Færslur: 2010 Ágúst

10.08.2010 17:12

Lilja SH 16, að landa á Rifi




   2540. Lilja SH 16, í Rifshöfn í dag © myndir Þorgrímur Ómar Tavsen

10.08.2010 16:00

Olíumengun í Grófinni

Smávægileg olíumengun varð í Grófinni í dag. Tókst strax að afstýra því að hún yrði mikil og síðan hjálpaði smá gola því að mengunin hvarf sjónum manna, en áður náði ég myndum af menguninni og bátnum sem henni olli.








       Mengunin var í kring um 2110. Dísu GK 136 © myndir Emil Páll, 10. ágúst 2010

10.08.2010 14:27

Sönnun fyrir lífi í kring um sokkin skip

Áhugamenn fyrir því að gömlum bátum verði sökkt og gerðar þar með að skjóli fyrir fiskinn blossaði upp að nýju þegar menn urðu varir við það nú á fjörunni hvað mikið af slýi og jafnvel hrúðurkarlar eru komnir á Storm SH, eftir aðeins á sjöttu viku í kafi í Njarðvikurhöfn. Ljóst er því að líf er fljótt að skapast í kring um sokkna báta.
Sést þetta á myndunum sem hér fylgja með, en þar má einnig sjá stokkinn sem búið er að setja á lestarlúguna til að nota við björgun bátsins.










  Þó í dag sé aðeins að hefjast sjötta vikan frá því að báturinn sökk, þá er augjóslega komið mikið líf á hann © myndir Emil Páll, 10. ágúst 2010

10.08.2010 14:05

Polar Pioneer á leið til Longyearbyen

Í morgun sagði ég frá farþegaskipinu Polar Pioneer sem var í Keflavík. Eins og fleiri systurskip þess sem komið hafa á undanfarandi árum til Keflavíkur er hér á ferðinni rússnesk skip og þegar það fór frá Keflavík var stefnan sett á Longyearbyen á Svalbarða. Tók ég smá myndasyrpu af skipinu bæði er það naut aðstoðar frá hafnsögubátnum Auðunni og eins eftir að það sigldi út Stakksfjörðinn.








              Polar Pioneer, í morgun upp úr kl. 10 © myndir Emil Páll, 10. ágúst 2010

10.08.2010 14:01

Desert Melody ?

Þó ég sé ekki viss, tel ég að þetta sé fraktskipið Desert Melody, sem er frá Grikklandi og er 190 metra langt og 32ja metra breitt, hér sést það í morgun á leið út fyrir Garðskaga.


                 Sennilega gríska skipið Desert Melody á leið út fyrir Garðskaga í morgun
                                               © mynd Emil Páll, 10. ágúst 2010

10.08.2010 07:41

Þekkið þið þennan? Vitið þið hvar þetta er tekið?

Vitið þið lesendur góðir, hvaða bátur þetta er, eða einhverjar aðrar upplýsingar um hann s.s. staðsetningu?


   Spurningin er: Hvaða bátur er þetta? Hvar er hann staðsettur? Vitið þið eitthvað meira um hann? © mynd Hilmar Bragason

10.08.2010 07:39

Guðný NS 7


                     2447. Guðný NS 7 © mynd Hilmar Bragason, sumarið 2010

10.08.2010 07:36

Vaka SU 25


                     6890. Vaka SU 25 © mynd Hilmar Bragason, sumarið 2010

10.08.2010 07:32

Þórir SF 77 með fjögurra ára millibili

Hér sjáum við bátinn með fjögurra ára millibili og mikið töluvert öðruvísi. Önnur myndin er tekin um 1982 en hin um 1986 og myndasmiðurinn er Hilmar Bragason


                                                   1236. Þórir SF 77, um 1982


                       1236. Þórir SF 77, um 1986 © myndir Hilmar Bragason

10.08.2010 07:28

Polar Pioneer með stutta viðdvöl í Keflavík

Farþegaskipið Polar Pioneer kom til Keflavíkur um miðnætti er á að fara aftur um kl. 10 nú fyrir hádegi. Hingað kom skipið með farþegar sem fóru af skipinu, en héðan fer skipið til Svalbarða án farþega og tekur þar farþega.


