1876. Kópur ÞH 90 © mynd Emil Páll, 1992

                         1814. Gunna Sæm KE 55 © mynd Emil Páll, 1987

Áður fyrr voru nokkrar bryggjur í sjálfri Keflavíkinni, voru þær notaðar til að landa við, en síðan fóru bátarnir út á legu. Í dag eru þessar bryggjur allar hornar, en þó má sjá Miðbryggjuna sem svo var kölluð þar sem hluti af henni kemur út úr uppfyllingunni sem nú er. Tók ég í dag mynd af því sem þar má sjá.


        Gamla Miðbryggjan. í Keflavík, eða hluti hennar eins og hún er í dag © mynd Emil Páll, 26. ágúst 2010 

Samkvæmd skildi þeim sem festur er á stein þennan, er hér á ferðinni akkeri úr Brúarfossi, sem Eimskipafélag Íslands lét smíða í Danmörku 1927 og var seldur til Chile 1957. En hvers vegna það var tekið úr skipinu veit ég ekki, eða hvort skipið hafi einhvern tímann misst það.

Í dag og undanfarin ár hefur þetta staðið við Grófina í Keflavík.


                                        © myndir Emil Páll, 26. ágúst 2010

Nafnið Haukdal er að vísu grínnafn á bátnum og málað af vinum þess sem átti hann í Keflavík þar til nýverið að hann var seldur til Patreksfjarðar, þar sem eldisstöð hefur keypt hann..
Bátur þessi var ásamt nokkrum öðrum smíðaðir úr plaströrum hjá Ofnasmiðju Suðurnesja m.a. til nota við laxeldi hér syðra. Þessi sem er sá eini sem eftir er, var mun burðugri, en hinir og m.a. með kjöl, þá getur hann flutt kör sem er auðvitað nauðsynlegt fyrir þjónustubát við eldi.

Svona til að gera mér smá greiða fór seljandinn úr Keflavík í smá ferð fyrir mig út á Keflavíkina, svo ég gæti tekið af honum myndir á ferð og hér kemur myndasyrpa bæði úr Grófinni og eins af honum á siglingu á Keflavíkinni í dag.








                                       © myndir Emil Páll, 26. ágúst 2010

    Hér má sjá 5935. Selur þar sem hann er út af Vatnsleysuströnd nú síðdegis, en myndir er tekin frá Vatnsnesi í Keflavík © mynd Emil Páll, 26. ágúst 2010

Þessar tvær myndir tók ég ég dag frá Keflavík, þ.e. aðra frá Vatnsnesi af Glófaxa, en hina úr Grófinni af þessum hvíta, hver svo sem hann er. Svona eftir á að hugsa, er spurning hvort þetta sé ekki líka Glófaxi, sólin lýsi hann bara svona mikið upp.


             968. Glófaxi VE 300, lengst út í fjaska, enda langt að taka, frá Vatnsnesi


    Óþekktur eða kannski líka Glófaxi upplýstur af sólinni © myndir Emil Páll, 26. ágúst 2010

Hér sjáum við tvo gamla sjóarar fylgjast með því þegar Selurinn var að fara frá Njarðvík í morgun og síðan bættist við sá þriðji, sem er í dag bæði sjóari og lögregluþjónn, en ekki má gleyma þeim fjórfætta sem einnig var á staðnum.


                      Hlöðver Sigurðsson (t.v.), Ragnar G. Ragnarsson og Prins


         Hlöðver, Ragnar G. og Hörður Óskarsson © myndir Emil Páll, 26. ágúst 2010

Loksins var í morgun nógu gott veður fyrir pramman Sel að fara með bólfærin 19 inn undir Vatnsleysuströnd þar sem þeim er sökkt sem bólfæri fyrir kræklingarækt. Eru það nýir aðilar sem þarna eru að hefja ræktina og eru steinar þeim sem sökkt eru um tvö tonn að þyngd hver og einn. Var búið að hlaða þá hangandi utan á bátinn í síðustu viku, en þá brældi og slituðu fjórir þeirra af og sukku til botns. Var þeim náð upp og hafðir um borð í prammanum þar til í morgun að þeim var raðað á bátinn að nýju. Hér er myndasyrpa sem ég tók í morgun er steinunum var raðað að nýju utan á bátinn og eins myndir af Selnum hefja siglinguna, en hraðinn var ekki mikill eða trúlega undir einni sjómílu svo steinarnir myndu ekki slitna af á leiðinni.










      5935. Selur, á leið út á Stakksfjörðinn, frá Njarðvik í morgun © myndir Emil Páll, 26. ágúst 2010

Það skildi þó ekki vera að þessir fjórir bátar sem að undanförnu hafa legið í Njarðvíkurhöfn séu allir á förum. Það mun gerast ef áætlanir standast. En varðandi hvern og einn þeirra er þetta um að vera.

Bæjarútgerð Reykjanesbæjar, þ.e. Jóhanna Margrét sem nú er í eigu hafnarinnar, mun vonandi fara fljótlega í niðurrif.
Láru Magg var búið að gera munnlegan sölusamning, er kaupandinn varð bráðkvaddur og því er hann kominn á söluskrá að nýju.
Birta fer til Grenivíkur og verður að nýju Ægir Jóhannsson
Stormur SH fer a.m.k. upp í slipp og þar verður framtíð hans ráðin.


    Njarðvíkurhöfn í morgun,.f.v. 163. Jóhanna Margrét SI 11, 619. Lára Magg ÍS 86, 1430. Birta VE 8 og 586. Stormur SH 333 © mynd Emil Páll, 26. ágúst 2010

Rækjutogarinn Frosti ÞH 229 hefur landað að undanförnu í nokkur skipti á Hólmavík og hér birtist ný myndasyrpa sem Jón Halldórsson birti í morgun á vef sínum holmavik.123.is








     2067. Frosti ÞH 229, landaði rækju á Hólmavík © myndir Jón Halldórsson, holmavik.123.is

      929. Svanur KE 90, 450. Jökull SH 15 og 89. Happasæll KE 94, í Keflavíkurhöfn
                                           © mynd Emil Páll, 1992

       809. Svanur II EA 517, í Reykjavík © mynd Emil Páll, á 7. áratug síðustu aldar