Fyrir okkur skipasíðueigendur á suðvesturhorninu, er svo komið að við erum nánast búnir að taka myndir af öllum skipum sem koma í þær hafnir sem við höfum aðgang að. Því erum við í raun alltaf að birta myndir af sömu skipum aftur og aftur, með smá uppákomum, þar sem eitthvað kemur fyrir augu okkar sem við höfum ekki séð áður. Hér er t.d. bátur með nafni sem ég man ekki eftir að hafa séð áður, en þetta var líka eina myndaefnið sem ég fann í Hafnarfirði í dag.


                    Skúli fógeti, í Hafnarfirði í dag © mynd Emil Páll, 19. jan. 2011

Í morgun kl. 8 tók ég mynd af þessum tveimur og voru þær hálf skuggalegar í birtuleysinu, hér koma síðan myndir af sömu skipum teknar um kl. 11 í morgun






   Björgunarskipin 2474. Jón Oddgeir og 2310. Hannes Þ. Hafstein í Njarðvíkurhöfn í morgun © myndir Emil Páll, 19. jan. 2011

 Þriðjudagur 18. janúar 2011

Við eftirlitsflug þyrlu Landhelgisgæslunnar í vikunni sem leið var tekin mynd af skipsflaki sem grafið er í sandinn NNA við Landeyjarhöfn. Í framhaldinu var grennslast fyrir um uppruna flaksins og leiddi sú rannsókn í ljós að um er að ræða danska flutningaskipið DRAGÖR (fjórmastra seglskip) sem strandaði á Bakkafjöru í desember árið 1920 eða fyrir réttum 90 árum síðan. Sjá myndir. Var skipið á leið frá Kaupmannahöfn til Ísafjarðar með engar vörur um borð en átti að taka fisk til útflutnings á Ísafirði. Í áhöfn skipsins voru 11 menn og björguðust þeir allir. Skipið var smíðað í Danmörku árið 1917.

Mynd LHG

Í bókinni Þrautgóðir á raunastund : björgunar- og sjóslysasaga Íslands, (Örn og Örlygur, 1969), kemur fram að nóttina eftir að DRAGÖR strandaði gerði verra veður og fylltist skipið þá strax af sjó og sandi. Var því strax ljóst að skipinu yrði ekki bjargað.

Við mælingu kom í ljós að stysta vegalengd til sjávar er í dag 410 metrar en Markarfljót flæddi að skipinu og gróf undan því í kring um 1960