"Það hefur orðið verulegt tjón við strandið. Skipið er komið í slipp og skoðunarmenn eru að streyma á vettvang til að kanna skemmdir og meta tjónið og því liggur ekki fyrir um hvaða fjárhæðir er að tefla," sagði Dagur Ingimundarson, einn eigenda Arneyjar KE-50 sem tók niðri í innsiglingunni til Sandgerðis.

Arney var á útleið er hún tók niðri en skipið losnaði eftir nokkra tíma er flæddi að. Sigldi hún til Njarðvíkur og var komin í slipp þar um hádegisbil.

"Allir bátarnir sitthvoru megin við kjölin eru farnir eða ónýtir; svo sem fyrir asdikin, dýptarmæla, skynjara ýmisskonar og höfuðlínumæla. Í þessum búnaði liggja mikil verðmæti því hann er afar dýr.

Að öðru leyti eru sáralitlar skemmdir á botninum, ein plata er nokkuð dældótt og verður sennilega að sjóða bót yfir hana," sagði Dagur.