Þá er búið að svala forviti manna varðandi hvaða Vestmannaeyjanafn togarinn Rex HF 24 fengi, því búið er að mála á togarann nafnið Gandí VE 171, Spurningin er því hvaða nafn verður sett á gamla Gandí?

.             2702.Gandí VE 171 ex Rex HF 24 í kví í Hafnarfirði í morgun © mynd Emil Páll 24. febrúar 2010. Ef menn trúa ekki að þetta sé Rex má sjá upphleypta stafi ef myndin er vel skoðuð.

Ægir með brimlendingaræfingar.

22.2.2010

Mánudagur 22. febrúar 2010

Björgunaraðgerðir eiga sér sjaldnast stað í sléttum sjó, því er nauðsynlegt að æfa þær við erfiðar aðstæður. Það gerði áhöfnin á Ægi fyrir skemmstu en markmið æfinganna er að menn þekki réttu handtökin, þekki bát og búnað, áhöfn bátsins og síðast en ekki síst eigin takmörk. Að lenda bát í brimfjöru er alvöru mál og margt sem hafa þarf í huga. Það er einnig vandasamt að koma bát út úr slíkri fjöru. Ekki margt þarf að bregða útaf svo menn missi stjórn á aðstæðum. Æfingarnar fara fram undir stjórn og leiðsögn þrautþjálfaðra manna og öryggisbátur alltaf með í för. Æfingar þessar þykja hin mesta skemmtun og koma blóðinu aðeins á hreyfingu.

Meðfylgjandi myndir voru teknar af Guðmundi St. Valdimarssyni og sýna þær það sem æft var. Sú fjara sem fyrir valinu varð bauð upp á öll stig æfingarinnar, allt frá sléttum sjó upp í krappar öldur.

Myndaserían heitir Brimlending.

Brimlending
Báturinn lendir í fjörunni. Honum er strax snúið með stafninn upp í ölduna og haldið þannig.

Brimlending 1
Sér í áhöfnina á bak við ölduna sem er að vinda sig upp framan við bátinn

Brimlending 2
Brotið skellur á bátnum.

Brimlending 3
Báturinn lyftir sér upp á ölduna og honum er haldið uppí

Brimlending 4
Báturinn kominn af stað úr fjörunni,

Brimlending 5
En þá þarf ekki endilega allt að vera búið, hérna er ekki um neitt annað að ræða en að halda áfram

Brimlending 6
Upp á ölduna

Brimlending 7
Það eru átök við að fara í gegn

Brimlending 8
Láta svo vaða í gegn um ölduna

Brimlending 9
Hérna hafa allir hent sér fremst í bátinn svo ekki fari hann yfir sig.

Brimlending 10
Þeim félögum leiddist þetta nú ekki. Í áhöfn bátsins voru í þessari ferð. Óskar Skúlason bátstjórnandi, Guðmundur Ragnar Magnússon, Gunnar Kristjánsson, Sævar Magnússon og Snorre Grail.

Myndir og texti Guðmundur St. Valdimarsson

Skemmtileg saga átti sér stað í Keflavík í dag, er Aðalsteinn Jónsson SU 11 lagðist að bryggju og strákur að nafni Elvar Aron Daðason stökk um borð og síðan var farið frá bryggju. Elvar Aron er sonur Daða Þorsteinssonar 1. stýrimanns og annars af skipstjórum skipsins og því afabarn Þorsteins Kristjánssonar aðalskipstjóra skipsins og fékk að fara um borð, en skipið mun vera úti á Stakksfirði í nótt við að fullvinna afla og landa síðan í Hafnarfirði á morgun. Tók ég eftirfarandi syrpu við þetta tækifæri, en því miður bilaði hjá mér batteríið þegar stráksi stökk um borð og eins gat ég ekki af þeim ástæðum tekið mynda af Elvari Aron með afa sínum Þorsteini, en tók aftur á móti áður mynd af stráksa og þá líka með hinum afa sínum Bjarna Einarssyni.


     2699. Aðalsteinn Jónsson siglir fram hjá Stóra-Hólmi í Leiru í dag á leið til Keflavíkur


                    Hér siglir Aðalsteinn Jónsson SU 11 fram hjá Helguvík


                        2699. Aðalsteinn Jónsson SU 11 út af Vatnsnesi


                  2699. Aðalsteinn Jónsson SU 11 kominn á ytri höfnina í Keflavík


                                                     Elvar Aron Daðason


   Elvar Aron ásamt hinum afa sínum Bjarna Einarssyni © myndir Emil Páll 22. febrúar 2010

Í dag var aflaskipið Ósk KE 5 tekið inn í hús í Skipasmíðastöð Njarðvikur  og voru gárungarnir ekki lengi að koma með getgátur um að báturinn yrði orðinn rauður þegar hann kæmi út úr húsinu og nafn hans hugsanlega Andvari?, Golan? eða Kaldi? En tvennar sögur fara af því hvort eigendaskipti hafi orðið að bátnum eður ei og þá hvort Stormur Seafood eigi hann en þeir hafa mála báta sína rauða og gefið þeim nöfnin Blíða og Stormur KE.


      1855. Ósk KE 5, gerð klár til að renna inn í hús hjá Skipasmíðastöð Njarðvikur í dag © mynd Emil Páll 22. febrúar 2010