Það er svona smá léttleiki yfir þessari mynd, A.m.k. er það ekki algengt að sjá jólasvein yfir sumarið eins og þessi sem Jónas Jónsson tók mynd af, við Ísafjarðarhöfn á síðasta sumri


              Jólasveinn við Ísafjarðarhöfn á sl. sumri © mynd Jónas Jónsson, 2011

Hér koma myndir sem örugglega margir ísfirðingar hafa gaman að skoða. Til að fullkomna myndtexta við myndirnar fékk ég hjálp frá gömlum ísfirðing Gunnari Th og þakka ég honum kærlega fyrir.


      Þarna er Jens Jónsson, nokkuð örugglega í litla sumarhúsinu sem Jón heitinn Helgason átti á Hesteyri (og stendur ágætlega enn).

                Félagarnir  Jens Jónsson  og Óli Bjarnason sitja þarna í skutnum á Feng með Hnífsdal og Hraðfrystihúsið- Gunnvör í baksýn. 


        Hér situr Óli einn með allan Skutulsfjörðinn í baksýn! © myndir Jónas Jónsson, sumarið  2011

Eigandi þessa litla báts, er ljósmyndarinn sjálfur Jónas Jónsson og er hann nafnlaust, nema hvað vinir hans í Sandgerði hafa gefið honum  nafnið KREPPAN og því nefni ég hann því nafni nú í þessari myndasyrpu












                    Kreppan, hans Jónasar, í Sandgerði © mynd Jónas Jónsson, 2011

Í kring um þessar myndir er smá saga og þá aðallega þær tvær sem augljóslega eru teknar eftir öðrum myndum. En á síðasta sumri er Jónas ljósmyndari var á ferð á Ísafirði sá hann bíl með þessum myndum aftan á og varð strax skotinn í myndunum og langar að setja svona myndir aftan á bílinn sinn. Elti hann því bílinn og fékk að taka myndir af myndunum. Kom í ljós að frummyndirnar voru eftir Halldór Sviensbjörnsson hjá BB, en þar sem hann náði ekki í hann í þessari ferð lét hann þetta duga og tók þó í leiðinni hinar myndirnar af Ísafirði.










           Ísafjörður © myndir og myndir af mynd, Jónas Jónsson, sumarið 2011

Síðast þegar ég skoðaði þennan var hann í eigu manns í Grindavík og hafði grindvískt nafn, sem ég man ekki hvað var. Þarna er hann ofan við Snarfarahöfnina við Elliðavog í Reykjavík.








     Sá grindvíski, ofan við Snarfarahöfnina inn við Elliðavog í Reykjavík © myndir Jónas Jónsson, 2011

Þessa mynd tók Jónas Jónsson af annarri mynd sem er honum nokkuð kær, því þessir bátar voru í eigu bróður hans og föður hans. Samkvæmt smá grúski gat ég fundið að sá sem er nær og hefur númerið B 1202, fékk síðar skipaskrárnúmerið 6202. og hét Bylgja ÍS 135, sá sem er B 222 og er fjær veit ég of lítið um til að geta grúskað um hann, nema hvað hann er að mér sýnist  hafa númerið ÍS 25


           B 1202, síðar 6202. þarna sem Bylgja ÍS 135 og B 222  óþekkt nafn o.fl. nema hvað hann er að mér sýnist ÍS 25 © mynd Jónas Jónsson af annarri mynd, sumarið 2011 Í ljós er komið að hann heitir Páll Nielsson 'IS en nánar um það sést hér fyrir neðan.

Netpóstur:
Gunnar Th.: Bátarnir tveir á eftirtökumyndinni frá Jónasi Jónssyni (Ísfirðingi og góðum kunningja) eru eins og þú segir réttilega Bylgja ÍS, og sá fjær er Páll Níelsson ÍS (áður P.N. RE, 5222), sem Jón Helgason faðir Jónasar notaði m.a. í túristaferðir til Hesteyrar. Jón Helgason má vel kalla frumkvöðul í þess háttar ferðum, hann var langt á undan sinni samtíð í "túristaskutli" norður í Jökulfirði og mér betur kunnugir mættu alveg stinga niður penna um karlinn.
Gunnar Th:  Gleymdi að geta þess að í baksýn á bátamyndinni umræddu er Arnarnesið, og bátarnir eru á siglingu inn Skutulsfjörð í átt að Ísafjarðarkaupstað.

                                        Erika siglir inn Norðfjörðinn í dag


         Erika komin að bryggju á Neskaupstað, sennilega til að skipta um nót © myndir Bjarni G., 8. feb. 2012

Hér koma nokkrar myndir sem Bjarni G. tók í dag í Neskaupstað er nýi Börkur var á siglingu úti á firðinum.












               Nýi Börkur á siglingu á Norðfirði í dag © myndir Bjarni G., 8. feb. 2012

                          Fengur, á Ísafirði © mynd Jónas Jónsson, sumarið 2011

                  Eldiskvíar, trúlega við Súðavík © myndir Jónas Jónsson, sumarið 2011

Sten Frigg og Green Bergen eru  í höfn í Neskaupstað í dag 


                                                       Sten Frigg


                                                       Green Bergen


       Green Bergen og Sten Frigg, Neskaupstað í morgun © myndir Bjarni G., 8. feb. 2011

Nýja skipið sem á að heita Börkur NK 122 kom í morgun til Neskaupstaðar. Sigldi það yfir hafið undir nafninu Torbas SF-99-V. Þessar myndir tók Bjarni Guðmundsson af skipinu á Neskaupstað í morgun.














          Torbas SF-99-V sem fá mun nafnið Börkur NK 122, á Neskaupstað í morgun © myndir Bjarni G., 8. feb. 2012

          Costa Pacifica, við Skarfabakka í Reykjavík sl. sumar © myndir Jónas Jónsson, 2011

Netpóstur:

Costa Pacifica, á Ísafirði, ekki rétt, þessar myndir eru teknar í Reykjavík nánar við Skarfabakka. svona stór skip leggjast ekki að bryggju á Isafirði. Þau leggjast við akkeri á Skutulsfirði. Kær kveðja. Lúðvík.
Emil Páll: Takk fyrir þetta og búinn að laga það.

Þessi skúta er ein af mörgum sem heimsóttu Ísafjörð í sumar, en flestar þeirra komu þangað í ákveðnum tilgangi, en allt um það ásamt syrpu af mörgum mörgum fleiri, kemur á miðnætti í kvöld.


     Erlend skúta á Ísafirði í sumar. Meira í máli og myndum á miðnætti. © myndir Jónas Jónsson, sumarið 2011

Hver maðurinn er veit ég ekki, það fylgdi ekki myndinni.


                                Á Hesteyri © mynd Jónas Jónsson, sumarið 2011