Fékk þessa mynd senda áðan, en nafn bátsins kemur ekki fram, en finnst þetta vera líkt Sighvati Bjarnasyni VE 81. Ef það er einhver annar þá leiðrétti ég það þegar ég fær ábendingu um það. - Sendi ég sendanda myndarinnar, Guðmundi Hafsteinssyni, kærar þakkir fyrir myndina.

2281. Sighvatur Bjarnason VE 81, á loðnuveiðum í morgun © mynd Guðmundur J. Hafsteinsson, 8. mars 2013

Hér er á ferðinni einn af þeim bátum sem Vélsmiðja Ol. Olsen í Njarðvík smíðuðu og voru þeir fyrstu með mjög beit stefni, en síðan var þeim breytt og er þessi einn af þeim fyrstu breyttu, en þeir voru smíðaðir úr stáli eftir teikningu Karls Olsen. Þessi bátur var afhentur í ágúst 1990 og undanfarnar mánuði hefur hann legið í Reykjavikurhöfn sem Kópanes RE 164 og samkvæmt vefsíðu Fiskistofu er hann sagðu í eigu Brims hf., en í útgerð Fiskaness hf.

Hér koma fimm myndir frá reynslusiglingu hans innan hafnar í Njarðvík í ágústmánuði 1990.

1985. Freyr ST 11, í Njarðvíkurhöfn © myndir Emil Páll, í ágúst 1990

Vigri RE 71 sigldi rólega framhjá þeim á Frera RE 73, í dag  útaf Hafnarvík á Reykjanesi, þar sem þeir hafa að jöfum haldið sig í vari undanfarna tvo daga og tók John Berry vélstjóri  á Frera þessar myndir við það tækifæri á símann sinn.

Eins og margir vita, þá eru þessir togarar báðir frá sömu útgerðinni og verður Frera lagt og fer hluti áhafnarinnar yfir á Vigra.

2184. Vigri RE 71, siglir fram hjá þeim á Frera RE 73 í dag © myndir John Berry, 7. mars 2013