Svanur, Ísafirði © mynd Púki Vestfjörð

mbl.is:

Af vef Faxaflóahafna:

Snædrekinn - eða Xue Long eins og skipið heitir á kínversku - er væntanlegt til Reykjavíkur þann 16. ágúst n.k. Koma skipsins er merkileg að því leyti að skipið siglir nú frá Asíu til Evrópu eftir svonefndri norð-vesturleið, sem kann að opnast á næstu árum og breyta þannig flutningaleiðum milli heimsálfanna.

Snædrekinn er ísbrjótur og einn sá frægasti sem er í eigu kínverkja.  Um borð í skipinu eru 40 manns í áhöfn en um borð eru um 80 vísindamenn, þar á meðal íslenskir, sem rannsaka áhrif loftslagsbreytinga á lífríki í norðurhöfum.  Snædrekinn mun koma til Reykjavíkur en síðan koma við á Akureyri í bakaleiðinni og siglir þá ísbrjóturinn þvert yfir norðurheimskautið.  Xue Long er 167 metra langur og getur siglt á 18 mílum.  Skipið verður til sýnis á meðan það er í Reykjavík.

Ekki þarf að fjölyrða um áhuga ríkja á nýrri siglingaleið um norðurheimskautið og þó svo að nokkuð sé í að sú leið verði fær kaupskipum þá er ljóst að þessi opnun á nýrri samgönguleið milli Evrópu og Asíu mun breyta ýmsu og opna möguleika sem margir hafa hug á að nýta.  Ísland getur og mun skipta máli í þeim efnum og í því er fólgin viðurkenning að Snædrekinn sigli til Íslands í þessari merkilegu ferð.

Heimasíða Faxaflóahafna:


               Mannlíf á Skarfabakka © mynd af vef Faxaflóahafna, 18. júlí 2012

Í veðurblíðunni síðustu daga hefur verið ys og þys á sjó og landi í höfnum Faxaflóahafna sf. Almenningur hefur kunnað vel að meta það sem nálægðin við sjó og skip hefur upp á að bjóða í bland við iðandi hafnarstarfsemi - fisk og haftengda ferðaþjónustu.  

Í Gömlu höfninni hefur Grandagarðurinn og skemmtileg starfsemi í verbúðunum þar dregið til sín fólk, nýja hótelið í Slippfélagshúsinu nýtur mikillar athygli, Suðurbugtin með fjölbreytta starfsemi í verbúðunum þar og hvalaskoðunin er mikið aðdráttarafl, MIðbakkinn er að venju áningarstaður ferðafólks og fólk nýtur umhverfis og innviða Hörpunnar. Í Sundahöfn, þar sem tugþúsunda farþega skemmtiferðaskipa fara nú um sækir fólk í Viðeyjarferðir, göngutúr út á Skarfagarð eða sólbað á "baðströndinni" við Skarfaklett og á Akranesi er það Langisandur sem dregur að sér börn og fullorðna sem aldrei fyrr.

Á hafnarbökkum allra þessara hafnarsvæða dorga veiðimenn í erg og gríð - og nú er það aðallega makríll sem hleypur á önglana - en hafið er dularfull matarkista og ævintrýraheimur - þannig að það er aldrei að vita hvað fæst á öngulinn þegar dorgað er í blíðunni. 

Almenningur kann augljóslega vel að meta gott aðgengi að áhugaverðum og notarlegum stöðum á hafnarsvæðunum - en í bland sinna sjómenn, ferðaþjónustuaðilar og hafnarkallar verkefnum sínum í sátt og samlyndi við áhugasama lífsnjótendur!

                   Angunnguaq II GR 8-58 ex Andvari VE 100 © mynd Trawler History

                          2702. Rex HF 24, nú Gandí VE 71 © mynd Trawler History 

Ég átti þess kost að þegar ég kom með Neptune EA 41 til hafnar á Akureyri eftir vísindaverkefni í Barentshafi og dvaldi þar um borð við vinnu fyrir næsta verkefni í 3 daga að nota kvöldin og næturnar sem ég átti til frístundirnar til að mynda. M.a. sólarlagið úr fjörunni og syðst frá Drottningarbraut. Einnig myndaði ég mínar æskustöðvar úr fjörunni (Aðalstræti 76)og munu þær myndir birtast hér á næstu dögum. Akureyri geymir margar af mínum góðu mynningum með Árna H, Davíð. Dúdda, Reyni (færeyska) Gumma Karls, Steina og m.f.l og við drukkum Vallash á H A og vorum kátir ungir menn og spiluðum Lóan er komin mest 7 sinnum í röð en þá vorum við búnir að tæma staðinn. Það var aðeins sterkara í glösum á kvöldin sérstaklega þá Árni H var barþjónn í Sjallanum og svo á KEA., þú fallegi staður Akureyri takk fyrir mig.

                             © mynd og texti: Svafar Gestsson, í júlí 2012

                                2288. Pétur Jónsson RE 69 © mynd Trawler History

         2266. Neptune EA 41, við austurbakkann á Akureyri © mynd Svafar Gestsson, í júlí 2012

                  Newfound Pioneer ex 2220. Svalbakur EA 2 © mynd Trawler History

bb.is:

Sjávarútvegs- og landbúnaðarráðuneytið hefur gefið út reglugerð um stöðvun veiða á úthafsrækju á fiskveiðiárinu 2011-2012. Samkvæmt reglugerðinni eru veiðar á úthafsrækju bannaðar frá 1. ágúst nk. Albert Haraldsson rekstrarstjóri hjá rækjuverksmiðjunni Kampa ehf., á Ísafirði segir stöðvun veiðanna vera töluverða blóðtöku fyrir fyrirtækið. "Við erum að missa um það bil 500 tonn af rækju á þessu tímabili ef þetta stendur. Þetta er frekar skrýtið, það hefur ekki verið haft neitt samráð við okkur og okkur hafa engar tilkynningar borist, hvorki í gær né í dag," segir Albert. Hann segir að stjórnendur fyrirtækisins hafi ekki fundið neina lausn á málinu en farið verði yfir málið um helgina og ákvörðun tekin í framhaldi af því.

Jón Guðbjartsson hjá útgerðarfélaginu Birnir ehf., sem er stærsti hluthafinn í Kampa, lýsir ákvörðun ráðuneytisins sem sparki í liggjandi mann. "Þetta er vitleysa og ég hef fulla trú á því að þetta verði dregið til baka, ég bara trúi ekki öðru. Við erum með 150 manns í vinnu og við getum ekki sent þau heim og boðað þau síðan aftur einhvern tímann seinna. Við þurfum að borga þeim laun og það verður erfitt ef það er engin vinnsla," segir Jón.

"Við verðum bara að reyna að hafa áhrif og stöðva þessa vitleysu. Það er heill iðnaður sem fellur með þessari ákvörðun. Rækjuiðnaðurinn hefur átt erfitt og sem dæmi má nefna að fyrir nokkrum árum voru 25 rækjuverksmiðjur í landinu en nú eru þær fimm. Það má líkja rækjuiðnaðinum við liggjandi mann og nú er verið að sparka í hann. Það hefur lengi verið til máltæki sem segir að ljótt sé að sparka í liggjandi mann. Það hefði verið sjálfsagt að hugsa þetta mál aðeins betur og ég veit og trúi því að það sé verið að því," segir Jón.

                            Andvari ex 2211. Andvari VE 100 © mynd Trawler History

                                     1937. Björgvin EA 311 © mynd Trawler History

                   Blue Capella ex 1514. Arinbjörn RE 54 © mynd Trawler History