22.08.2013 06:00

Happasæll KE 94 í Steingrímsfirði

Hér koma myndir sem Ragnar Emilsson, tók af makrílveiðunum í Steingrímsfirði á dögunum.

13. Happasæll KE 94, á makrílveiðum í Steingrímsfirði © myndir Ragnar Emilsson, 2013

Skrifað af Emil Páli

Tengill á færslu

21.08.2013 22:25

Happasæll, Gulley, Stakkavík, Dísa, Pálína Ágústsdóttir, Hringur og Fjóla

Enn eru það makrílbátanir sem hrífa mig og birt ég nú 10 mynda syrpu þar sem fram koma sjö bátar og voru allar myndirnar teknar í gær. Sjáum við þarna báta á miðunum, annan vera að kippa eins og það er kallað þegar bátar eru að færa sig til. Síðan eru bátar í Keflavíkurhöfn, ýmis að bíða eftir að geta landað, auk þess sem einhverjir eru að landa og aðrir búnir. Einnig er einn bátur í Njarðvíkurhöfn, en sá var búinn að landa þegar myndirnar voru teknar.

Fjórir bátar á veiðisvæði, framan við Garðinn. Þetta eru f.v. 1637. Stakkavík GK 85, 2110. Dísa GK 136, Pálína Ágústsdóttir GK 1 og 1396. Gulley KE 31

2640. Pálína Ágústsdóttir GK 1 að kippa, á Stakksfirði

13. Happasæll KE 94, í Keflavíkurhöfn, búinn að landa

2728. Hringur GK 18, nýbúinn að landa í Keflavíkurhöfn og fór svo áleiðis til útgerðarstaðar í Hafnarfirði

1396. Gulley KE 31 að bíða eftir að komast að löndunarkrana í Keflavíkurhöfn

1637. Stakkavík GK 85, búinn að landa í Keflavíkurhöfn. Rákin þvert á myndina er ekki skemmd, heldur var þetta veiðilína á Happasæl sem lá þarna yfir sjónarhorn mitt

1516. Fjóla GK 121, eftir löndun var bátnum lagt í Njarðvíkurhöfn

© myndir Emil Páll, í gær, 20. ágúst 2013

Skrifað af Emil Páli

Tengill á færslu

21.08.2013 22:14

Hanse Explorer

Þetta litla farþegaskip kom í gærmorgun til Keflavíkur og var farið aftur er líða tók á daginn. Ef ég man rétt er þetta í annað skiptið sem skipið kemur í sumar, en í Keflavík er skipt um farþegahóp og síðan er siglt á norðurslóðir.

Í gær birti ég mynd af bátnum sem tekin var stuttu eftir að Köfunarþjónusta Sigurðar náði honum á flot, en hann sökk sem kunnugt er í Flateyjarhöfn. Áður en Köfunarþjónusta Sigurðar kom að verkinu hafði annar aðili gert tilraun að lyfta honum en það tókst ekki og komu þeir þá að verkinu. Fyrir helgi þéttu þeir bátinn og nú er þeir komu eftir helgina voru þeir með það öflugar dælur, að báturinn var alveg kominn á flot um hálfri klukkustund eftir að þeir hófu verkið aftur.

Þeir sem komu að verkinu sem stafsmenn Köfunarþjónustu Sigurðar voru: Sigurður Örn Stefánsson, Bragi Snær Ragnarsson og Þórir Egilsson.

Nú birti fleiri myndir af björgun bátsins, auk myndanna sem birtust í gær og í morgun. Myndir þessar eru teknar af Braga Snæ og Sigurði Stefánssyni.