2410. Vilhelm Þorsteinsson EA 11 og 2730. Beitir NK 123, í Helguvík í morgun


                                        2410. Vilhelm Þorsteinsson EA 11


                                                  2730. Beitir NK 123


    Þar með eru komnir þrír bátar með mis mikinn afla til Helguvíkur síðan móttaka hófst í gær, en ef verkfallið skellur á, virðast aðeins tvær fiskimjölsverksmiðjur geta tekið á móti loðnu, þ.e. sú á Þórshöfn og þessi í Helguvík, en báðar eru þær á svæði sem ekki hefur boðað til verkfalls. Hér eru það eins og á fyrstu myndinni, 2410. Vilhelm Þorsteinsson EA 11 og 2730. Beitir NK 123 við bryggju í Helguvík í morgun © myndir Emil Páll, 15. feb. 2011

                          241. Hrönn ÍS 74, á Ísafirði © mynd Hilmar Snorrason, 2002

      Frá Hirtshals, í Danmörku © mynd Guðni Ölversson fyrir einhverjum árum

                            Frá Fredrikstand © mynd Guðni Ölversson, 2009

Þeir sem vissu hvað kom fyrir Helgu RE 49 í Helguvík fyrir nokkrum dögum, undruðust þegar útgerðarmaðurinn lét hafa eftir sér furðulega frásögn af atburðinum, þar sem sannleikurinn var að engu hafður. Hið rétta birtist hér á síðunni, en bæði á visi.is og eins mbl.is voru frásagnir eftir útgerðarmanninum sem voru langt í frá sú sama á báðum vefsíðunum.

Hér kemur það sem fram kom á viðkomandi vefum og síðan birti hið rétta sem ég hef birt áður svo og myndir sem ég tók þegar akkerið var tekið upp, en það var á 23ja metra dýpi og tókst Köfunarþjónustu Sigurðar ásamt hafnarstarfsmönnum á hafnsögubátnum Auðni að ná því upp, en áður en Magni fylgdi Helgu til Reykjavíkur, gerðu þeir tilraun til að ná því upp, en það tókst ekki.

Visir.is


mbl.is:

Gat kom á skrokk Helgu RE þegar hún var að fara úr Helguvíkurhöfn í gærkvöldi. Ármann Ármannsson, útgerðarmaður, segir að svo virðist sem skipið hafi rekist í eitthvað sem stóð út úr bryggjunni.

Ármann sagði að skipið hafi farið inn í Helguvíkurhöfn til að láta laga smávægilega bilun á ískerfi skipsins. Þegar Helga RE var að fara aftur úr höfn rakst hún á eitthvað sem stóð út úr bryggjunni og gerði það gat á skrokkinn.

Á bryggjunni eru dekk, eða fríholt, en svo langt á milli þeirra að Helga náði að rekast í eitthvað sem stendur þarna út úr bólverkinu. 

Gatið er um 50 sentimetra langt og rétt neðan sjólínu aftast á skipinu. Kafarar voru kallaðir til og þéttu þeir gatið.  Skipverjar dældu á milli tanka og hölluðu skipinu svo gatið stæði upp úr.

Eitthvað lak inn í skipið en lekinn olli ekki neinum skemmdum, að sögn Ármanns. Helga RE kom til Reykjavíkur um kl. 9.00 í morgun og var tekin í slipp. Gert verður við skemmdirnar eftir helgina.

Helga RE stundar bolfiskveiðar frá Reykjavík og landar ísfiski einu sinni í viku að jafnaði.  

                                                     - o -

Hið rétta er að skipið fékk á sig vindkviðu og lenti á hafnargarðinum og kom þá gat, svo það flæddi inn á millidekkið. Sló vélina út og tók skipið að reka í átt af grjótgarðinum og á síðustu stundu tók skipverjum að stöðva rekið með því að varpa akkerinu.
Í framhaldi af því var hafnsögubáturinn Auðunn kallaður út og hjálpaði hann Helgu sem var vélarvana sem fyrr segir, að bryggju, þar var skipinu hallað og síðan komu menn frá Héðni og lokuðu til bráðabirða fyrir gatið, en í öryggisskyni var Magni fenginn til að fylgja skipinu til Reykjavíkur.

