Færslur: 2011 Febrúar

04.02.2011 07:19

Ásberg RE, á loðnuveiðum


           1041. Ásberg RE 22, á loðnuveiðum, vorið 1975 © mynd Guðni Ölversson

04.02.2011 00:00

Ýr ýmsum áttum

Þær myndir sem nú birtar eru allar teknar af Guðna Ölverssyni og koma úr ýmsum áttum og er bæði varðandi sjómennsku sem og landslag, sem ber fyrir augum sjómanna.


                             Hólmaborgin og Suðurfjöllin


                         Átta tonna karfahal og múkkinn bíður eftir bita


                           Það gefur á, á leiðinni yfir Atlandshafið, í mars 1969


                                     Óþekktur Vestmannaeyjabátur


          Gísli Jónsson, síðar skipstjóri á Páli Jónssyni, að benda eitthvað í mars 1969


                                                   Söguleg mynd
                                          © myndir Guðni Ölversson

03.02.2011 23:24

Minningarathöfn í Baldri

Af vef Landhelgisgæslunnar:

Baldur_2074.__7._agust_2007

Miðvikudagur 2. Febrúar 2011

Baldur, sjómælinga- og eftirlitsskip Landhelgisgæslunnar sigldi á mánudag með skildmenni farþega og áhafnar flugvélarinnar Glitfaxa,  sem fórst fyrir 60 árum í aðflugi að Reykjavíkurflugvelli.

Séra Hjálmar Jónsson dómkirkjuprestur tók til máls og blessaði hina votu gröf, sem leynist í Faxaflóa. Áður en snúið var heim dreifðu ættingjarnir blómum yfir hafið til minningar um þau sem fórust í flugslysinu.

IMG_1136JPa
Hjálmar Jónsson, dómkirkjuprestur blessar hina votu gröf

IMG_1138_JPa
Blómakrans til minningar um þau sem fórust með Glitfaxa

 


03.02.2011 23:00

Harpa RE 342


   1033. Harpa RE 342. Þessi bátur bar nánast eingöngu sama nafnið þau 25 ár sem hann var til hérlendis, að undanskildum nokkrum mánuðum er hann bar nafnið Rauðanes ÞH. Að loknum aldarfjórðungnum var báturinn seldur Karabískahafsins og þaðan strax til Grænlands þar sem hann bar fimm skráningur og fór síðan í pottinn fræga nú í haust © mynd Guðni Ölversson

03.02.2011 22:00

Magnús NK 72


   1031. Magnús NK 72, í dag Alpha HF 32, gerð út frá Marokko © mynd Guðni Ölversson

03.02.2011 21:01

Ársæll Sigurðsson GK 320


         1014. Ársæll Sigurðsson GK 320 © mynd Guðni Ölversson. Þessi hefur borið þó nokkur nöfn og heitir í dag, Ársæll ÁR 66.

03.02.2011 20:00

Hrafn GK 12


         1006. Hrafn GK 12, strandaður í Grindavík. Þessi er enn til og heitir í dag Tómas Þorvaldsson GK 10 © mynd Guðni Ölversson

03.02.2011 19:00

Seley SU 10 og farþeginn






     1000. Seley SU 10. Á tveimur síðari myndunum sjáum við dúfu sem settist á skipið, sem farþegi og var með þeim alveg niður í Norðursjó að hún flaug burt, blessunin © myndir Guðni Ölversson

03.02.2011 18:00

Grímseyingur GK 666


                           975. Grímseyingur GK 666 © mynd Guðni Ölversson

03.02.2011 17:27

Verkfallið dæmt ólöglegt

Úr mbl.is:

Félagsdómur hefur dæmt boðað verkfall starfsmanna í loðnubræðslum ólöglegt. Verkfallið átti að hefjast 7. febrúar. Dómurinn taldi að ekki hefðu verið haldnir formlegir sáttafundir í deilunni áður en verkfallið var boðað.

Verkfallið var boðað af Afli á Austurlandi og Drífanda í Vestmannaeyjum. Það átti að ná til loðnubræðslna á Vopnafirði, Seyðisfirði, Norðfirði, Eskifirði, Fáskrúðsfirði, Hornafirði og í Vestmannaeyjum. Verkfallið átti í fyrstu að standa í þrjá daga og verða svo endurtekið 14. febrúar hafi samningar ekki tekist. Og hafi ekki samist 21. febrúar var boðað verkfall í ótilgreindan tíma.

Samtök atvinnulífsins fóru með málið fyrir félagsdóm þar sem samtökin töldu að svokallaður bræðslusamningur væri hluti af aðalkjarasamningi og ekki væri hægt að boða verkfall til að þrýst á um gerð samnings þegar ekki væri búið að ljúka gerð aðalkjarasamnings. Félagsdómur dæmdi hins vegar ekki verkfallið ólöglegt á þessari forsendu heldur að ekki hefðu verið haldnir formlegir sáttafundir áður en verkfallið var boðað.

03.02.2011 17:00

Ein gömul úr Skipasmíðastöð Njarðvíkur

Guðni Ölversson á í fórum sínum nokkrar perlur úr Skipasmíðastöð Njarðvikur hér fyrr á árum og hér kemur sú fyrsta, sem sýnir þó nokkur þekkjanleg skip


   Meðal skipa sem þarna sjást eru  m.a. Stapavík SI 4, Magnús NK 72, Huginn VE 55 og Þórshamar GK 75 © mynd Guðni Ölversson

03.02.2011 16:00

Frá Akureyri


     Frá Akureyri fyrir mörgum, mörgum árum og þarna má m.a. sjá eitthvert Fellið frá Sambandinu, Akraborg EA 50, Sæljón EA 55, Harðbak EA 3 o.fl. skip © mynd Guðni Ölversson

03.02.2011 15:00

Múlaberg SI 22 í Helguvík




                    1281. Múlaberg SI 22, í Helguvík © myndir Emil Páll, 3. feb. 2011

03.02.2011 14:00

Stakksfjörður og Helguvík: 3 togarar og 1 línuskip flúðu veðrið

Vegna óveðursins í nótt, sá ég a.m.k. þrjá togara og eitt línuskip sem flúðu undan veðrinu og voru þrjú skipanna í vari, ýmist í Garðsjó eða á Stakksfirði og eitt þeirra fór til hafnar í Helguvík.

Í Garðsjó var togarinn Þerney RE 101, sem í morgun fór síðan inn til Reykjavíkur til löndunar. Togarinn Gnúpur var á Stakksfirði rétt utan við sveitarfélagið Voga og utan við Keflavík/Njarðvík var línuskipið Kristín ÞH 157. Þá fór togarinn Múlaberg SI 22 til Helguvíkur.

Hér birti ég myndir af Grindavíkurskipunum Kristínu ÞH 157 og Gnúpi GK 11 og á eftir birti ég tvær myndir af Múlaberginu í Helguvík.


                                   972. Kristín ÞH 157, utan við Keflavík/Njarðvík


           1579. Gnúpur GK 11, utan við Vogana © myndir Emil Páll, 3. feb. 2011

03.02.2011 13:24

Þorbjörn GK 540 strandar og Farsæll fær á sig brot


       914. Þorbjörn GK 540, strandaður í innsiglingunni til Grindavíkur © mynd Guðni Ölversson

Í gærkvöldi fékk Farsæll GK 162 á sig 3 brot í innsiglinunni og tók dragnótina út af bátnum og dró hann hana inn í höfnina til að ná henni aftur um borð. Á Facebooksíðunni minni birti ég í gærkvöldi myndband af þeim atburði