Tólf bátar, smábíll og vörubíll skemmdust eða eyðilögðust í Sandgerðishöfn í óveðri fyrstu dagana í janúar 1984. Bátarnir, 9 litlir þilfarsbátar og þrír stærri ráku upp í fjöru í óveðrinu, smábíllinn fauk út í sjó og einnig vörubíllinn með manni innanborðs sem þó bjargaðist. Frá þessu er sagt í fyrsta tölublaði Víkurfrétta í ársbyrjun 1984.

Fyrstu bátarnir slitnuðu frá bryggjunni í Sandgerði um klukkan hálf-sjö um morguninn sem óveðrið skall á og fóru upp í grjót.

"Þegar séð var hvað verða vildi fórum við heim og hringdum í viðkomandi aðila og fór Svavar Ingibersson á vörubílnum niður á bryggju og komum við böndum á bátana en hugmyndin var að draga þá frá grjótinu með bílnum. En sjórinn tók vörubílinn eins og eldspýtustokk og henti honum út í sjó. Það bjargaði Svavari sem fór niður með vörubílnum að það var maður á bryggjunni sem náði honum strax þegar hann kom út úr bílnum. Var hann orðinn þrekaður en hafði þó meðvitund og var strax fluttur á sjúkrahús. Eftir þetta óhapp komu bátarnir hver af öðrum upp í grjótið og urðu alls níu, auk stóru bátanna. Náðust síðan fjórir litlir út og tveir stærri," sagði Páll Jónsson, eigandi eins bátsins í viðtali við Víkurfréttir.

Annar bátseigandi, Preben W. Nilsen úr Keflavík segir svo frá um sinn bát sem fauk til og frá eins og korktappi í rokinu: "Hann (báturinn) var kominn hér upp á bryggjuna og síðan má segja að hann hafi flotið hér um alla bryggjuna, því sjór var yfir öllu. Síðan hvarf hann allt í einu og ég hélt að hann væri sokkinn en þá hafði hann henst út á höfnina og í leiðinni hafði hann komið við einhverja báta, því mastrið hafði brotnað. Síðan rak hann hérna upp með öllu og yfir í grjótið og endaði uppi í horni," sagði Preben og bætti því við að stór hluti bátaflotans í Sandgerði færi sennilega ekki í róður í bráð.

Í forsíðugrein er því velt upp hvort mannleg mistök hafi átt stóran þátt í því hve illa fór. Eigendur bátanna hefðu ekki farið eftir ábendingum og viðvörunum um að svo vont veður væri í aðsigi og ekki gert nægar ráðstafanir til að mæta því. Auk skemmdanna í Sandgerði varð líka nokkuð tjón í Höfnum þegar sjór flæddi upp að sjö húsum.





Myndir úr Ljósmyndasafni Víkurfrétta.

Í morgun var Þorgrími Ómari Tavsen afhent viðurkenning fyrir að vera skyndihjálparmaður Suðurnesja og einn af fjórum sem koma til greina sem Skyndihjálparmaður landsins, en það verður ákveðið nú um kl. 15 í Smáralind.

Sögu Þorgríms Ómars hef ég áður sagt frá hér á síðunni, en í stuttu máli þá kom hann að skipsfélaga sínum þar sem hann hafði misst meðvitund og gat komið honum í gang að nýju. Gerðist þetta 17. ágúst sl.


     Þorgrími Ómari Tavsen, afhent viðurkenningin sem SKYNDIHJÁLPARMAÐUR SUÐURNESJA á slökkvistöðinni í Keflaví í morgun,, Voru það fulltrúar Rauða krossins sem afhentu viðurkenningu þessa © mynd Pálína Ásbjörnsdóttir