Í dag hallast menn helst á að ástæðan fyrir því að ekki sé sagt frá málinu samkvæmt sannleika, er ótti við að allar suður í skokki bátsins verði skoðaðar, en ljóst virðist vera að gatið kom á þeim hluta sem skipið á að vera sterkast og hafi komið á plötuskilum og að suða hafi brostið.

Þeir sem skoðað hafa bryggjuna sérstaklega sjá ekki neitt sem stendur út úr henni, en þó svo væri þá ætti þessi hluti skipsins að þola annað eins, því tjónið varð á þeim stað sem hvað mestu átök eiga sér stað, þ.e nánast í einhverja tugi sentimetra frá aftur horninu.
Um þá fullyrðingu að eitthvað hafi komið upp úr botni hafnarinnar, þá hefði gatið átt sér stað annars staðar. Eins vita það allir sem vilja vita að dýpið er það mikið þarna að þó skipið hefði steinsokkið við bryggjuna hefði það trúlega ekki sést, enda eru stór skip sem koma þarna að bryggju.

Viðkomandi eftirlitaðilar hljóta engu að siður að skoða hvað gerðist og þá kemur vonandi hið rétta í ljós.

Hér koma myndir frá björgun akkerisins:




               2043. Auðunn á þeim stað sem belgur var á enda akkeriskeðjunnar






       2043. Auðunn kominn með akkerið að hafnargarðinum og sést hér er það er híft upp






                    Akkerið híft upp á vöruflutningabíl






                        2043. Auðunn, á siglingu innan Helguvíkurhafnar
                                   © myndir Emil Páll, 14. feb. 2011

Þeir voru fljótir að landa þessu slatta sem Börkur kom með í dag til Helguvíkur og um leið og hann fór kom Beitir NK 123 inn að landa, en hann var með töluvert meiri loðnu en hinn. Fregnir um að Ásgrímur Halldórsson kæmi næst á eftir Berki, eru eitthvað málum blandið, því hann lá inni í Vestmannaeyjum í brælunni og hefur mest verið á reki í dag í Garðsjó og því er hann tómur.

Samspil náttúrunnar gefur stundum skemmtileg mótíf til myndatöku eins og á þessum myndum sem ég tók á Garðskaga í dag.








                          Frá Garðskaga í dag © myndir Emil Páll, 14. feb. 2011

    1293. Börkur NK 122, nálgast Hólmsbergsvita, á leið sinni inn til Helguvíkur í dag


          1293. Börkur NK 122 og Hólmsbergsviti © myndir Emil Páll, 14. feb. 2011

Þó ég segi í fyrirsögn að bátarnir mætist, er það kannski ekki rétt, því Sægrímur var á leið til Keflavíkur, en Ásgrímur Halldórsson var á reki rétt fyrir utan Réttarholt í Garði.


                     2101. Sægrímur GK 525, framan við Réttarholt í Garði






      2780. Ásgrímur Halldórsson SF 250, (fjær) og 2101. Sægrímur GK 525, (nær) í Garðsjó í dag


    2780. Ásgrímur Halldórsson SF 250, að færa sig til © myndir Emil Páll, 14. feb. 2011

   1047. Elding, framan við Vatnsnesvita í Keflavík í dag © myndir Emil Páll, 14. feb. 2011

Börkur NK 122, kom núna áðan upp úr kl. 17. með fyrstu loðnuna til Helguvíkur, ekki var það fullfermi sem hann var með, en í kvöld er síðan Ásgrímur Halldórsson SF væntanlegur með annan slatta til löndunar, en þeir hafa báðir verið að veiðum hér nærri m.a. í Garðsjó í dag. Samkvæmt heimildum mínum mun Ásgrímur eiga að landa oftar í Helguvík á næstunni.







    1293. Börkur NK 122, kemur til Helguvíkur í dag © myndir Emil Páll, 14. feb. 2011

visir.is

       Hér sjáum við norska uppsjávarveiðiskipið Kings Bay landa einhverjum slatta á Eskifirði í síðasta mánuði © mynd Óðins Magnasonar, af vefmyndavélinni á Eskifirði í jan. 2011

    1371. Hannes Andrésson SH 737, á Fáskrúðsfirði © mynd Óðins Magnasonar af vefmyndavélinni á Fáskrúðsfirði í jan. 2011