Miðvikudagur 2. Febrúar 2011

Baldur, sjómælinga- og eftirlitsskip Landhelgisgæslunnar sigldi á mánudag með skildmenni farþega og áhafnar flugvélarinnar Glitfaxa,  sem fórst fyrir 60 árum í aðflugi að Reykjavíkurflugvelli.

Séra Hjálmar Jónsson dómkirkjuprestur tók til máls og blessaði hina votu gröf, sem leynist í Faxaflóa. Áður en snúið var heim dreifðu ættingjarnir blómum yfir hafið til minningar um þau sem fórust í flugslysinu.


Hjálmar Jónsson, dómkirkjuprestur blessar hina votu gröf


Blómakrans til minningar um þau sem fórust með Glitfaxa

Félagsdómur hefur dæmt boðað verkfall starfsmanna í loðnubræðslum ólöglegt. Verkfallið átti að hefjast 7. febrúar. Dómurinn taldi að ekki hefðu verið haldnir formlegir sáttafundir í deilunni áður en verkfallið var boðað.

Verkfallið var boðað af Afli á Austurlandi og Drífanda í Vestmannaeyjum. Það átti að ná til loðnubræðslna á Vopnafirði, Seyðisfirði, Norðfirði, Eskifirði, Fáskrúðsfirði, Hornafirði og í Vestmannaeyjum. Verkfallið átti í fyrstu að standa í þrjá daga og verða svo endurtekið 14. febrúar hafi samningar ekki tekist. Og hafi ekki samist 21. febrúar var boðað verkfall í ótilgreindan tíma.

Samtök atvinnulífsins fóru með málið fyrir félagsdóm þar sem samtökin töldu að svokallaður bræðslusamningur væri hluti af aðalkjarasamningi og ekki væri hægt að boða verkfall til að þrýst á um gerð samnings þegar ekki væri búið að ljúka gerð aðalkjarasamnings. Félagsdómur dæmdi hins vegar ekki verkfallið ólöglegt á þessari forsendu heldur að ekki hefðu verið haldnir formlegir sáttafundir áður en verkfallið var boðað.

Vegna óveðursins í nótt, sá ég a.m.k. þrjá togara og eitt línuskip sem flúðu undan veðrinu og voru þrjú skipanna í vari, ýmist í Garðsjó eða á Stakksfirði og eitt þeirra fór til hafnar í Helguvík.

Í Garðsjó var togarinn Þerney RE 101, sem í morgun fór síðan inn til Reykjavíkur til löndunar. Togarinn Gnúpur var á Stakksfirði rétt utan við sveitarfélagið Voga og utan við Keflavík/Njarðvík var línuskipið Kristín ÞH 157. Þá fór togarinn Múlaberg SI 22 til Helguvíkur.

Hér birti ég myndir af Grindavíkurskipunum Kristínu ÞH 157 og Gnúpi GK 11 og á eftir birti ég tvær myndir af Múlaberginu í Helguvík.


                                   972. Kristín ÞH 157, utan við Keflavík/Njarðvík


           1579. Gnúpur GK 11, utan við Vogana © myndir Emil Páll, 3. feb. 2011