Fyrir um hálfum mánuði er ég opnaði aftur fyrir kommentin, lét ég þess getið að ef menn færu ekki eftir þeim reglum sem ég er með um kommentin, yrði lokað fyrir þau aftur og trúlega þá endanlega.

Meðal þess sem ég krafðist var að menn notuð ekki skammstafanir í stað nafns og eins að menn virtu það að ég set reglurnar um síðuna, enda síða mín og ég ákveð hvað þar er skrifað og um hvað, en ekki aðrir.

Engu að síður hafa fjórir aðilar brotið þessar reglur á þessum rúmu tveimur vikum. Þ.e. tveir hafa notað skammstafanir, þ.e.  H F Ó  og HR, en hvorugt er nafn sem ég veit hvað er. Þá hefur einhver Þorsteinn Gunnarsson fundið hjá sér þörf á að setja ofan í mig, með þær reglur sem ég hef á síðunni og var hann því eitraður út.

Einn er þó meira sekur en aðrir, en sá hefur raunar fylgt mér síðan ég var á síðu Þorgeirs og birti oftast komment með einhverjum tálknum, en eftir að ég sagðist myndi eitra hann framvegis út ef hann héldi því áfram fór hann að kalla sig Steina. Hvort það er rétt nafn eða ekki veit ég ekkert um en hann er með IP töluna 88.149.89.65 og hefur verið iðinn við að skjóta skotum á mig, sumum ansi leiðilegum og ég hef því ítrekað eitrað hann út, en alltaf kemur hann aftur. Sem dæmi um ákveðni við að koma sínum skotum að, þá hefur hann komið inn aftur, núna í kvöld eftir að hafa verið eitraður út og því fer þetta svona. Það er því með öllu óvíst hvort aftur verður opnað fyrir komment hér á síðunnu, enda eru komment frá innan við 1% þeirra sem koma inn sem gestir síðunnar daglega.