Fyrir utan bátinn, þá má sjá merkilega hluti á bryggjunni. Þar eru bílar með trétunnur með annað hvort saltsíld eða söltuðum hrognum á leið í skip sem flytur afurðirnar á erlendan markað. Slíkt má ekki sjá lengur.

357. Þorsteinn KE 10, í Keflavíkurhöfn fyrir nokkrum áratugum. Á bryggjunni eru vörubílar fermdir trétunnum sem innihalda annað hvort saltaða síld eða söltuð hrogn og eru þeir að fara með afurðirnar til útskipunar í skip sem er örugglega við hafnargarðinn.

bb.is:

Brúarfoss siglir inn til Ísafjarðarhafnar í dag.

Flutningaskipið Brúarfoss er nú í höfn á Ísafirði. Þetta er fyrsta ferð skipsins á nýrri siglingaleið en strandsiglingar við Ísland eru formlega hafnar með viðkomu á Ísafirði. Skipið lagði af stað frá Reykjavík í gærkvöldi og verður á Akureyri á morgun og siglir þaðan til Færeyja, Skotlands og Rotterdam í Hollandi. Ísafjarðarhöfn er því orðin millilandahöfn og hluti af alþjóðlegri siglingaleið. Skipið lagðist að bryggju rétt fyrir hádegið í dag en koma skipsins markar þáttaskil í vöruflutningum á svæðinu.

visir.is:

 

Lindýr og krabbadýr drepast nú í stórum stíl í Kolgrafafirði og má sjá dauð sjávardýr hvert sem litið er, eins og kræklinga, ígulker krabbadýr, kuðunga og jafnvel ný dauða síld um allar fjörur, segir á vef Skessuhorns.

Róbert Árni Stefánsson forstöðumaður Náttúrustofu Vesturlands segir í samtali við vefinn að við þessu hefði mátt búast í kjölfar síldardauðans, en hann hafi talað fyrir daufum eyrum.
 

Þess má geta að lífríki Kolgrafafjarðar var afar blómlegt áður en síldin drapst þar.