Færslur: 2011 Október

08.10.2011 23:05

Endalaus skipatraffík á Neskaupstað

Bjarni Guðmundsson, Neskaupstað:  Enn eru það myndir úr höfninni, en Reina var flutt frá bæjarbryggjunni í innri höfnina í gærkvöldi og skipað út í hana í dag. Vilhelm Þorsteinsson EA landaði í dag og seinnipartinn kom svo Frystiskipið Lapponian Reefer 141 metra langt og lagðist fyrir ankeri út á firði og bíður eftir bryggjuplássi. Seinna í kvöld kemur svo 144 metra olíuskip Bro Anton og á morgun kemur Havva Ana 124 metra olíuskip sem bæði losa hér olíu. Þetta er endalaus skipatraffík hér kv Bjarni G.
 

                                          2410. Vilhelm Þorsteinsson EA 11


                                                                 Reina




                  Lapponian Reefer © myndir Bjarni G., Neskaupstað 8. okt. 2011

08.10.2011 23:00

Dúx KE 38


                Dúx KE 38, líkan eftir Grím Karlsson © mynd Emil Páll, 7. okt. 2011

08.10.2011 22:00

Oddur V. Gíslason

Hér sjáum við björgunarbátinn nýkominn til landsins, en hann kom fyrst til Njarðvíkur þar sem hann var strax tekinn upp í slipp og gerður klár, áður en formleg vígsla fór fram á honum í Grindavík.


      2743. Oddur V. Gíslason, í slipp hjá Skipasmíðastöð Njarðvíkur í nóv. 2007 © mynd úr auglýsingabæklingi Skipasmíðastöðvarinnar

08.10.2011 21:12

Hilmir KE 7


               566. Hilmir KE 7, líkan eftir Grím Karlsson © mynd Emil Páll, 7. okt. 2011

08.10.2011 20:00

Tómas Þorvaldsson GK 10


    1006. Tómas Þorvaldsson GK 10 © úr auglýsingabæklingi frá Skipasmíðastöð Njarðvíkur

08.10.2011 19:00

Onego Arkhangelsk


      Þegar aðeins betra skyggni kom smellti ég aftur mynd af skipinu og hér sjáum við því Onego Arkhangelsk, á Stakksfirði í dag, með húsin í Vogum í baksýn © mynd Emil Páll, 8. okt. 2011

08.10.2011 18:00

Fjarðarklettur GK 210

©©
         55. Fjarðarklettur GK 210, líkan eftir Grím Karlsson © mynd Emil Páll, 7. okt. 2011

08.10.2011 14:45

QAQQATSIAQ GR 4-404

Þar sem skyggni er fremur slæmt, greip ég frekar til þessara tveggja mynda af MarineTraffic, en togarinn siglir fyrir Garðskaga eftir örfáar mínútur.


                 Qaqqatsiaq frá Grænlandi © mynd MarineTraffic, Nikolaj Petersen


                             Qaqqatisiaq GR - 4 -403 © mynd MarineTraffic

08.10.2011 13:25

Onego Arkhangelsk í vari á Stakksfirði

Þetta hollenska skip sem var í flutningum fyrir Grundartanga, leitaði í nótt vars inn á Stakksfirði


               Onego Arkhangelsk © mynd MarineTraffic, Damen Bergum, 6. júlí 2011


        Onego Arkhangelsk, í vari á Stakksfirði í morgun © mynd Emil Páll, 8. okt. 2011

08.10.2011 13:00

Grænlenskir ferðamenn nutu aðstoðar Snæfellinga

skessuhorn.is, 7. okt. sl.


     Bátur grænlendingana sjósettur að nýju á Snæfellsnesi © mynd Skessuhorn. þa

Það er margt sem getur komið upp á í upplýsingamiðstöðvum ferðamanna og sjálfsagt afar misjafnt hvernig unnt er að greiða úr ólíkum vandamálum. Hér á eftir er lítil hrakfallasaga grænslenskra ferðalanga sem fengu farsæla úrlausn sinna mála með aðstoð velviljaðra starfsmanna Átthagastofunnar í Ólafsvík og fleiri Snæfellinga. Starfsfólk Átthagastofunnar leggur  sig í líma við þjónustuna eins og nýleg hrakfallasaga grænlenskra hjóna og vinar þeirra á báti sannar. Saga ferðalanganna hófst á því að þeir höfðu flogið frá Grænlandi til Danmerkur og keypt þar bát. Ætluðu að sigla honum frá Danmörku til Noregs, suður fyrir Ísland og svo áfram til Grænlands. Þegar siglt var vestur fyrir landið bilaði hins vegar önnur túrbínan í bátnum og var ákveðið að sigla inn til Ólafsvíkur.