              Polar Pioneer, í Keflavík í morgun © mynd Emil Páll, 10. ágúst 2010

10.08.2010 07:23

Stormur SH enn á botninum

Stormur SH 333 er enn á botninum í Njarðvíkurhöfn og er ekki reiknað með að það verði fyrr en á morgun sem gerð verði tilraun til að ná honum upp. Tíminn fram að því er notaður til að þétta bátinn, koma fyrir annarri lestarlúgu og setja uppi stokk sem notaður er við björgunina, sem er lík þeirri sem notuð var þegar VER RE 112 sökk í Reykjavík á dögunum.


        Frá Njarðvíkurhöfn í morgun kl. 7, Stormur enn á botninum og búnaður Köfunarþjónustunnar á staðnum © mynd Emil Páll, 10. ágúst 2010

10.08.2010 00:00

Maron GK 522 - myndasyrpa

Eins og ég sagði frá sl. laugardag, tók ég skemmtilega myndasyrpu af Maron GK 522 er hann kom inn til Njarðvíkur og lofaði að sýna hana síðar og nú er komið að því. Bátur þessi er einn sá elsti stálbáturinn hér á landi sem enn er í útgerð og er mjög vel við haldinn, eins og sjá má á myndunum og því birti ég þær svona margar.






































           363, Maron GK 522, kemur inn til Njarðvíkur © myndir Emil Páll, 7. ágúst 2010

09.08.2010 23:45

Síðasti veiðidagur á D-Svæði

Á morgun er síðasti veiðidagur á D-svæði og þar með er strandveiðum þessa árs lokið.

09.08.2010 20:44

Samkynhneigðasti báturinn í Reykjavíkurhöfn

Þessa frétt og með þessari fyrirsögn mátti lesa í dag á bb.is:

Sævar Jens Hafberg frá Flateyri á Skúlaskeiði. Mynd: Fréttablaðið.
Sævar Jens Hafberg frá Flateyri á Skúlaskeiði. Mynd: Fréttablaðið.

Önfirðingurinn Sævar Jens Hafberg skipstjóri málaði lundaskoðunarbátinn Skúlaskeið í öllum regnbogans litum í tilefni Hinsegin daga. Skúlaskeið er líklega litríkasti báturinn við Reykjavíkurhöfn um þessar mundir að því er fram kemur í Fréttablaðinu. "Ég hef gaman af því að mála og það lá beinast við að skreyta bátinn aðeins fyrir helgina. Þetta tók enga stund og báturinn hefur vakið nokkra athygli meðal manna," segir Sævar Jens í samtali við Fréttablaðið. Skúlaskeið er einn elsti farþegabátur landsins og siglir með ferðamenn út í Akurey og Lundey þar sem hægt er að skoða fjölmenna lundabyggð. Áður var báturinn notaður til að ferja fólk til og frá Viðey og dregur hann nafn sitt af Skúla fógeta í Viðey.

Sævar segist hafa fengið góð viðbrögð frá þeim ferðamönnum sem hafa siglt með honum en segir hina sjómennina við höfnina ekki jafn hrifna af uppátækinu. "Þeir hafa gert svolítið grín að mér, en ég svara þeim bara á móti og segi þá augljóslega ekki nógu örugga með sjálfa sig og þá hætta þeir," segir Sævar hlæjandi og viðurkennir að Skúlaskeið sé samkynhneigðasti báturinn við bryggjuna þessa dagana.

09.08.2010 20:26

Óveður á Hofsósi og nágrenni

Hér kemur syrpa af óveðri á Hofsósi og nágrenni fyrir einhverjum árum eða áratugum.








                    © myndir úr safni Þorgríms Ómars Tavsen