Á þessum myndum sést þegar verið var að koma fyrir miklum grjóthnullungum, ásamt þykku tógi sem nota á við kræklingarækt framan við Vatnsleysuströndina. Mun malarflutningaskipið Selur sinna því hlutverki að koma grjótinu og tóginu sem verður þar með að bólfærum á sinn stað, en þar sem enginn krani er á Selnum var bólfærunum raðað eftir síðum Selsins og svo verður skorið á festingar á réttum stöðum þannig að bólfærin sökkvi til botns þar sem þau eiga að vera.


    Einu grjótinu slakað á réttan stað utan á síðu prammans sem annars heitir 5935. Selur og annað bíður á bílpallinum eftir að fara sömu leið




                   Allt gert klárt svo varpa megi bólfærunum á réttan stað


           Einn af skipverjum á Selnum, lítur aðeins upp fyrir ljósmyndarann
                                      © myndir Emil Páll, 19. ágúst 2010

 Norska útgerðarfélagið Ervik Havfiske hefur skrifað undir samning við tyrknesku skipasmíðastöðina Tersan um smíði á stærsta línubáti í heimi, að því er fram kemur á vef samtaka norskra útvegsmanna. Báturinn sem fær nafnið Frøyanes verður búinn fullkomnustu tækjum. Lögð verður áhersla á fullvinnslu aflans um borð, fullnýtingu hráefnis, umhverfisvæna hönnun og góðan aðbúnað fyrir áhöfnina. Báturinn verður 60 metra langur og 14 metra breiður. Hann ber 600 tonn af afurðum og mun kosta 175 NOK, eða 3,5 milljarða ISK.