Þótt ótrúlegt sé, þá hefur einhver sem annað hvort þolir ekki vinsældir mínar, eða eitthvað annað við mig, tekið upp á því að falsa athugasemdir með óþverahætti á öðrum síðum, og eru þær ýmist merktar EPJ eða einfaldlega Emil Páll. Slík athugasemd hefur t.d. borist inn á síðu hjá Grétari Þór en nú síðustu daga komu þær margar hverjar inn á síðu Guðmundar St. Valdimarssonar. Sem kannaði málið fyrst hjá mér og síðan lokaði hann fyrir athugasemdir á síðu sinni vegna málsins.  En eins og flestir vita er mjög lítið um að ég komi með athugasemdir hjá öðrum og alls ekki í þá veru að drulla yfir viðkomandi.

Vegna málsins hefur Ip tala viðkomandi verið rakin, en tölurnar segja ansi nákvæmlega um hvaðan þær koma, fyrir þá sem kunna að rekja slíkt.

Þar sem þetta er auðvitað grafalvarlegt mál, er ég í viðræðum við lögregluyfirvöld að spá í hvort viðkomandi verði ekki kærður fyrir fölsun. ÁKVEÐIÐ VAR AÐ GEFA VIÐKOMANDI FÆRI Á AÐ HÆTTA ÞESSU FREKAR. Sá frestur verið þó enginn ef þetta sést áfram á einhverri síðu.

Eigandi þriggja báta hérlendis ákvað að flytja með bátanna til Noregs og gera þá út þaðan og fór sá bátur sem fjallað verður um hér, í ágúst 2011, en þá voru hinir farnir. Þessi bátur var af gerðinni Víkingur 1135 og var óyfirbyggður. Útgerðin í Noregi hefur gengið það vel að umræddur íslendingur er nú nýbúinn að taka við nýsmíði frá Trefjum í Hafnarfirði og er sá skráður í Noregi. Um leið seldi hann bátinn  sem  áður var sagt frá og hann kom með héðan,  til norsks útgerðarmanns. Norðmaðurinn sem keypti bátinn komst að því að tvö af systurskipum bátsins höfðu verið yfirbyggð hjá Sólplasti í Sandgerði og því kynnti hann sér málið og fór svo að Sólplast er nú að ljúka við að byggja yfirbyggingu á umræddan bát, sem send verður ósamansett til Noregs upp úr næstu mánaðarmótum.

Hér birti ég myndasyrpu af því systurskipi sem fyrst var byggt yfir, en þá hét það Bíldsey SH 65 og er nú á sölulista, eftir að stærri Bíldsey kom til sögunnar, en skráð sem Bíldsey II SH 63. Einnig birti ég myndir af hinum systurskipinu sem er Bergur Vigfús GK 43.
Auðvitað koma síðan myndir af umræddum báti Selmu Dröfn BA 21, áður en hann fór úr landi og síðan hluta af yfirbyggingunni sem enn er í smíðum hjá Sólplasti og voru þær myndir teknar í dag.








                        2650. Bíldsey SH 65, við aðsetur Sólplasts í Sandgerði á sínum tíma






                  2650. Bíldsey SH 65, ýmist í Sandgerði eða Stykkishólmi © myndir Emil Páll og Sólplast, á sínum tíma.


                  2746. Bergur Vigfús GK 43, í Sandgerðishöfn í dag © mynd Emil Páll, 16. mars 2013


                 2658.  Selma Dröfn BA 21 © mynd Guðmundur St. Valdimarsson, 2009




                       Hlutar úr yfirbyggingunni sem fara munu til Noregs á fyrrum Selmu Dröfn BA © myndir Emil Páll í aðsetri Sólplasts, í dag, 16. mars 2013


            Hér er Kristján Nielsen hjá Sólplasti að vinna við mót sem á eftir að steypa í © mynd Emil Páll, í dag, 16. mars 2013
 

mbl.is:

Brúarfoss lagðist að bryggju á Akureyri í dag í sinni fyrstu strandferð.

Brúarfoss skip Eimskipafélags Íslands með íslenskri áhöfn kom til Akureyrar í morgun. Akureyri er viðkomustaður á nýrri strandleið félagsins sem tengir landsbyggðina beint við Færeyjar, Skotland, England og meginland Evrópu og óbeint inná Skandinavíu og Eystrasalt.

Brúarfoss leggur úr höfn frá Akureyri á markaði erlendis með útflutningsvöru og sækir innflutningsvöru fyrir landsbyggðina.

Brúarfoss er 130 metra langt og 20 metra breitt gámaskip skipað íslenskri áhöfn og var smíðað árið 1992. Skipið er búið tveimur krönum sem gerir því kleift að hafa viðkomur í höfnum sem ekki eru búnar  landkrönum. Brúarfoss getur borið allt að 724 gámaeiningar.

AF Facebook:

• Sigurður Ólafsson Löngu tímabært.

   
•