sksiglo.is

Í dag var nýr bátur Helle Kristina HG 373 sjósettur hjá Siglufjarðar Seig. Báturinn er 10 metra langur og tekur um 12 tonn af afla. Báturinn fer til Hirtshals í Danmörku. 

Ánægðir starfsmenn við sjósetningu.



Ingvar, Guðbrandur, Gestur, Salmann og Stefán.

Texti og myndir: GJS

Í ferð Guðna Ölverssonar til Grenaa, í Danmörku í síðasta mánuði, sem er þekkt brotajárnsfyrirtæki rakst hann ekki á marga skipshluti sem tengja mátti íslenskum skipum. Helst var það stýrishúsið af 980. Stafnesi KE 130.
Tók hann tvær myndir og sýnir sú fyrri stýrishúsið að framanverðu þar sem nafnið kemur vel fram og hin sýnir sama stýrishús aftanfrá og þar má sjá skipaskrárnúmerið 980.


         Stýrishúsið af 980. Stafnesi KE 130, í Grenaa, Danmörku og
            á  þeirri neðri sjáum við skipaskrárnúmerið 980.
                        © myndir Guðni Ölversson, í júlí 2012



Af Facebook:

Svafar Gestsson Ég man að þegar ég var að erinda þarna í Grenaa 2006 fyrir fyrirtæki sem ég vann hjá, þá var þetta eins og að koma í þorp með götum og brýrnar eins og hús, og mörg kunnuleg nöfn sá maður þegar maður þvældist þarna um.

            968. Krossanes SU 320 © mynd í eigu Eskju hf., ljósmyndari Helgi Garðarsson
                                                  Í dag er þessi bátur Glófaxi VE 300