Færslur: 2011 Október

05.10.2011 23:00

Baldur áfram á Breiðafirði

mbl.is:
Landeyjahöfn stækka Landeyjarhöfn mbl.is/Rax

Páll Kr. Pálsson stjórnarformaður Sæferða í Stykkishólmi segir ekki forsendur fyrir að nýta Breiðafjarðarferjuna Baldur í siglingar milli Vestmannaeyja og Landeyjahafnar í vetur nema fengið verði annað skip sem geti fullnægt siglingaleiðinni yfir Breiðafjörð.

"Við erum reiðubúin til að setjast við borðið og ræða þessi mál. Siglingaleiðin yfir Breiðafjörð er hins vegar lífæðin í okkar starfsemi og því verður ekki breytt. Annars er þessi hugmynd mjög spennandi, ef það er hægt að finna leið sem þjónar hagsmunum allra, þ.e. einstaklingum og fyrirtækjum í Vestmannaeyjum og á sunnanverðum Vestfjörðum, Vegagerðinni og Sæferðum," sagði Páll í samtali við Skessuhorn.

Óvissa ríkir enn um samgöngur við Eyjar í vetur, ljóst er að Herjólfur, sem verið hefur í slipp í Danmörku, mun nota Þorlákshöfn í vetur og samningur við Breiðafjarðarferjuna Baldur runninn út. Elliði Vignisson, bæjarstjóri í Vestmannaeyjum, vill, að því er fram kom á mbl.is í gær, að Baldur verði notaður í vetur.

En mörgum Eyjamönnum finnst það léleg lausn, Baldur geti að vísu notað Landeyjahöfn en sé einfaldlega of lítill. Nýja höfnin skiptir sköpum fyrir Vestmannaeyjar, ferðir þangað af meginlandinu voru þrisvar sinnum fleiri fyrstu átta mánuði ársins en á sama tímabili í hittifyrra. Hagsmunaaðilar í ferðaþjónustu í Eyjum segja rekstrargrundvöll þeirra standa og falla með Landeyjahöfn. Þeir hafa boðað samstöðufund á Básaskersbryggju klukkan 15 á morgun til að mótmæla "neyðarástandi þjóðvegarins Ísland-Vestmannaeyjar".

05.10.2011 22:53

Stálu björgunarbúnaði af bryggjunni

grindavik.is:

Stálu björgunarbúnaði af bryggjunni Mynd: Björgvin Sigurjónsson með Björgvinsbelti í höndunum, svipað og því sem stolið var. (Eyjafrettir.is)
 

Svokölluðu Björgvinsbelti sem er björgunarbúnaður og notaður til að bjarga mönnum úr sjó, var stolið af bryggjunni á Suðurgarði milli kl. 19:30 og 20:30 síðastliðið laugardagskvöld. Á öryggismyndavélum sést að þarna voru unglingar á ferð og er þeirra nú leitað. Málið er litið grafalvarlegum augum enda geta skapast þær aðstæður að björgunarbúnaður af þessu tagi skipti sköpum við björgun þegar einhver fellur í höfnina. Þeir sem tóku björgunarbúnaðinn eru hvattir til þess að skila honum aftur á sinn stað.

Fleiri spellvirki voru unnin á bryggjunum því unglingarnir skildu eftir sig veggjakrot. Þeir sem kunna að hafa orðið varir við mannaferðir á fyrrnefndum tíma eru beðnir að hafa samband við hafnarstjóra eða lögreglu.

05.10.2011 22:00

Hvaða bátur er hér að brenna? Hvenær? og hvar? - Allt um það á miðnætti


     Hvaða bátur er hér að brenna, hvenær og hvar? Allt um það hér á síðunni á miðnætti

05.10.2011 21:00

Skipasmíðastöð Njarðvíkur


    Skipasmíðastöð Njarðvikur, fyrir einhverjum árum © mynd úr auglýsingabæklingi fyrirtækisins

05.10.2011 20:00

Rúna RE 150 / Fleygur KE 113 / Kristín Jónsdóttir ÍS 196

Þótt ótrúlegt sé, þá finn ég mjög fáar myndir af þessum báti, en tel þó að ég eigi að eiga þær fleiri. Því birti ég aðeins myndir af honum með þremur nöfnum af þeim sex sem hann hefur borið.


                        781. Rúna RE 150 © mynd Snorrason


                         781. Fleygur KE 113 © mynd Snorrason  


     781. Kristín Jónsdóttir ÍS 196 © mynd í eigu Emils Páls, ljósm. ókunnur 

Smíðaður hjá Skipasmíðastöð Nóa Kristjánssonar, á Akureyri, 1961. Úreldur sumarið 1992 og fargað 11. sept. 1992.

