Hér sjáum við makríltorfur aftan við og til hliðar við bátinn




      2739. Siggi Bessa SF 97, á siglingu til hafnar í Keflavík til löndunar, í gær © myndir Emil Páll, 23. ágúst 2012

          Siglufjörður: 2418. Öðlingur SU 19 og 2673. Óli á Stað GK 99, uppi á bryggjunni og við bryggju eru 2765. Akraberg SI 60 og 2799. Oddur á Nesi SI 76 © mynd Hreiðar Jóhannsson, 22. ágúst 2012

             2418. Öðlingur SU 19, í Siglufirði © myndir Hreiðar Jóhannsson, 22. ágúst 2012

           1765. Guðbjörg Kristín KÓ 6, á makrílveiðum í Helguvík, í gærmorgun © myndir Emil Páll, 23. ágúst 2012

            1591. Núpur BA 69, við bryggju í Njarðvík í gær, nýkominn úr slippnum © mynd Emil Páll, 23. ágúst 2012

           306. Knörrinn, Ólafsfirði © mynd Hreiðar Jóhannsson, 22. ágúst 2012

       2749. Helga RE 49, 972. Kristín ÞH 157 og 237. Fjölnir SU 57, í Reykjavíkurhöfn © mynd Faxagengið, faxire9.123.is í ágúst 2012

           2744. Bergey VE 544, í Reykjavík © mynd MarineTraffic, Sigurður Bergþórsson, 9. apríl 2012

                      2730. Margrét EA 710 © mynd úr myndasafni Morgunblaðsins

          Hvalbátarnir færðir og gamla höfnin í Reykjavík dýpkuð © myndir Sigurður Bergþórsson, 23. ágúst 2012

              2727. Baldur © mynd MarineTraffic, Sigurður Bergþórsson, 29. júlí 2012

            2714. Óli Gísla GK 112, í Reykjavík © mynd MarineTraffic, Sigurður Bergþórsson, 9. apríl 2012

Vefsíða HB Granda:

                                1742. Faxi RE 9 © mynd af vefsíðu HB Granda

Í morgun áttu uppsjávarveiðiskip HB Granda óveidd um 2.000 tonn af makríl. Makrílveiðin tregaðist töluvert um síðustu helgi en með töluverðri fyrirhöfn hefur verið hægt að ná þokkalegum afla síðustu daga. Versni veiðin ekki að nýju ættu ekki að líða mjög margir dagar þar til að skip HB Granda geta snúið sér af síldveiðum fyrir alvöru en nú eru óveidd um 11.500 tonn af aflamarki félagsins í norsk-íslenskri síld á vertíðinni.

Er rætt var við Albert Sveinsson, skipstjóra á Faxa RE, nú um miðjan dag var nýbúið að kasta flotttrollinu og þriðja hol veiðiferðarinnar þar með hafið. Um 230 tonn af makríl og síld fengust í nótt sem leið og upp úr hádeginu var lokið við um 100 tonna makrílhol. Skipið er að veiðum í Litladjúpi en þar er mikill fjöldi skipa að veiðum og í leit að makríl og segir Albert aðstæður vera frekar erfiðar.

,,Togararnir eru allir komnir hingað eftir að makrílveiðin datt niður fyrir vestan landið og að uppsjávarveiðiskipunum meðtöldum eru hér nú örugglega ekki færri en 20 skip en reyndar á nokkuð stóru svæði. Það hefur töluverður tími farið í að leita að makríl í veiðanlegu magni, blettirnir eru litlir og menn hafa verið að kasta á lóðningar án þess að fá nokkurn afla. Makríllinn er örugglega í einhverjum mæli farinn að leita út úr landhelginni og menn keppast því við að ná kvótunum áður en það verður um seinan," segir Albert en samkvæmt upplýsingum hans eru fá skip á síldveiðum um þessar mundir. Síld veiðist reyndar sem meðafli á makrílveiðunum og eins verða menn að gera ráð fyrir því að makríll veiðist að einhverju sem meðafli þegar aukinn þungi færist í síldveiðarnar.

Fiskifréttir í dag:

Mokveiði hefur verið hjá Fjólu GK undanfarna daga. Fjóla er 15 tonna krókaaflamarksbátur sem veiðir makríl á handfæri. Um miðja vikuna var báturinn kominn með 150 tonn af makríl og er hann aflahæsti báturinn á handfæraveiðum.

Fiskifréttir fóru í makrílróður með Fjólu í síðustu viku og fylgdust með þessum nýstárlega veiðiskap og ræddu við Davíð Frey Jónsson skipstjóra. Fjóla hefur haldið sig á svæðinu við Reykjanes og Eldey í sumar. Báturinn hefur fengið yfir þrjú tonn í flestum róðrum og yfir 13 tonn á dag þegar best lætur.

Blaðamaður Fiskifrétta lýsir veiðunum þannig meðal annars: "Makríll er sterkur fiskur og stinnur þegar hann kemur inn og kastast með skellum eftir málmrennunum á leiðinni niður í lest. Á meðan mest veiddist var því talsverður hávaði í veiðunum og engu líkara en ég væri staddur innan um spilakassa sem allir gæfu vinning á sama tíma og að það klingdi í krónum!"

Talið er að hann sé kominn með um eða yfir 200 tonn í mánuðinum.