Færslur: 2011 Janúar

04.01.2011 19:19

Saga bátsins sem sökk á Ísafirði

Bátur þessi er einn af þeim bátum sem smíðaðir voru úr eik á Skagaströnd á áttunda áratug síðustu aldar.


                       1464. Árnesingur ÁR 75 © mynd Snorrason


            1464. Auðbjörg II SH 97 © mynd Ísland 1990


                    1464. Auðbjörg II SH 97 © mynd Snorrason


            1464. Vestri BA 63 © mynd úr Flota Patreksfjarðar, ljósm.: Snorrason


                    1464. Vestri BA 64 © mynd Snorrason


            1464. Guðný ÍS 13, á botni Ísafjarðarhafnar 2. jan. 2011 © mynd af bb.is

Smíðanúmer 10 hjá Trésmiðju Guðmundar Lárussonar hf., Skagaströnd 1976, eftir teikningu Egils Þorfinnssonar.

Skráningu breytt úr fiskiskipi í skemmtiskip 2006. Sökk í Ísafjarðarhöfn 2. janúar 2011, en þar hefur hann legið lengi við bryggju.

Nöfn: Árnesingur ÁR 75, Sædís ÁR 14,  Auðbjörg II SH 97, Auðbjörg II SH 997, Reynir AK 18, Vestri BA 64, Vestri BA 63, Diddó BA 3, Diddó ÍS 13, aftur Diddó BA 3 og núverandi nafn: Guðný ÍS 13.

04.01.2011 18:11

Sermilik II GR 5-4, bar áður nokkur ísl. nöfn

Þessi grænlenski togari hét í fyrstu Drangey SK 1, síðar Aðalvík KE 95, þá Sólbakur EA 307, Umanak EA 307, og síðan grænlensku nöfnin: Umanak GR 15-191, Manu GR 7-43, Manu II GR 7-143 og nú síðast Sermilik II GR 5-4


               Sermilik II GR 5-4 © mynd shipspotting.com

04.01.2011 17:32

Margit FD 271: Upphaflega íslenskur

  Þetta er einn af svonefndu Óseyjarbátunum, skrokkurinn var smíðaður í Póllandi og til stóð að klára bátinn í Hafnarfirði, en úr því varð ekki, þar sem eldur kom upp í Ósey og skemmdist þá báturinn og því var smíði hans lokið í Daníelsslipp í Reykjavík. Vegna brunans var hætt við að gera hann að Friðrik Bergmann SH og hann var seldur til Reykjavíkur og úr varð Sigurður Einar RE 62, árið 2000. Útgerðin var þó ekki löng hérlendis því hann var seldur til Færeyja tveimur árum síðar og bar fyrst þar nafnið Hvitabjörn TN 1162, en heitir nú Margrit FD 271 og er í dag frá Saltangará.
   


   Margrit FD 271 ex 2377. Sigurður Einar RE 62 © mynd skipini.com

04.01.2011 16:13

Bátur og viti


                         Bátur og viti © mynd í eigu Daniel Collolleur

04.01.2011 11:23

Keréon


    Keréon © mynd úr flokknum navire de peche mauvais temps. Eigandi: Daniel Collolleur

04.01.2011 10:16

Crimfal


   Crimfal © mynd úr flokknum navire de peche mauvais temps, eigandi: Daníel Collolleur

04.01.2011 09:32

Cote Dcalbatrc


   Cote Dcalbatrc © mynd úr myndaflokknum navirede peche marvais Temps, eigandi: Daniel Collolleur

04.01.2011 08:08

Árni Friðriksson heldur til loðnuleitar

visir.is

Árni Friðriksson heldur til loðnuleitar

Hafrannsóknaskipið Árni Friðriksson heldur í dag til loðnuleitar og er ráðgert að fimm veiðiskip taki þátt í skipulagðri leit undir stjórn leiðangursstjórans á Árna Friðrikssyni.

Leiltað verður í austur frá Eyjafirði, fyrir Austurlandinu til Hafnar í Hornafirði. Byrjunarkvótinn núna er 200 þúsund tonn og eru vonir bundnar við að niðurstöður úr þessum leiðangri gefi tilefni til þess að bæta við hann.

Þrjú skip byrjuðu loðnuveiðar fyrir áramót, sem ekki hefur gerst í nokkur ár.

04.01.2011 08:01

Bogale Sant Tann


   Bogale Sant Tann © úr myndaflokknum navire de peche marvais temps, eigandi: Daniel Collolleur

04.01.2011 07:35

Anita Conti




     Anita Conti, úr myndasafninu navire de peche marvais temps © eigandi Daniel Colloleur

04.01.2011 00:00

Tíu gömul Sambandsskip

Hér koma myndir með 10 gömlum Sambandsskipum, sem ég fékk að nota af Facebooksíðunni Hamrafell og systurskip þess, en auk Hamarfells eru birtar myndir af fleiri gömlum Sambandsskipum.


