Færslur: 2010 September

07.09.2010 08:41

Niðurrif Jóhönnu hafið

Starfsmenn Hringrásar hófu í morgun að tæta niður Jóhönnu Margréti SI 11 í slippnum í Njarðvík. Þar með lauk stuttri útgerðarsögu bæjarútgerðar Reykjanesbæjar að þessu sinni a.m.k.






   163. Jóhanna Margrét SI 11 í morgun upp úr kl. 8 í Njarðvíkurslipp © myndir Emil Páll, 7. sept. 2010

07.09.2010 08:37

Litli Hamar SH 222

Símaljósmyndarinn knái Þorgrímur Ómar Tavsen tók þessa mynd á áttunda tímanum í morgun er Litli Hamar var að koma að landi í Rifshöfn og sendi mér hana strax á netið.


    1773. Litli Hamar SH 222, kemur að landi í Rifshöfn í morgun © símamynd Þorgrímur Ómar Tavsen 7. sept. 2010

07.09.2010 07:24

Fær Breki að hvíla í votri gröf við Álfsnes?

Samkvæmt heimildum mínum hefur verið sótt um heimild til Umhverfisráðuneytisins að fá að sökkva endanlega Breka eftir kvikmyndatökunar, Vilja menn að honum verði sökkt framan við Álfsnes og gerður þar af æfingastað fyrir kafara. Báturinn er talin mjög heppilegur í það hlutverk, þar sem búið er að fjarlægja úr honum allt spillefni.


    733. Stormur-Breki ex Reynir GK 355, í hlutverki 848. Breka VE 503, í Helguvík. Nú er spurning hvort heimild verði samþykkt þess efnis að hann verði í framtíðinni neðansjávar út af Álfsnesi sem æfingastaður fyrir kafara © mynd Emil Páll, 5. sept. 2010

07.09.2010 07:21

Stormur SH upp í slipp í vikunni

Stefnt er að því að taka Storm SH 333 sem sökk á dögunum í Njarðvíkurhöfn, upp í Njarðvikurslipp nú í vikunni. Þar verður báturinn skoðaður og tekin ákvörðun um framhaldið.


    586. Stormur SH 333, stuttu eftir að honum var lagt í Njarðvíkurhöfn fyrir nokkrum árum
                                                       © mynd Emil Páll



07.09.2010 00:00

Árni Magnússon GK 5 / Heimir KE 77 / Glaður HU 67 / Geysir BA 140 /Geysir RE 82

Þessi norska smíði var til hér á landi í 35 ár og fór þá í pottinn, en þó gekk hálf illa að koma honum þangað.


   Þessi lélega mynd sýnir 12. Árna Magnússon GK 5, vera á landleið úr
fyrstu veiðiferð sinni


                                   12. Árni Magnússon GK 5


                    12. Árni Magnússon GK 5 © mynd Snorrason


            12. Árni Magnússon GK 5 © mynd Snorrason


                12. Árni Magnússon GK 5 © mynd Sk.sigló


                                  12. Heimir KE 77 © mynd Emil Páll


                                   12. Heimir KE 77 © mynd Emil Páll


                                12. Glaður HU 67 © mynd Birgir Karlsson


                                                        12. Glaður HU 67


           12. Geysir BA 140 © mynd úr Flota Bíldudals, Snorrason


                    12. Geysir RE 82, í Reykjavík © mynd skerpla


               12. Geysir RE 82, í Bolungarvík © mynd Skipamyndir, Hallgrímur Óli


       12. Geysir RE 82, hálf rifinn niður, í Krossanesi © mynd Skipamyndir, Eiki Umma

Smíðanúmer 39 hjá Kaarbös Mek. Verksted A/S, Harstad, Noregi 1963, eftir teikningu Hjálmars R. Bárðarsonar. Yfirbyggður í South Shields á Englandi 1987.