Nöfn: Sólrún EA 151, Rúna EA 251, Rúna RE 150, Reynir AK 18 og aftur Rúna RE 150, Fleygur KE 113 og Kristín Jónsdóttir ÍS 196          

05.10.2011 19:00

Stefnir ÍS 28


                      1451. Stefnir ÍS 28 © mynd úr Fiskifréttum, ljósm.: ókunnur

05.10.2011 18:23

Júpiter og Börkur mætast


   Hér mætast 130. Júpiter og 1020. Börkur NK 122, árið 1968 © mynd úr Fiskifréttum, ljósm. ókunnur en úr safni Kristins Benediktssonar

05.10.2011 16:15

Gullvagninn

Þessi skemmtilega auglýsing mun eiga eftir að sjást hér í annarri mynd á síðunni, en nánar um það síðar. Hér er verið að auglýsa ,,Gullvagninn" sem gárungarnir kalla þann stórkostlega vagn sem Skipasmíðastöð Njarðvíkur, hefur upp á að bjóða, því nafni.



05.10.2011 16:00

Benni Sæm eða Siggi Bjarna

Hvort þetta sé sami báturinn og í gær veit ég ekki, en AIS er að klikka, því þegar ég var búinn að taka myndirnar fór ég að kanna hvaða bátur þetta væri, og þá sást enginn á þeim stað sem þessi var og Benni Sæm var  ASA af Garðskaga. Hinsvegar sást Siggi Bjarna hvergi.




         2430. Benni Sæm GK 26 eða 2454. Siggi Bjarna GK 5, í Garðsjó í dag © myndir Emil Páll, 5. okt. 2011

05.10.2011 15:20

Sami eigandinn af þeim öllum

Þessa mynd birti ég í gær en hún var tekin í Bláfelli á Ásbrú og nú hefur komið í ljós að það er sami aðilinn sem er að láta framleiða þá alla fyrir sig. Verða þeir gerðir út frá Ísafirði og hafa smíðanúmerin 8., 9. og 10 hjá Bláfelli.


         Bátarnir þrír sem allir eru framleiddir hjá Bláfelli á Ásbrú, fyrir sama aðilann © mynd Emil Páll, 4. okt. 2011

05.10.2011 14:43

Sandgerði í dag


                               Framan við Samkomuhúsið í Sandgerði í dag

Það var ansi sérkennilegt að aka um Sandgerði nú upp úr kl. 14 í dag eða meðan útför litla drengsins sem tók sitt líf á dögunum fór fram. Mörg fyrirtæki höfðu lokað, ekki einn einasti sást gangandi um bæjarfélagið og örfáir bílar voru á ferðinni. Til stóð að útvarpa frá útförinni og ef þörf yrði myndi fólki gefast kostur á að hlýða á útförina í Grunnskólanum, auk Safnaðarheimilisins, þar sem útförin fór fram. Það eina sem kom mér á óvart var hversu fáir í raun flögguðu í hálfa stöng, miðað við það hversu Sandgerðingar höfðu hópast saman í sorginni átti ég von á að flaggað yrði víðar.


        Við Safnaðarheimilið í Sandgerði - ekki má þó álíta að þetta hafi verið einu staðirnir sem flaggað var á því það fer víðs fjarri © myndir Emil Páll, 5. okt. 2011

05.10.2011 12:42

Axel, í Sandgerði

Þó ótrúlegt sé þá eru ákveðin skip rauð að lit og þá á ég bæði við um fiskiskip sem og flutningaskip sem ég er þegar búinn að taka svo margar myndir að ég get þakið heilan vegg með þeim. Engu að síður er ég alltaf að smella nýjum myndum, sérstaklega ef ég sé annað sjónarhorn og hér er því eitt þeirra frá öðru sjónarhorni en oftast áður.




                      Axel, í Sandgerði í morgun © myndir Emil Páll, 5. okt. 2011

05.10.2011 10:00

Röstin GK 120


      923. Röstin GK 120, í slipp hjá Skipasmíðastöð Njarðvikur, í morgun © mynd Emil Páll, 5. okt. 2011

05.10.2011 09:00

Svala Dís KE 29


                          1666. Svala Dís KE 29 © mynd Emil Páll, 25. jan. 2011

05.10.2011 08:36

Sunna Líf KE 7


                            1523. Sunna Líf KE 7 © mynd Emil Páll, 2008