Eins og margir muna var Ísafoldin seld á sínum tíma til Grænhöfðaeyja og átti skipið að draga með sér þangað Tony ex Moby Dick, en nú er ljóst að þau áform eru úr sögunni, því eigandinn sem áður átti Ísafoldina hérlendis er aftur orðinn eigandi skipsins og um Tony var fjallað hér í færslunni á undan þessari.


     2777. Ísafold, í Vogum 26. maí sl. En skipið hefur legið í Hafnarfjarðarhöfn síðan það var tekið upp í gamla Drafnarslippinn og málað í sumar © mynd Emil Páll

Sá saga hefur fengið vængi og meira segja borist inn á einhverjar skipasíður um að Tony sem áður hét Moby Dick og Fjóla KE sem áður hét Steinunn Finnbogadóttur væru á leið í pottinn og ætti Skipasmíðastöð Njarðvíkur nú bæði skipin. Eina rétta í þessu er eins og áður hefur komið fram hér á síðunni að Skipasmíðastöðin á Fjólu, en allt annað í þessari sögu er rangt. Það staðfesti Stefán Sigurðsson hjá Skipasmíðastöðinni við mig í morgun. Hvorki Fjóla né Tony eru á leið í pottinn og Tony er enn í eigu aðilans sem keypti hann á Grænhöfðaeyjum.
Sagði Stefán að margir aðilar bæði í ferðaþjónustu og eins til að varðveita Tony sem upphaflega var Fagranesið, vildu jafnvel eiganst skipið, en framtíð þess er enn óráðin og málefni þess væri í höndum lögmanna.


        46. Tony ex Moby Dick, í Skipasmíðastöð Njarðvíkur í morgun © mynd Emil Páll, 26. sept. 2011

mbl.is:

Vefur Landhelgisgæslunnar 23. sept. sl.
 
Varðskipið Þór var afhent Landhelgisgæslu Íslands við hátíðlega athöfn í dag kl. 11:45 að staðartíma (kl. 14:45 að íslenskum tíma) í Asmar skipasmíðastöð sjóhersins í Chile. Viðstödd athöfnina voru Georg Kr. Lárusson forstjóri Landhelgisgæslunnar sem veitti skipinu viðtöku og Ragnhildur Hjaltadóttir ráðuneytisstjóri í innanríkisráðuneytinu.  Við athöfnina flutti Georg Kr. Lárusson ávarp þar sem hann ræddi þann mikilvæga áfanga sem náðst hefur með smíði varðskipsins.  Rear Admiral Andrés Fonzo forstjóri Asmar skipasmíðastöðvarinnar afhenti Landhelgisgæslunni formlega varðskipið Þór og gengu að því loknu Sigurður Steinar Ketilsson skipherra og áhöfn um borð í skipið. Staðinn var heiðursvörður og dró skipherra íslenska fánann að húni undir íslenska þjóðsöngnum.
ÞÓR prýddur fánum á afhendingardegi

Í ræðu sinni þakkaði Georg starfsmönnum Landhelgisgæslunnar og starfsmönnum Asmar skipsamíðastöðvarinnar innilega fyrir framúrskarandi störf meðan á smíðaferlinu hefur staðið. Smíði skipsins hófst fyrir fjórum árum eða í október 2007 og hefur verkið gengið mjög vel og er kostnaður innan heildaráætlunar.  Vegna jarðskjálftans í febrúar 2010 og flóðbylgjunnar sem reið yfir í kjölfarið varð seinkun á smíðaferlinu þar sem miklar skemmdir urðu á skipasmíðastöðinni en með einbeittum vilja og samstilltu átaki allra er skipið nú afhent og markar um leið sögulega stund í starfsemi Landhelgisgæslunnar.  

Heiðursvörður starfsmanna Landhelgisgæslunnar

Þetta öfluga varðskip er tákn um nýja tíma. Varðskipin Ægir og Týr hafa þjónað Íslendingum dyggilega í 40 ár en með komu Þórs er stigið nýtt skref í  öryggismálum sjómanna og vöktun íslenska hafsvæðisins, hvort sem er á sviði auðlindagæslu, fiskveiðieftirlits, löggæslu, leitar eða björgunar.  Varðskipið er sérstaklega hannað með þarfir Íslendinga og framtíðaráskoranir á Norður Atlantshafi í huga. Skipið verður öflugur hlekkur í keðju björgunaraðila á Norður Atlantshafi og stóreykur möguleika Landhelgisgæslunnar á hafinu.

Georg Kr. Lárusson forstjóri Landhelgisgæslunnar flutti ávarp

Ragnhildur Hjaltadóttir, ráðuneytisstjóri í innanríkisráðuneytinu afhjúpaði
skjöld skipsins ásamt Rear Admiral Andrés Fonzo forstjóra Asmar skipasmíðastöðvarinnar

Nú tekur við sigling til Íslands sem notuð verður í að kynnast skipinu og þjálfa áhöfnina.  Áætluð koma til hafnar í Reykjavík er þann 27. október nk.

Gestir við athöfnina.

Erlendir blaðamenn ræða við Georg og Ragnhildi. Við hlið þeirra er
Nedith Valenzuela starfsmaður Landhelgisgæslunnar í Chile.