Kom fyrst til Sandgerðis og var aðeins 4 sólarhinga og 6 klukkustundir frá Noregi til Sandgerðis. Meðalhraðinn á heimleiðinni var 10 1/2 sjómíla.
Sú nýjung var varðandi bátinn að lestin var sandblásin og málum með Epoxy-málningu frá Málningu hf. og varð einnig nýjung að málning væri flutt úr héðan til að setja á nýtt skip í smíðum erlendis.

Skipið hét í höfuðið á einum aðaleiganda Borgarkletts hf., Árna Magnússyni, bónda í Landakoti, Sandgerði, en hann var kunnur sjósóknari á Suðurnesjum og með fyrstu skipsjórunum á þilskipum.

Í nóv. 1985 var málað á hann í Njarðvíkurslipp, nafnið Gummi Einars ÍS og stóð það þannig í 6 daga að því var breytt í Guðmundur Einarsson ÍS 28

Báturinn var úreldur 1998. Var hann lengi bundin við bryggju í Bolungarvík, eða þar til að hann var rifinn niður í Krossanesi í Eyjafirði í nóv. 2007. Ekki var þó lokið við að rífa hann þar, heldur var hann fluttur hálf niðurrifinn  til Siglufjarðar og var þar lengi í fjöruborðinu.

Nöfn: Árni Magnússon GK 5, Árni Magnússon SU 17, Árni Magnússon ÁR 9, Heimir KE 77, Gummi Einars ÍS, Guðmundur Einarsson ÍS 28, Glaður HU 67, Geysir BA 140 og Geysir RE 82.

06.09.2010 22:40

Skemmtiferðaskip á Grundarfirði í dag

Aðalheiður sendi mér í kvöld þessar myndir og textinn sem fylgdi þeir var: Þetta skip var komið til Grundarfjarðar  kl 7 í morgun og fór aftur um kl. 17 í dag




          Skemmtiferðaskip á Grundarfirði í dag © myndir Aðalheiður, 6. sept. 2010

06.09.2010 21:34

Fyrirstaða í Landeyjarhöfn

Af vef ruv.is
Töluvert brýtur við austari hafnargarð Landeyjahafnar þessa dagana. Mynd: Gísli Gíslason
Töluvert brýtur við austari hafnargarð Landeyjahafnar þessa dagana © mynd Gísli Gíslason

Samkvæmt fyrstu mælingum í Landeyjahöfn í dag hefur myndast rif við annan hafnargarðinn sem truflar siglingar Herjólfs um höfnina. Áætlun skipsins tekur nú mið af sjávarföllum og verða farnar þrjár ferðir á dag það sem eftir er vikunnar.

Ívar Gunnlaugsson, skipstjóri á Herjólfi, lenti í vandræðum þegar hann sigldi inn í Landeyjahöfn á laugardagsmorgun. Mikil alda var við austari hafnargarðinn svo skipið snérist. Gísli Gíslason farþegi tók myndir við svipaðar aðstæður á föstudag. Þar sést hvernig brýtur við austari garðinn og hvað skipið tekur mikinn vind á sig í hafnarmynninu.

Fyrstu mælingar Siglingastofnunar í dag staðfestu grun skipstjórans. Fyrirstaða er við austurgarð Landeyjahafnar, efnið þar er léttara en sandurinn og hreyfist til. Talið er að þetta séu gosefni sem hafa borist með Markarfljóti.

Miðað við veðurspá verður hvorki hægt að dýpka né gera nákvæmar mælingar fyrr en undir vikulok. Fram að þeim tíma verður að sigla Herjólfi í Landeyjahöfn í takti við sjávarföll. Samkvæmt nýútgefinni bráðabirgðaáætlun verða farnar þrjár ferðir á dag til föstudags og tvær á laugardaginn.

06.09.2010 21:25

Mestu landað á Vestfjörðum

Af vefnum bb.is:

Mest var landað af rækju er kom að innfluttu hráefni til fiskvinnslu á Vestfjörðum á síðasta ári.
Mest var landað af rækju er kom að innfluttu hráefni til fiskvinnslu á Vestfjörðum á síðasta ári.

