Færslur: 2010 September

15.09.2010 21:19

Gamlar myndir frá Ólafsfirði, Hólmavík og Djúpuvík

Bjarni Guðmundsson sendi mér þessar þrjár myndir sem faðir hans sem nú er látinn tók á sínum tíma og Bjarni hefur skannað.


                                                         Ólafsfjörður 1978


                                              Hólmavík trúlega um 1990


                                     Djúpuvík, sennilega um 1990
                                           © myndir frá Bjarna G.

15.09.2010 20:21

Venni GK 606


              7311. Venni  GK 606, í Grindavíkurhöfn © mynd Emil Páll, 15. sept. 2010

15.09.2010 18:47

Garri GK 60


               2612. Garri GK 60, í Grindvík © mynd Emil Páll, 15. sept. 2010

15.09.2010 17:54

Farsæll GK á veiðum í dag

Hér sjáum við dragnótarbátinn Farsæl GK 162 á veiðum framan við vitann á Hópsnesi við Grindavík í dag.


         1636. Farsæll GK 162, á veiðum, út af Hópsnesvita við Grindavík í dag
                                         © mynd Emil Páll, 15. sept. 2010

15.09.2010 16:56

Flök á Hópsnesi

Á Hópsnesi við Grindavík liggja nokkur skipsflök eða hlutar úr skipsflökum og birti ég nú þrjár myndir af tveimur þessara hluta. Annað tel ég örugglega vera af Hrafni Sveinbjarnasyni III sem strandaði á nesinu 12. febrúar 1988, er er ekki öruggum með hitt, það sem ég birti tvær myndir af.


     Þetta er trúlega hluti af flaki 103. Hrafns Sveinbjarnasonar III GK 11, sem strandaði við Hópsnes 12. feb. 1988




           Ekki er ég klár á því hvort þetta sé af sama skipi, eða einhverju öðru
                                 © myndir Emil Páll, 15. sept. 2010

15.09.2010 10:41

Steinunn HF sjósett í Hafnarfirði

Af vef Hafnarfjarðarhafnar:


                             2763. Steinunn HF 108, sjósett í Hafnarfirði

Bátasmiðjan Trefjar hf í Hafnarfirði sjósetti 8. september s.l. 12 metra og um 15 tonna fiskibát í Hafnarfjarðarhöfn.
Eigandi Steinunnar er útgerðarfyrirtækið Kambur ehf. í Hafnarfirði og mun báturinn leggja afla sinn upp í fiskvinnslu Kambs í Hafnarfirði. Hinrik Kristjánsson forstjóri Kambs segir miklar væntingar bundnar við uppbyggingu fyrirtækisins í Hafnarfirði og áætlar að við útgerð og fiskvinnslu Kambs muni starfa um 20 manns.


             2763. Steinunn HF 108 © myndir af vef Hafnarfjarðarhafnar, 8. sept. 2010

15.09.2010 09:15

Dýpkun hafin á ný í Landeyjahöfn

Af vef Eyjafrétta:

Dýpkun er hafin í mynni Landeyjahafnar að nýju. Dýpkunarskipið Perla lagð af stað frá Vestmannaeyjum á fimmta tímanum í morgun.  Ölduhæð hefur verið rétt rúmur metri frá því um klukkan tvö við Landeyjahöfn, en hún má ekki vera meiri svo skipið geti athafnað sig. Ágætis veður er við höfnina en vegna ölduhreyfinga gengur verkið hægt um sinn. Rétt fyrir klukkan átta í morgun voru menn að losa fyrsta farminn, en undir venjulegum kringumstæðum tekur um klukkutíma að fylla skipið.

15.09.2010 09:01

Landeyjarhöfn


                       Perla í Landeyjarhöfn © mynd af vef Siglingastofnunar

Mikið hefur verið skrifað að undanförnu um Landeyjarhöfn og mátti finna þetta á vef Siglingastofunar
:

Við eldgosið í Eyjafjallajökli í aprílmánuði var þegar ljóst að það gæti skaðað mannvirki og náttúru á stóru svæði. Einkum fóru Sunnlendingar ekki varhluta af afleiðingum gossins og um margra vikna skeið röskuðust flugsamgöngur í Evrópu vegna öskufalls. Enn erum við að bíta úr nálinni vegna umbrotanna því Markarfljót hefur flutt mikið magn gosefna í sjó fram og óvenjulega þrálátar austlægar öldur hafa borið það fram með hafnarmynni Landeyjahafnar.

Frá upphafi gerðu áætlanir ráð fyrir töluverðri dýpkunarvinnu við hafnargerðina eins og ætíð þarf við slíkar framkvæmdir, einkum í sandhöfnum. Um 220 þúsund rúmmetrar af sandi voru fjarlægðir úr höfn og innsiglingu og gera áætlanir ráð fyrir að árlega þurfi að dýpka um 30 þúsund rúmmetra. Til grundvallar þeim útreikningum lágu rannsóknir á efnisburði við suðurströndina byggðar á gögnum sl. fjögurra áratuga. Á milli ára getur hinsvegar miklu skeikað í sandburði á sjávarströnd og í hressilegum lægðum geta djúpar öldum fært til mikið af efni á stuttum tíma. Þannig má líkja viðhaldsdýpkunum við snjómokstur á vegum, því umfangið fer eftir tíðarfarinu. Á mildum vetrum þarf lítið að moka en meira í vondu árferði.

