Það var mikið um að vera er strandveiðibátarnir hópuðust inn og tók Jón Halldórsson þá þessa mynd


              Margir strandveiðibátar að landa á sama tíma á Hólmavík í gær © mynd Jón Halldórsson, holmavik.123.is,  22. maí 2012

sk.siglo.is

Í byrjun maí hóf áhöfn Sigurbjargarinnar samskonar forvarnasamvinnu og Mánabergið byrjaði á í desember á síðasta ári, en um er að ræða samstarfsverkefni Ramma, Slysavarnaskóla Sjómanna og Sjóvá.

Með þessu vill Rammi í samvinnu við sína starfsmenn fækka og að lokum koma í veg fyrir slys. Slysavarnaskólinn stýrir verkefninu en til þess að byrja með er lögð áhersla á að áhöfnin áhættugreini Sigurbjörgina og skrái á atvikaskráningablað.

Fundur með áhöfn Sigurbjargarinnar

Fjóla Guðjónsdóttir forstöðumaður forvarna hjá Sjóvá hóf fundinn en Sjóvá leggur áherslu á að starfsmenn fyrirtækja hugi að forvörnum hvort sem um er að ræða í vinnu eða einkalífi.   

Hilmar Snorrason skólastjóri Slysavarnaskóla sjómanna fór yfir helstu ástæðu slysa út á sjó og þeim slysum sem tilkynnt hafa verið til rannsóknarnefndar sjóslysa.   Fram kom að

slys um borð í Sigurbjörginni eru svipuð og hjá öðum í flotanum og að helsta ástæða slysa sé fall úr hæð, hras á jafnsléttu eða klemmuslys. Oftast er um að ræða   "minni háttar" slys sem hægt hefði verið að koma í veg fyrir.  Því er skráning atvika (slys og næstum því slys) og áhættugreining skipa mikilvæg til þess að greina aðstæður áður en slys verða.   Í mjög mörgum tilvikum þarf lítið til og hægt að breyta verklagi eða aðstæðum þannig að slysahættur eru ekki lengur fyrir hendi.   

Ragnar Aðalsteinsson útgerðastjóri heldur utan um verkefnið fyrir Ramma og lagði hann áherslu á að fullur vilji er af hálfu útgerðarinnar til þess að ná árangur. Verkefnið sé spennandi þar sem það reynir jafnt á vilja áhafnar sem útgerðar til þess að ná árangri.  Hugarfar skiptir hér miklu máli og hvernig við nálgumst allt það sem við tökum okkur fyrir hendur, hvort sem það er í vinnunni eða í einkalífinu.Eftir fund með áhöfninni þá var farið um borð og aðstæður skoðaðar.

Texti: Fjóla Guðjónsdóttir, forstöðumaður forvarna Sjóvá

Mynd: GJS

skessuhorn,is;

Fyrirtækið Ocean Safari ehf. í Stykkishólmi mun á föstudaginn næstkomandi byrja að fara með fólk í skoðunar- og skemmtiferðir um Breiðafjörðin. Ferðirnar verða farnar á tveimur bátum sem voru sérsmíðaðir fyrir fyrirtækið í Hollandi. Annar báturinn ber nafnið Kría og hann var fluttur í Stykkishólm síðastliðinn föstudag. Það vildi svo leiðinlega til að hinn báturinn sem heitir Kjói var skilinn eftir á hafnarbakkanum í Rotterdam, en Samskip sá um flutning bátanna frá Hollandi til Íslands. Þegar átti að ná í bátinn til Reykjavíkur og verið var að leysa hann út kom í ljós að báturinn var ekki um borð í flutningaskipinu en forsvarsmenn Ocean Safari höfðu ekki verið látnir vita. Þeir gera þó ráð fyrir því að Kjói verði kominn í Stykkishólm fyrir sjómannadag.

7722. Kría, í Stykkishólmi © mynd skessuhorn.is

bb.is:

Fjórir bátar rækjuvinnslu Kampa ehf., á Ísafirði hafa stundað veiðar við Snæfellsnes undanfarnar vikur og landað afla sínum í Grundafirði þaðan sem honum er ekið til Ísafjarðar. Um er að ræða árstíðabundnar veiðar sem að venju lýkur um mánaðarmótin maí-júní. Bátarnir sem um ræðir eru Valbjörn ÍS, Ísborg ÍS, Aldan ÍS og Hera ÞH. Gunnbjörn ÍS landaði á Ísafirði um síðustu helgi og er hann nú kominn í slipp í Njarðvík þar sem hann verður næstu daga.

Frystitogarinn Ísbjörn ÍS er á veiðum á heimamiðum og verður á sjó fram að sjómannadegi.

Af Facebook:
Emil Páll Jónsson Já já

Sem smá léttleika hafði ég nokkur orð í upphafi síðustu færslu varðandi myndatökur af Green Bergen, en það sem þar stóð á alveg eins við um þessa færslu. Bara gaman af því....