Mestum hluta innflutts hráefnis til fiskvinnslu var landað á Vestfjörðum á síðasta ári, alls 14.175 tonnum eða 32,3% heildarinnflutningsins. Stærstur hluti aflans var rækja, eða 13.756 tonn. Þetta kemur fram í tölum Hagstofunnar. Á Austurlandi var landað 11.465 tonnum sem að stærstum hluta var kolmunni. Á Suðurlandi var landað 8.079 tonnum, sem var einnig aðallega kolmunni. Innflutt hráefni til fiskvinnslu var 43.866 tonn árið 2009 og dróst saman í magni um tæp 87 þúsund tonn frá fyrra ári eða um 66%.

Verðmæti þessa innflutnings var 6,2 milljarðar króna sem er tæplega 1,9 milljarða króna lægri fjárhæð en árið 2008 á verðlagi hvors árs og 38% lægri á föstu verðlagi ársins 2009 miðað við verðvísitölur sjávarafurða. Minna var flutt inn af þorski, ufsa, karfa, norskíslenskri síld, kolmunna og rækju en árið áður. Innflutningur jókst á steinbít, hlýra og síld. Verðmæti innflutts hráefnis nam 9,6% af verðmæti þess afla sem tekinn var til vinnslu hérlendis.

06.09.2010 19:09

Bátasafnið í Sandgerði

Af vefnum 245.is:


Jónatan Jóhann Stefánsson.  Í baksýn má sjá Gullskipið.

Jónatan Jóhann Stefánsson vélstjóri á Klapparstíg 1 í Sandgerði opnaði heimili sitt á Sandgerðisdögum og bauð áhugasömum að skoða bátasafnið sitt.  Þar má m.a. finna eftirlíkan af hinum sögufrægu skipum Titanic og Gullskipinu svokallaða.

Titanic fórst í jómfrúarferð sinni frá Bretlandi til Bandaríkjanna árið 1912 er það sigldi á borgarísjaka og sökk á nokkrum tímum.  Skipið var á sínum tíma eitt stærsta gufuknúna farþegaskip í heimi. Það var 269 m langt og 28 metra breitt. 

Gullskipið svokallaða var hollsenskt skip sem bar heitið Het Wapen van Amsterdam.  Það strandaði á Skeiðarársandi sunnudaginn 19. september 1667.

Myndir: Smári / 245.is | lifid@245.is

06.09.2010 16:31

Sólfari, Siglunes o.fl.

Á Facebook má finna skemmtilega myndasafns sem heitir Bæringsstofa ljósmyndasafn og þar sá ég þessa mynd.


  Grundarfjörður um 1970. Sá rauði er 79. Sólfari AK 170 og sá sem er að koma inn er 1100. Siglunes SH 22 © eigandi myndar er Bæringsstofa ljósmyndasafn

06.09.2010 14:24

Brettingur KE 50 í slipp

Togarinn Brettingur KE 50 fór eftir hádegi í dag úr Njarðvíkurhöfn, en þar hefur hann legið síðan hann kom til landsins og mikið verið unnið við endurbætur á honum. Var strikið tekið til Reykjavíkur, þar sem hann mun fara í slipp. Tók ég smá syrpu af togaranum er hann hélt út úr Njarðvík og eins er hann sigldi fram hjá Vogastapa.