Gosefni og sandur sem undanfarið hefur safnast í skafl utan við mynni Landeyjahafnar mældist nú fyrir helgina um 20 þúsund rúmmetrar en dæluskipið Perlan hóf dýpkun á föstudag. Verður hún að störfum hvenær sem veður leyfir og  suðvestan ölduáttum hjálpa einnig til við að hreinsa innsiglinguna. Gangi ölduspá eftir má búast við að verkið gangi fljótt og vel.

Á fyrsta vetri nýrrar sandhafnar má venjulega búast við aðlögunartíma meðan ströndin nær nýju jafnvægi, en ófyrirsjáanleg gosefni og óvenjulegar ölduáttir lengja þann tíma. Vegna þeirra verður kostnaður vegna viðhaldsdýpkana einnig fyrr á ferðinni en ella, en tjón vegna byrjunarörðugleika í Landeyjahöfn felst samt einkum í töfum sem orðið hafa á siglingum. Er það sameiginlegt markmið allra aðila að þær færist fljótt og vel í eðlilegt horf.

15.09.2010 08:51

Crown Prinsess komst ekki að bryggju sökum veðurs


Skemmtiferðaskipið Crown Princess hætti við að koma að bryggju við Skarfabakka í Reykjavík 8. sept. sl, vegna of mikils vinds. Stjórnendur skipsins treystu sér ekki til að snúa skipinu í vindinum, sem var um 12 m/sek og upp í 16 m/sek í hviðum. Skipið lá á ytri höfninni frá kl 13:00 þar til það fór um sexleitið. 

Kemur þetta fram á vef Faxaflóahafna

 

 

15.09.2010 08:45

Hans Jakob í kröppum dansi

Síðdegis í gær fylgdist fjöldi manns með því þegar Hans Jakob sigldi fram hjá Garðskaga á leið frá Sandgerði til Hafnarfjarðar. Fannst mönnum ljós að nýir eigendur þekktu ekki vel aðstæður, því báturinn sigldi of nálægt landi, nú veður var vont og lagðist hann nánast á hliðina um tíma. Var þetta á sjötta tímanum í gær og síðan hélt hann áfram för sinni og liggur nú í Hafnarfjarðarhöfn.

Meðal þeirra sem fylgdust með honum voru aðilar sem koma að björgun o.fl.



    1639. Hans Jakob GK 150, hefur nú verið seldur til Tálknafjarðar, eins og kom fram hér
á síðunni 7. sept. sl
. © mynd Emil Páll

15.09.2010 00:00

Hálfgerðar úrkastsmyndir

Hér kemur syrpa af myndum sem nánast tilheyra úrkasti, en þó má í sumum tilfellum og þeim flestum fatta um hvaða skip er að ræða og því leifði ég þeim að fljóta með að þessu sinni. En allar myndirnar eru teknar af mér fyrir einhverjum áratugum og þá ýmist í Keflavík, Sandgerði og/eða Reykjavík. Sumar eru að vísu ágætlega skírar, en eitthvað annað er af þeim.


                                 212. Skagaröst KE 70, í Keflavíkurhöfn


                                  235. Stafnes KE 130, í Keflavíkurhöfn


             242. Sæunn GK 220 í Sandgerðishöfn


      Mynd af baksíðu á dagblaði frá 2. feb. 1966
og myndin sem birtist þarna er af bátnum þegar
hann hét 567. Guðfinnur GK 132, en hér fyrir neðan
er mynd af honum eins og hann leit út er hann sökk


                                 567. Hilmir KE 18, í Keflavíkurhöfn


              2073. Sólrún KE 124, annað hvort í Sandgerði eða Grófinni, Keflavík


    Hér koma tvær myndir af skipum frá Hafskip og eru myndirnar báðar teknar í Reykjavíkurhöfn og tel ég að skipið á þeirri efri sé Selá , en er ekki viss með það á neðri myndinni.


                          © myndir Emil Páll, fyrir einhverjum tugum ára

14.09.2010 22:58

Dagbjört SU 50


                          1584. Dagbjört SU 50 © mynd Ísland 1990

14.09.2010 21:49

Flateyri með fjögurra ára millibili

Sigurbrandur sendi mér 2 myndir sem hann  tók á Flateyri með nákvæmlega 4 ára millibili. Á  (efri) myndinni af bátunum sem er tekin í ágúst 2006 eru f.v. 1321 Bjarmi BA 326 nú Stormur BA 777, þá kemur 1013 Halli Eggerts ÍS 197, sem er farinn í pottinn góða, næstur er 11 Siggi Þorsteins ÍS 123, sem er víst líka horfinn af sjónarsviðinu, og þá kemur 1014 Ársæll SH 88, sem ég held að hafi borið nafnið Dúi þarna, og er núna Ársæll ÁR 66.

Seinni  myndin (sú neðri) skýrir sig sjálf, en hann  tók hana í lok júlí í sumar 2010 á nákvæmlega sama stað bara betra veður. Þarna er ekkert í líkingu við það sem var 4 árum áður.

Sendi ég Sigurbrandi kærar þakkir fyrir.


                                         Flateyri, í ágúst 2006


                                    Flateyri, á sama stað, í lok júlí 2010
                                               © myndir Sigurbrandur

14.09.2010 20:55

Bliki EA 12


                                     1942. Bliki EA 12 © mynd Ísland 1990

14.09.2010 20:02

Nökkvi HU 15


                            1768. Nökkvi HU 15 © mynd Ísland 1990