinvíkingur GK 606, í Vestmannaeyjum © mynd Bjarni Guðmundsson, 1979

03.10.2010 14:51

Bustafell VE 35 og Bylgjan VE 75


      668. Bustafell VE 35 og 1443. Bylgjan VE 75, í Vestmannaeyjum © mynd Bjarni G. 1979

03.10.2010 13:54

Óskar KE 161


                         6569. Óskar KE 161 © mynd Emil Páll, 3. okt. 2010

03.10.2010 13:06

Vinur GK 96


               2477. Vinur GK 96, í Grófinni í morgun © mynd Emil Páll, 3. okt. 2010

03.10.2010 11:50

Birta og Röstin

þessir tveir bátar voru til skammstíma í eigu sömu útgerðar TT Luna, (ath. þetta er ekki prentvilla Luna ekki Lúna), en nú hefur Birta verið eins og áður hefur komið fram hér á síðunni verið seld til Grenivíkur þar sem hún fær nafnið Víðir. En Röstin hefur verið tilbúin til veiða í um mánuð, en af einhverjum ástæðum ekki farið ennþá.



       1430. Birta VE 8 og 923. Röstin GK 120, í Njarðvíkurhöfn © myndir Emil Páll, 1.okt. 2010