                 1279. Brettingur KE 50 © myndir Emil Páll, í dag, 6. sept. 2010

06.09.2010 14:22

Þór HF 4 í dokk

Myndir og texti af vef Hafnarfjarðarhafnar:


                2149. Þór HF 4, í dokk í Hafnarfirði © mynd af vef Hafnarfjarðarhafnar

Togarinn Þór HF 4 var tekinn í flotkví Vélsmiðju Orms og Víglundar að morgni fimmtudagsins 2. september.
Þór er einn aflahæsti skuttogarinn á Íslandi á liðnu fiskveiðiári. Hann verður nú tekinn vel í gegn fyrir næsta fiskveiðiár, hreinsaður, málaður og gert við það sem aflaga hefur verið.
Það er útgerðarfyrirtækið Stálskip í Hafnarfirði sem gerir Þór út frá Hafnarfirði. Stálskip fagnar bráðlega 40 ára starfsafmæli, en það eru hjónin Guðrún Lárusdóttir og Ágúst Sigurðsson sem hafa stýrt fyrirtækinu frá upphafi.
Fyrsta togarann, sem þau gerðu út, keyptu þau úr fjöru utan við Skutulsfjörð og gerðu upp til útgerðar og hafa gert út togara með nöfnunum Rán, Ýmir og Þór alla tíð síðan.
Þór HF 4 heldur á veiðar strax að lokinni yfirhalningu.


             2149. Þór HF 4, í Hafnarfjarðarhöfn © mynd af vef Hafnarfjarðarhafnar

06.09.2010 12:42

Lena ÍS 61

Við bryggju í Keflavík hefur þessi fallegi bátur legið, all lengi og virðist svo vera sem flest áform sem komið hafi upp um hann, gangi ekki. Þá er miðað við tímabilið eftir að hann var endurbyggður fyrir nokkrum misserum.
Fyrst átti að gera hann út frá Súðavík, en ekkert varð úr því, nú í sumar var settur upp sérstakur útbúnaður til makrílveiða, en aðeins var farið út þrisvar til veiða, án þess að verða var við nokkurn makríl. Þá hefur báturinn verið á söluskrá, en eftir því sem ég veit best, ekki selst. Hvort eitthvað sé að gerast nú veit ég ekki, en í morgun var hann þó færður til í höfninni.


                 1396. Lena ÍS 61, í Keflavíkurhöfn © mynd Emil Páll, 6. sept. 2010

06.09.2010 12:35

Verður Birtu siglt til Akureyrar til viðgerðar

Eins og sagt hefur verið frá áður hér á síðunni hafa aðilar á Grenivík safnast um að kaupa Birtu VE 8 frá Njarðvík til Grenivíkur þar sem gera á bátinn upp og nefna hann síðan fyrsta nafninu sem hann bar þ.e. Ægir Jóhannsson ÞH. Vandamálið fram að þessu hefur verið það að báturinn hefur ekki hafnfæriskírteinu, vegna þess að hann sigldi á bryggju í Keflavík 1. mars sl og skemmdist við það stefnið og eitthvað þar í kring.
Rætt hefur verið um að sigla honum þó til Hafnarfjarðar eða Reykjavíkur og gera við hann þar. Nú er  hinsvegar komið í ljós að á morgun kemur suður vanur skipasmiður að norðan, sem mun skoða tjóni og ef honum lýst þannig á þá verður gert við hann til bráðabirgða hér fyrir sunnan og honum síðan siglt til Akureyrar þar sem gert verður við hann að fullu. Enda eru þar aðilar sem hafa enn þekkinguna til að gera við tréskip.


     1430. Birta VE 8 sem verður aftur Ægir Jóhannsson ÞH, í Njarðvíkurhöfn í morgun
                                      © mynd Emil Páll, 6. sept. 2010

06.09.2010 12:29

Breki sökk fyrir slysni

Eins og ég hef sagt frá hér á síðunni sökk leikarinn Breki VE í Helguvík nú fyrir helgi og taldi ég það vera þáttur í leikgerðinni við kvikmyndinni Djúpið. Nú er hinsvegar komið í ljós að það var slysni að báturinn sökk þarna, en það gerðist er verið var að taka upp atriði þar sem báturinn er nánast settur á hliðina. Mun honum því verða sökkt fljótlega með fullum vilja þeirra sem þarna stjórna.


    733. Breki á hafsbotni í Helguvík á dögunum © mynd Emil Páll, 3. sept. 2010