893. Blakkur RE 335, að koma inn til Reykjavíkur © mynd Emil Páll

Smíðaður í Skipasmíðastöð Marsellíusar Bernhardssonar, Ísafirði 1955. Talinn ónýtur 20. okt. 1987.

Nöfn: Vilborg KE 51, Blakkur RE 335 og Skálavík SH 208

Af Facebook:

                     833. Sæfaxi VE 25, í Vestmannaeyjum © mynd Emil Páll, á áttunda áratug síðustu aldar

Þessi hét fyrst Faxi GK 95 og var frá Garði. síðan varð hann Faxi ÍS 118, Faxi ÁR 25 og Sæfaxi VE 25. Hann var úreldur 1. ágúst 1989 og brotinn niður og brenndur á nýja hrauninu í Vestmannaeyjum í jan. 1991.

                    826. Jóhannes Jónsson KE 79, í Keflavíkurhöfn fyrir alllöngu síðan © mynd Emil Páll

Svokallaður blöðrubátur, smíðaður í Hallerviksstrand í Svíþjóð 1941. Endurbyggður inni í húsi hjá Dráttarbraut Keflavíku hf. 1981 - 1982.  Afskráður 1998, brenndur á áramótabrennu á nýja hafnarsvæðinu í Hafnarfirði 31. des. 1988.

Frá des. 1946 til 1962, fór ekki saman skráning í Sjómannaalmanaki og því sem stóð á bátnum sjálfum. Samkvæmt sjómannaalmanakinu hét báturinn Jón Finnsson II GK 505, en á bátnum sjálfum stóð aðeins Jón Finnsson GK 505 og hjá Siglingamálastofnun var hann skráður sem Jón Finnsson GK 505 og 1962 var því breytt þar í Jón Finnsson II GK 505.

Nöfn: Koberen, Jón Finnsson GK 505, Jón Finnsson II GK 505, Sædís RE 63, Jóhannes Jónsson KE 79 og Fengsæll GK 262.

                   824. Bergþór KE 5, í Keflavíkurhöfn © mynd Emil Páll, fyrir einhverjum áratugum
                 

Smíðaður hjá Frederikssund Skipsverft í Fredrikssund, Danmörku 1930, Endurbyggður í Njarðvík 1971-1972.

Árið 1989, var báturinn elsti bátur Suðurnesja og 4. elsti bátur landsins. Árið 1993 var hann næst elstur báta landsins og frá áramótum eða árinu 2000 hefur hann verið elsti bátur landsins. Báturinn er þó ekki lengur notaður sem fiskiskip.

1963 til 1972 gekk báturinn undir nafninu ,,Torfbærinn".

Nöfn: Huginn GK 341, Jón Dan GK 341, Farsæll SH 30, Sæborg GK 86, Sæborg BA 86, Sæborg RE 328, Sæborg SH 128, Sæborg RE 325, Sæborg KE 102, Bergþór KE 5, Ingólfur GK 125, Fengsæll GK 262 og núverandi nafn: Fengsæll ÍS 83.

                 785. Stakkur KE 86 og tveir ónýtir sem ég man ekki hverjir voru, í Dráttarbraut Keflavíkur hf, þar sem nú er smábátahöfnin í Grófinni © mynd Emil Páll, á sjöunda áratug síðustu aldar.

Bátur þessi var sá fyrsti sem ég réri á, voru það handfæraveiðar með Guðjóni Jóhannssyni, eða Gauja Blakk, eins og hann var alltaf kallaður. Var þessi fyrsta vera mín til sjós eitt sumar.

Bátur þessi var smíðaður í Arnarvogi, Garðabæ 1962 og bar aðeins nöfnin Stakkur KE 86 og Stakkur RE 186. Talinn ónýtur og tekinn af skrá 1983 og brenndur í Hafnarfirði.

                  744. Sigrún GK 380 o.fl. í Grindavík © mynd Emil Páll

Smíðaður á Akranesi 1940. Nöfn: Sigurfari MB 95, Sigurfari AK 95, Sæbjörg VE 56 og Sigrún GK 380. Talinn ónýtur og tekinn af skrá 1982.

                    712. Kristján KE 21, að koma inn til Sandgerðis © mynd Emil Páll

Smíðaður í Reykjavík 1962 og bar aðeins tvö nöfn, þ.e. Óli ÍS 68 og Kristján KE 21. Rak upp í Sandgerði og ónýttist í des. 1983

                  708. Ólafur KE 49, að koma inn til Keflavíkur © mynd Emil Páll

Smíðaður í Reykjavík 1956 og hefur borið eftirtalin nöfn: Pétur Sigurðsson RE 331, Skallarif HU 15, Ólafur KE 49, Gustur SH 24, aftur Ólafur KE 49, aftur Gustur SH 24, Jóhanna Magnúsdóttir RE 70 og Öxnarnúpur ÞH 162. Talinn ónýtur og tekinn af skrá 15. des. 1992.