Færslur: 2011 Október

11.10.2011 21:00

Tveir íslensk/kanadískir togarar í Hafnarfirði

Nýverið birti ég myndir af togara sem þá var uppi í slipp í Reykjavík og var verið að mála hann Vísislitnum, enda í eigu dótturfyrirtækis Vísis hf. í Grindavík, sem staðsett er í Kanada. Á sama tíma og enn eru tveir aðrir hérlendis, sem eins er ástatt fyrir. Þeir hafa verið báðir í kvíunum í Hafnarfirði og voru það í dag, en þeir eru þó báðir komnir fyrir einhverjum árum í græna Vísislitinn. Nú fjalla ég um þessa tvo, birti mynd af þeim í kvíunum í Hafnarfirði í morgun og síðan aðrar myndir af þeim, sem eru aðeins eldri. Þessir togarar heita Atlantic Viking og Katsheshvk II


                              Atlantic Viking í minni kvínni í Hafnarfirði í morgun


         Katsheshvk II, í stærri kvínni, í Hafnarfirði í morgun © myndir Emil Páll, 11.10.11


                          Atlantic Viking © mynd MarineTraffic, Wes Pretty


           Katsheshvk II, í Hafnarfirði © mynd Shipspotting, Hilmar Snorrason í okt. 2005


                Katsheshvk II © mynd Shipspotting, Nikulaj Petterson, 22. mars 2009

11.10.2011 20:00

Korri á skrá sem Ingibjörg

Þó MarineTraffic, eigi að fara með réttar staðreyndir er svo ekki alltaf, a.m.k. ekki í dæminu sem ég birti nú.  Þegar plastbáturinn sem fékk við skráningu nafnið 2818. Korri KÓ 8, var í smíðum gekk hann undir vinnuheitinu Ingibjörg. Það nafn festist svo við hann að þegar staðsetningakerfið var sett í bátinn kom aðeins nafnið Ingibjörg, en ekki Korri. Fyrst fattaði ég ekki hvernig stóð á að Ingibjörg væri upp í Ásbrú, en þá var verið að prufa tækið í Korra. Síðan þegar báturinn var sjósettur í Grófinni var það Ingibjörg en ekki Korri og eins er siglt var yfir til Kópavogs þar sem báturinn er nú. Nú hefur verið birt mynd af bátnum á MarineTraffic og er hún af 2818. Korra KÓ 8, en í upplýsingum um bátinn stendur 2818. Ingibjörg. Hér birti ég þá mynd sem birtist á Marine Traffic og er frá sjósetningu Korra í Grófinni, Keflavík 10. sept. 2011


      2818. Korri KÓ 8, sjósett í Grófinni, 10. sept. 2011, en hvergi er minnst á Korra nafnið  varðandi bátinn, heldur aðeins 2818. Ingibjörg, hjá þeim á MarineTraffic. eins og sést hér fyrir neðan.

INGIBJORG


Upplýsingar um skip

Skipsgerð: Fishing
Lengd x Breidd: 10 m X 2 m
Skráður hraði (Mesti / Meðal): 22.1 / 12.2 knots
Fáni: Iceland [IS] 
Kallmerki: 2818
IMO: 0, MMSI: 251839470

Á þessu sést að 2818. sé Ingibjörg, en ekki Korri KÓ 8, eins og það er í raun. Skipið hefur aldrei borið annað nafn, en Korri, enda rétt mánuður síðan báturinn var sjósettur í fyrsta sinn.

11.10.2011 19:00

Pæja


     Pæja, litla rauða skútan eða kjölbáturinn, í Smábátahöfninni í Hafnarfirði í morgun © mynd Emil Páll, 11.10.11

11.10.2011 18:00

Þór HF 4


                  2549. Þór HF 4, í Hafnarfirði í morgun © mynd Emil Páll, 11.10.11

11.10.2011 17:15

Kristján HF 100


               2820. Kristján HF 100, í Hafnarfirði í morgun © mynd Emil Páll, 11.10.11

11.10.2011 16:00

Guðrún BA 127


                2085. Guðrún BA 127, í Hafnarfirði í morgun © mynd Emil Páll, 11.10.11

11.10.2011 15:10

Federal Venture

Þetta 178 metra langa skip og 30 metra breitt með heimahöfn í Hongkong, lá við akkeri út af Straumsvík í morgun.

        Federal Venture við akkeri út af Straumsvík í morgun © mynd Emil Páll, 11.10.11

11.10.2011 14:16

Bóti HF 84


                 2579. Bóti HF 84, í Hafnarfirði í morgun © mynd Emil Páll, 11.10.11

11.10.2011 11:00

Jón Gunnlaugs ÁR orðinn dökkblár

Að undanförnu hefur verið unnið að því að mála bátinn og nú í dökkbláum lit. Enn heldur hann ÁR nr. þó svo að útgerðinn sé í Hafnarfirði.


      1204. Jón Gunnlaugs ÁR 444, við bryggju í Hafnarfirði í morgun © mynd Emil Páll, 11.10.11

11.10.2011 10:31

Seigur




           2219. Seigur, í Skipasmíðastöð Njarðvikur © myndir Emil Páll, 10. okt. 2011

11.10.2011 08:00

Bára SU 526

Hér koma tvær myndir frá Óðni Magnasyni, en þær eru teknar af föður hans Magna Þórlinssyni. Við nánari skoðun sýnist mér þær báðar vera af sama bátnum og birti ég því sögu hans í örstuttu málin fyrir neðan myndirnar.