                     9. Arnarfell, skakkt með tunnufarm á Fáskrúðsfirði


                                  Sama og á myndinni fyrir ofan


                                                   9. Arnarfell


                                                      34. Dísarfell


                                                          81. Hamrafell


                               81. Hamrafell


                                           92. Helgafell, í Svenborg


                                                   118. Mælifell


                                                         131. Jökulfell


                                                       131. Jökulfell


                          1193. Skaftafell og 1200. Hvassafell, í Reykjavík


                               1165. Litlafell og 199. Stapafell í Örfirisey


                                          1531. Arnarfell í Reykjavík


                                                      1200. Hvassafell
                                © myndir í eigu Hamrafells og systurskipa þess

03.01.2011 23:00

Veersedijk


           Veersedijk, í Hamborg © mynd MarineTraffic, tomsawyerhamburg, 9. feb. 2008

03.01.2011 22:00

Havbas


                       Havbas © mynd MarineTraffic, Roar Jensen, 27. júní 2010

03.01.2011 21:45

Hótar því að fiskveiðiflotinn sigli í land

Vísir.is:

Birgir Hólm Björgvinsson er ósáttur við breytingar á sjómannaafslætti.
Birgir Hólm Björgvinsson er ósáttur við breytingar á sjómannaafslætti.

Stjórnarmaður í Sjómannafélagi Íslands hótar því að fiskveiðiflotinn sigli í land verði sjómönnum ekki bætt kjararýrnun vegna lækkunar sjómannaafsláttar. Fyrsti hluti lækkunarinnar tók gildi nú um áramótin.

Sjómannaafsláttur lækkaði úr 987 krónum í 740 krónur um áramótin, en það er upphæðin sem sjómenn geta dregið af skattbyrði sinni fyrir hvern dag sem þeir eyða á sjó. Næstu áramót lækkar hann svo í 493 krónur, þarnæstu áramót í 246 krónur þar til hann verður loks afnuminn 1. janúar 2014.

"Þetta er náttúrulega árás stjórnvalda á kjör sjómanna. Þetta getur aldrei gengið upp," segir Birgir Hólm Björgvinsson, stjórnarmaður í Sjómannafélagi Íslands.

Birgir segir að fyrir marga sjómenn sé skerðingin töluverð. Fyrir breytingarnar gat afslátturinn mest numið um 360 þúsund krónum á ári og lækkar nú um fjórðung fyrsta kastið. Hann segir að ríkisstjórnin eigi að bakka með breytinguna. Annars verði reynt að fá kjararýrnunina bætta í næstu kjarasamningum, en samningar sjómanna eru nú lausir.

Í ályktun Sjómannafélagsins frá aðalfundi þess skömmu fyrir áramót er bent á að sjómenn hafi notið sérstakra skattakjara í yfir 50 ár, þó ívilnun í nágrannaríkjum sé ívið meiri. Til dæmis er nefnt að skattaafsláttur norskra sjómanna geti numið allt að einni og hálfri milljón íslenskra króna. Sjómenn muni ekki láta ósvífni stjórnvalda ganga yfir sig, heldur mæta til leiks af fullri hörku.

"Það er náttúrulega ekki nema eitt sem dugar. Það verður að segjast eins og er; það er bara stopp. Ef þetta næst ekki, þá verður ekki skrifað undir kjarasamninga, það er ósköp einfalt. Ef allir sigla í land, þá held ég að það sé lítið fyrir þessa ríkisstjórn að gera, hún þarf bara að yfirgefa svæðið," segir Birgir.

Hann segir viðræður vegna kjarasamninganna í startholunum, en hann vonast til að þeir fari sem fyrst af stað svo hægt sé að komast að niðurstöðu. Hann býst þó við erfiðum viðræðum.

En finnst honum ekkert skrítið að ein stétt manna fái þennan afslátt á tekjuskatti umfram allar aðrar?

"Nei, það þykir mér ekki. Ég veit ekki annað en þetta sé í mörgum stéttum þjóðfélagsins. Til dæmis dagpeningar ríkisstarfsmanna sem eru skattfrjálsir. Það má líka fara út í það að láta þetta hætta að heita sjómannaafslátt og láta það heita dagpeninga. Þá er málið leyst."

03.01.2011 21:00

Dionysions Solomos


  Dionysions Solomos, í Zakynthos Port © mynd MarineTraffic, Corastar.com 20. apr. 2009