Ragnhildur Hjaltadóttir heilsar upp á áhöfnina

Skipið fékk fjölmargar gjafir í tilefni dagsins m.a. myndaalbúm sem sýnir
sögu smíðinnar

Málverk af ÞÓR og sýnir skipið í skipasmíðastöðinni

Áhöfnin stillir sér upp fyrir fjölmiðla

Viðgerðin á Lágey ÞH, sem strandaði í innsiglingunni til Seyðisfjarðar, er langt komin er hún er unnin á Seyðisfirði af starfsmönnum Sólplasts ehf. í Sandgerði. Að sögn Kristjáns Nielsen á hann von á að plast vinnu ljúki núna strax eftir helgi.
Hér birtast myndir sem Sigurborg Sólveig Andrésdóttir tók á vettvangi viðgerðarinnar og sjást einnig stærstu skemmdirnar.








      Eins og sést á þessum myndum voru skemmtirnar talsverðar á 2651. Lágey ÞH 265



       Byggt var vel utan um bátinn svo vinnuaðstaðan væri sem best miðað við aðstæður


                                             Kristján Nielsen að störfum


                                         Kristján að steypa upp í eina skemmdina


                Hér er Benjamín Smári Kristjánsson, kominn til pabba síns
              © myndir á Seyðisfirði, Sigurborg Sólveig Andrésdóttir í sept. 2011

Eftir að ég birti umfjöllunina um þennan togara í kvöld fékk ég þessar tvær myndir sem ég birti nú og eru þær báðar teknar í slippnum í Reykjavík.




      Newfoundland Lynx, í slippnum í Reykjavík © myndir Sigurður Bergþórsson 25. sept. 2011

          1979. Þorsteinn BA 1 © mynd Guðmundur St. Valdimarsson


                1979. Þorsteinn BA 1 © mynd Fiskifréttir


                     1979. Þorsteinn BA 1, í slippnum á Akranesi, 2010

         926. Þorsteinn GK 15 © mynd Snorrason


                            926. Þorsteinn GK 15 © mynd Þorgeir Baldursson


       926. Þorsteinn GK 15 © mynd af SAX

                                      Plod, á Ísafirði © mynd Púki Vestfjörð

Togari þessi er að hluta til íslenskur, eins og fram kemur hér fyrir neðan myndirnar. En bæði er um að ræða myndir af honum í slippnum í Reykjavík núna og eins aðrar myndir af honum áður en hann fékk þennan lit, sem gerist vegna tengingar við hið islenska fyrirtæki.


                    Newfoundland Lynx © mynd Shipspotting, Barry Dawing, 1. sept 2009


                           Newfoundland Lynx © myns Shipspotting, Dean Porter


    Newfoundland Lynx, ( sá græni) í slippnum í Reykjavík © mynd Sigurður Bergþórsson, í sept. 2011


       Newfoundland Lynx, í slippnum í Reykjavík © mynd Markús Karl Valsson, 23. sept. 2011

Smíðanúmer 198 hjá Örskov Christensens Staalskipwærft A/S, Fredriskhavn Danmörku, 2004, en skrokkurinn var smíðaður hjá Stoczola Marynarki Wojennej SA, Gdynia Póllandi,

Skipið var upphaflega smíðað fyrir aðila í Murmansk, Rússlandi, en sá gat ekki fjarmagnað smíðina svo Kandadíska fyrirtækið gekk inn í smíðina og kom togarinn í fyrsta sinn til ST. John' s 5. okt. 2004.

Nú í september 2011, var togarinn málaður í Vísis-litinn, í Slippnum í Reykjavík, en þar eru einmitt tengslin. Í desember 2007, keypti Vísir hf. í Grindavík og kanadískt fyrirtæki, sjávarútvegsþátt annars fyrirtækis í Kanada og fylgdi þar með þessi togari með í kaupunum. Jafnframt keypti Vísir góðan hlut í  kanadíska samstarfsfyrirtækinu og jafnframt tók Vísir að sér að annast nánast allan rekstur beggja kanadísku fyrirtækjanna. Sjálfsagt hefur hlutur Vísis eitthvað aukist enn meira, fyrst skipin eru nú máluð Vísis-litnum. En hið sameinaða fyrirtæki á þó nokkra togara í Kanada og stunda þeir margir hverjir rækju- og grálúðaveiðar.

Hefur aðeins borið þetta eina nafn: Newfoundland Lynx

                     Lagarfoss © mynd Púki Vestfjörð

                              Póstbátur, hér á Sæbóli í Aðalvík © mynd Púki Vestfjörð

                                    Gamla, gamla Fagranesið © mynd Púki Vestfjörð

                                     Ísland RE 46  © mynd Púki Vestfjörð

Eins og ég sagði í morgun eftir að komið var nafnið á hina fimm bátanna sem voru í innsiglingunni til Grindavíkur, vantaði nafnið á þann sjötta sem var á innleið. Ljóst var að sá var einn af þessum vestur-þýsk smíðuðu eikarbátum, en í Grindavík og Keflavík voru  5 bátar með slíku húsi eins og þarna sást, þ.e. Þorbjörn, Þórkatla, Þorsteinn Gíslason, Jón Guðmundsson og Hilmir. ´- Þóroddur Sævar Guðlaugsson benti mér á áður en ég taldi upp þessa báta að þetta væri 914. Þorbjörn GK 540 og ef maður skoðar vel myndina tel ég það öruggt, því skipaskrárnúmerið sem sést í þoku er mjög líkt 914.
                                       - Þakka ég Þóroddi Sævari, því fyrir -


           914. Þorbjörn GK 540, á leið inn innsiglinguna til Grindavíkur © mynd Púki Vestfjörð