            Polar Procress GR 14-48, í Hafnarfirði í gær © myndir Jóhannes Guðnason, 22. maí 2012

Það voru fleiri en ég sem tók myndir af skipinu í Hafnarfirði í gær, en mínar myndir birti ég samdægurs og hér koma myndir sem Jóhannes Guðnason tók sama dag á sama stað af sama skipi.


       

       Green Bergen, í Hafnarfirði í gær © myndir Jóhannes Guðnason, 22. maí 2012

            6641. Nanna  ÍS 321, Í Hafnarfirði, í gær © mynd Emil Páll, 22. maí 2012

Í fyrradag birti ég mynd af 1919. Skrúð þar sem augljóslega var búið að sandblása bátinn, í Skipasmíðastöð Njarðvíkur. Þessa mynd birti stöðin á Facebooksíðu sinni í gær og sýnir er verið er að vinna við sandblástur á bátnum.

 
         1919. Skúður, sandblásinn í Skipasmíðastöð Njarðvikur © mynd af FB síðu SN, 22. maí 2012

Í fyrradag birti ég myndir af því þegar togarinn var í sleðanum á leið upp í slipp í Njarðvík og nú birti ég mynd af honum komnum upp í slippinn. Sú mynd birtist í gær á Facebook-síðu Skipasmíðastöðvar Njarðvíkur


            1327. Gunnbjörn ÍS 302, í Njarðvíkurslipp © mynd af FB síðu SN, 22. maí 2012

        2203. Þerney RE 101, í Reykjavík í gær © mynd Emil Páll, 22. maí 2012

           1324. Hrafnreyður KÓ 100, í Hafnarfirði í gær © mynd Emil Páll, 22. maí 2012

Oft á undanförnum misserum hef ég sagt frá því hér á síðunni að í Njarðvik væri verið að endurbyggja lítinn bát sem hét Von GK 22 og kom fljótlega í ljós að úr yrði þilfarsbátur og lítið var notað úr gamla bátnum, rauna aðeins hluta af annarri síðunni sem féll inn í stóra bátinn. Já stóra bátinn, því fljótlega var hætt við að hafa þetta endursmíði og úr varð nýsmíði, á þilfarsbáti sem nú er tilbúinn til sjósetningar. Að ýmsu leiti eru nýjar útfærslur á bátnum og sést það mest á þeirri myndasyrpu sem ég tók af bátnum í morgun.


         





 



               2829. Sædís Bára GK 88, í Njarðvík í morgun © myndir Emil Páll, 23. maí 2012

Úti á Grandagarði í Reykjavík standa tveir gamlir fiskibátar sem fyrir nokkru var breytt í skemmtibáta. Hafa þeir verið þar í skveringu að undanförnu, auk þess sem bátasmiðir gagnvart trébátum voru fengnir frá Skipasmíðastöð Njarðvikur til að setja planka í annan þeirra. Birti ég hér myndir af bátunum


     1263. Atlavík RE 159 og 1149. Dagný RE 113, í gær © mynd Emil Páll, 22. maí 2012


      1149. Dagný RE 113. Sést vel þar sem kominn er nýr planki í bátinn © mynd af FB síðu SN, frá því í gær, 22. maí 2012

Fyrir nokkru var Orri sóttur til Njarðvikur þar sem hann hefur legið í vetur og dreginn af Valþóri til Hafnarfjarðar, en mikil tengsl eru milli útgerða þessara beggja báta.


     

                1081. Valþór NS 123 og 929. Orri ÍS 180, í Hafnarfirði í gær © myndir Emil Páll, 22. maí 2012

Bátasmiðjan Trefjar í Hafnarfirði nú á dögunum nýjan Cleopatra bát til Le Croisic á vesturströnd Frakklands. Að útgerðinni stendur Fabrice Charlot sjómaður frá Le Croisic sem jafnframt er skipstjóri á bátnum.

Nýi báturinn hefur hlotið nafnið "Ar-Tarzh II" sem þýðir "Aldan" á mál Bretóna.  Báturinn er 11 brúttótonn.  "Ar-Tarzh II" er af gerðinni Cleopatra 33. Aðalvél bátsins er af gerðinni FPT(Iveco)C90 380 tengd ZF286IV gír. Siglingatæki eru frá Furuno. 

Báturinn er útbúinn til línuveiða. Línubúnaður er frá Able. Öryggisbúnaður bátsins er frá Viking.

Rými er fyrir 12 stk 380 lítra kör í einangraðri lest.  Í vistarverum er svefnpláss fyrir þrjá auk eldunaraðstöðu með eldavél, örbylgjuofn og ísskáp.

Að sögn útgerðarinnar mun báturinn verða gerður út frá Le Croisic allt árið. Reiknað er með að báturinn hefji veiðar núna í lok mánaðrins.  2-3 menn verða í áhöfn.