Þessa mynd tók ég í dag í Skipamíðastöð Njarðvikur, en þar hefur þessi til hægri legið síðan 2003 og er nú í eigu aðila erlendis. Hinn er í sleðanum á leið út slippnum og er enn í útgerð hérlendis.


    Hér eru tveir fyrrum Vísisbátar, sem enn eru báðir í Vísislitunum. Þetta eru 971. Guðrún Guðleifsdóttir ÍS 25 og fyrrum 1125. Gerður ÞH 110 © mynd Emil Páll, 10. okt. 2011

Dæla úr sökkvandi báti í Njarðvíkurhöfn

Slökkviliðsmenn frá Brunavörnum Suðurnesja eru þessa stundina að dæla sjó úr sökkvandi báti í Njarðvíkurhöfn. Tilkynnt var um að Álftafell, sem er 30 tonna fiskibátur, væri að sökkva í höfninni. Sem betur fer var að fjara út og sat báturinn orðið í botni þegar að var komið. Mikill sjór var í bátnum, sem er vélarvana og beið þess að komast í slipp í Njarðvík. VFmynd/hilmarbragi

mbl.is:

Erfiðlega hefur gengið fyrir Herjólf að sigla til Landeyjahafnar. mbl.is/RAX

Landeyjahöfn er á röngum stað og hafnargarðar hennar eru rangt hannaðir. Þetta er mat Halldórs B. Nellett, framkvæmdastjóra aðgerðasviðs Landhelgisgæslunnar og skipherra til margra ára.

Halldór sendi Siglingastofnun og fleiri hagsmunaaðilum ítarlega greinargerð fyrir tæpu ári, með ýmsum ábendingum og athugasemdum um Landeyjahöfn. Hann hefur ekki fengið nein viðbrögð frá Siglingastofnun við greinargerð sinni.

Í umfjöllun um þetta mál í Morgunblaðinu í dag telur Halldór meðal annars, að höfnin hafi átt að vera 2-3 km vestar í Bakkafjöru. Þar sé minni sandburður og meira skjól fyrir austan- og austsuðaustanáttum, svo innsiglingin yrði hættuminni. Hafnargarðarnir séu of stuttir og misráðið hafi verið að hafa hafnarmynnið opið beint til suðurs.

Að morgni laugardagsins 8. október 2011, slitnaði Hafsúlan nánast alveg frá bryggju í Keflavík í óveðrinu sem gekk þá yfir. Ef ég hef skilið þetta rétt þá slitnaði skipið alveg að aftan, sem stefnið snéri inn í höfnina og hékk í einum spotta að framan, þegar björgun barst og var því orðinn þversum í höfninni og meira en það því farþegaskipið slóst utan í Happasæl og urðu þó nokkrar skemmdir á Hafsúlunni. Sjást hluta þeirra á myndunum sem nú fylgja, en gert var við skipið til bráðabirgða í Keflavíkurhöfn strax er veðrið gekk niður og sjást myndir sem ég tók bæði áður en bráðabirgðaviðgerðin hófst, svo og á meðan á henni stóð. En í dag mánudag á að ég held að taka skipið upp í slipp í Njarðvik til fullnaðarviðgerðar.


                   2511. Hafsúlan, í Keflavíkurhöfn. Engar skemmdir urðu á þessari hlið


        Hér sést skemmd á síðunni og á einni af rúðunum. Varðandi skemmdirnar þá er er skrokkurinn eins og menn vita úr plasti og því fór hann mjög illa, eins og sést á næstu myndum




                                             Brotin rúða o.fl. skemmdir


                             Ýmsar smærri skemmdir sáust víða á Hafsúlunni


            Um leið og hækkaði í, hófst bráðabirgðaviðgerð, Hér er búið að setja fyrir brotna gluggann

                   



         Hér er búið að setja plötur yfir stærstu skemmdirnar og verið að festa eina þeirra


         2511. Hafsúlan, í Keflavíkurhöfn © myndir Emil Páll, laugardaginn 8. okt. 2011

Sunnudagur 9. október 2011

Þessar myndir voru teknar aðfaranótt föstudagsins þegar varðskipið Þór fór um Panamaskurð.