           
                               318. Bára SU 526 © myndir Magni Þórlindsson

Smíðaður á Fáskrúðsfirði 1935. Talinn ónýtur og tekinn af skrá 10. júní 1967,

Nöfn: Bára SU 526 og Bára VE 85

11.10.2011 05:30

Mikil olía lekið úr gámaflutningaskipi

mbl.is:

Gámaflutningaskipið er 47.000 tonn að stærð og siglir undir fána Líberíu. stækka Gámaflutningaskipið er 47.000 tonn að stærð og siglir undir fána Líberíu. Reuters

Yfirvöld á Nýja-Sjálandi segja að mikil olía hafi lekið úr gámaflutningaskipi sem strandaði á rifi skammt frá landinu í miklu óveðri sl. miðvikudag.

Siglingastofnun Nýja-Sjálands segir að á bilinu 130 til 350 tonn af olíu hafi lekið úr gámaflutningaskipinu Rena sem hafi orðið fyrir miklum skemmdum í nótt að staðartíma.

Skipstjórnendur hafa sent frá sér neyðarkall og er unnið að því að koma björgunarmönnum til aðstoðar sem hafa unnið í skipinu, en mikill öldugangur er á svæðinu og hefur það gert mönnum erfitt fyrir. Talsmaður nýsjálensku siglingastofnunarinnar segir að neyðarkallið hafi verið sent í varúðarskyni til að tryggja það að nálæg skip komi til að aðstoða við að sækja fólkið.

Um fimm metra háar öldur skullu á skipið í nótt sem færðist úr stað. Talsmaðurinn segir hins vegar að skipið virðist vera nokkuð stöðugt á rifinu. Hann bendir á að aðstæður séu sífellt að breytast og að veðrið hafi verið vont. Menn vilji hins vegar tryggja það að koma mönnum örugglega frá borði.

11.10.2011 00:00

Svanur ÞH 100 / Svanur RE 475 / Árný GK 98 / Gísli Gunnarsson II SH 85 / Snorri / Lundi RE 20

Þeir eru ekki margir trébátarnir sem eru af árgerðinni 1964 og eru enn til. Að vísu vitum við um trébát frá árinu 1930 sem enn er til, en það er líka algjör undantekning.


                    950. Svanur ÞH 100 © mynd Snorrason


                           950. Svanur RE 475 © mynd Snorrason


                           950. Árný GK 98, í Sandgerði © mynd Emil Páll, 1984


                  950. Gísli Gunnarsson II SH 85 © mynd Snorrason


                          950. Snorri, á Dalvík © mynd Hilmar Snorrason, 1. júní 2005


                   950. Snorri, á Húsavík © mynd Markús Karl Valsson, í júní 2009


         950. Lundi RE 20, í Reykjavík © mynd Markús Karl Valsson, 1. sept. 2009


     950. Lundi RE 20 (sá til vinstri, en snýr stefninu að okkur), í Reykjavíkurhöfn © mynd Emil Páll, 2. júní 2011


       950. Lundi RE 20 í Reykjavík © mynd Faxagengið, faxire9.123.is, 13. júní 2011


                   950. Lundi RE 20, í Reykjavík © mynd Emil Páll, 11. ágúst 2011

Smíðaður hjá Skipasmíðastöð KEA, Akureyri 1964, sem fiskiskip. Átti að úreldast 1997, en hætt var við það. Breytt í farþegaskip árið 2000.

Nöfn: Farsæll II EA 130, Svanur ÞH 100, Svanur RE 175, Svanur ST 6, Svanur RE 475, Svanur GK 98, Katrín GK 98, Árný GK 98, aftur Katrín GK 98 og aftur Árný GK 98 og í 3.sinn Katrín GK 98, Gísli Gunnarsson II SH 85, Gísli Gunnarsson II SH 585, Ásgeir SH 150, Ásgeir og aftur Ásgeir SH 150, Fríða RE 11, Fríða RE 10, Snorri EA 317, Snorri og núverandi nafn: Lundi RE 20

10.10.2011 23:30

Freyr SU 26 eða Papey SU 26

Um þennan bát veit ég ekkert, þar sem ég finn hann ekki í sjómannaalmanaki frá árunum fyrir 1950, en sýnist þó að þetta sé einn af þeim bátum sem smíðaðir voru á Fáskrúðsfirði á þessum árum. Einn þeirra bátur var t.d. Skrúður sem fórst síðan héðan að sunnan sem Andri KE 5. Þarf að skoða þennan betur.

Ábendingar hafa komið um að hann hafi í raun aldrei heitið Freyr þó það standi á honum, heldur Papey SU 26, sm. á Seyðisfirði 1947, fékk síðar nöfnin Vörður Re og Geysir BA. Rak upp í Kóp og ónýttist.


      Freyr SU 26 eða Papey SU 26 © mynd Magni Þórlindsson, einhvern tímann í kring um miðja síðustu öld

10.10.2011 22:40

Aldrei koma þeir aftur - eða nú er öldin önnur

Þessi skemmtilega mynd frá Húsavík sem Þorgrímur Aðalgeirsson, er út í gegn skemmtileg.


        Þetta er skemmtileg mynd frá Húsavík og eru flestir þessara báta horfnir með öllu, nema kannski einn en það er sá sem sést best 1012. Örn KE 13, sem enn er með íslenska skráningu í Morokka eða einhversstaðar þar niðurfrá © mynd Þorgrímur Aðalgeirsson