Þegar þangað var komið héldu hjónin í Átthagastofuna og hittu þar Kristínu Björgu og Barböru að máli. Reyndu þau að gera sig skiljanleg sem var erfitt því þau töluðu grænlensku og dönsku í bland en gátu þó gert sig skiljanlega um að túrbínan væri biluð í bátnum og spurðu hvort að hægt væri að kaupa nýja. Ekki var það unnt, en ákveðið að fara út í Rif í Vélsmiðju Árna Jóns. Eftir nokkra leit fannst notuð túrbína í Danmörku og eftir nokkurra daga bið fékk Átthagastofan sendingu frá Danmörku og var þar túrbínan komin. Var henni komið í vélsmiðjuna þar sem hún var sett í.

Fóru þá Grænlendingarnir siglandi áleiðis heim. Þá vildi ekki betur til en svo að þegar ferðalangarnir voru úti af Rifi fengu þeir í skrúfuna, slitu vélarfestingu og tengi og fór báturinn að leka. Gátu bátsverjar bjargað sér inn til Rifs þar sem báturinn var tekinn á land og fyrirséð að það tæki nokkra daga að gera við.

 Þegar þarna er komið við sögu þurfti konan í hópnum að komast heim til Grænlands í vinnu. Starfsmenn Átthagastofunnar voru ekki hættir að aðstoða fólkið og aðstoðuðu við að bóka hótel, flug og koma konunni á rútuna áleiðis suður. Kvaddi konan þær Kristínu og Barböru með tárin í augunum af þakklæti og taldi að fyrst þau hefðu orðið fyrir þessum bilunum og töfum hefði það ekki getað gerst á betri stað því svo vel hefði verið tekið á móti þeim og allir boðnir og búnir að aðstoða. Hvað bátinn varðar var hann sjósettur í gær og ferðinni haldið áfram til Grænlands. Ekki hefur heyrst annað en heimferðin gangi loks að óskum.

 





08.10.2011 10:00

Hafsúlan lét ófriðlega í Keflavíkurhöfn

vf.is:



Björgunarsveit var kölluð út í morgun til að aðstoða við að treysta landfestar á hvalaskoðunarskipinu Hafsúlu. Skipið var að losna frá bryggju í Keflavíkurhöfn en skipið lét mjög ófriðlega í höfninni í því veðri sem nú gengur yfir.

Fjölmennt lið björgunarmanna mætti á svæðið og tókst strax að koma böndum á skipið. Meðfylgjandi myndir tók Hilmar Bragi á vettvangi í morgun.





08.10.2011 09:45

Nýjar myndir af Heimaey VE 1 í Chile

Nýjar myndir af Heimaey VE 1 sem er í smíðum í Chile fyrir Ísfélagið í Vestmannaeyjaum, sem Heiðar Kristinsson frá Ísafirði tók og sendi ég honum kærar þakkir fyrir. Síðar í dag koma myndir af Þór sem hann tók og eru öðru vísi en þær sem áður hafa sést.


   Þetta er glæsilegt skip sem vonandi kemur sem fyrst til Vestmannaeyja


                     Skorsteinsmerkið er komið á skipið


           Skipið er stórt eins og sést á þessum myndum




     Heimaey VE 1, í skipasmíðastöðinni í Chile © myndir Heiðar Kristinsson

07.10.2011 23:15

Erling KE 140 - í Njarðvikurslipp og á Stakksfirði

Hér kemur mikil myndasyrpa sem tekin var af bátnum, föstudaginn 7. október 2011, bæði við sjósetningu í Njarðvikurslipp og eins við prófanir á Stakksfirði.






























                                 233. Erling KE 140 © myndir Emil Páll, 7. okt. 2011

07.10.2011 23:00

Makríllinn skilaði innspýtingu í samfélagið

bb.is:

Júlíus Geirmundsson veiddi meginþorra aflans.
Júlíus Geirmundsson veiddi meginþorra aflans.


Makríl- og síldveiðar skipa Hraðfrystihússins Gunnvarar í sumar skiluðu 175 milljóna króna innspýtingu í samfélagið í formi launa og tengdra gjalda. Sveitarfélögin fengu sína sneið af kökunni í gegnum skatttekjur og gjöld, að því er segir á vefsíðu fyrirtækisins. Heildar makríl- og síldveiði skipanna þriggja nam 2.273 lestum og má áætla að verðmæti aflans hafi verið meira en 400 milljónir króna. Júlíus Geirmundsson veiddi meginþorra þessa afla og án þessara veiða hefði orðið að stöðva útgerð skipsins í fyrsta skipti vegna skorts á aflaheimildum. Júlíus er nú í "andlitslyftingu" í slipp eftir góða törn.

Nánast allur afli Páls Pálssonar og Stefnis fór til vinnslu í fiskverkun HG í Ísfélagshúsinu. Þessi vinnsla skapaði starfsfólki svo og skólafólki umtalsverða vinnu, en vel á fimmta hundrað tonn af makríl og síld voru unnin á vöktum í húsinu.

07.10.2011 22:00

Kvöldmynd af Hafsúlunni

Þessa mynd tók ég um kl. 20.30 í kvöld af skipinu er það var við bryggju í Keflavíkurhöfn


         2511. Hafsúlan, í Keflavíkurhöfn um kl. 20.30 í kvöld © mynd Emil Páll, 7. okt. 2011