Færslur: 2013 Ágúst

17.08.2013 17:24

Gullvík KE 45


                            327. Gullvík KE 45, í Keflavíkurhöfn © mynd Emil Páll

Smíðaður í Nykobing, Danmörku 1955, eftir teikningu Egils Þorfinnssonar.  Kom í fyrsta sinn til heimahafnar á Dalvík 18. des. 1955.  Úrelding 1. desember 1981. Sökkt N af Hraunum 9. júní 1982.

Nöfn: Bjarmi EA 760, Gullvík KE 45, Vatnsnes KE 30, Vatnsnes KE 130 og Stafnes KE 130.

17.08.2013 16:23

Kári GK 146 og Magnús IV RE 18, Skagaröst KE 34, Sif ÍS 500, Farsæll SK 3 og Erlingur KE 20

Hér koma tvær myndir teknar af sama viðfangsefni, en eru þó ekki alveg eins hvað varðar bátanna sem eru í kringu um þann bát sem ég var að mynda fyrst og fremst. En undir neðri myndinni tel ég upp alla bátanna sem ég sé eða tel vera á myndunum




          795. Magnús IV RE 18, 762. Skagaröst KE 34, 399. Kári GK 146, 391. Erlingur KE 20, 401. Farsæll SK 3 og 956. Sif ÍS 500, í Njarðvíkurslipp © myndir Emil Páll, fyrir xx árum

17.08.2013 15:30

Þverfell KE 11 o.fl.


            314. Þverfell KE 11 o.fl. í Njarðvíkurhöfn © mynd Emil Páll, fyrir xx árum

17.08.2013 14:31

Andey GK 19


            273. Andey GK 19, frá Höfnum, uppi á bryggju í Njarðvik © mynd Emil Páll

Smíðaður í Arnarvogi 1962. Strandaði 23. feb. 1982 í Þistilsfirði, norðan Þórshafnar og ónýttist.

Nöfn: Andey KÓ 32, Andey GK 19,  Andey BA 50 og Kap ÞH 304.

17.08.2013 13:30

Björgvin SH 21


             341. Björgvin SH 21, í Keflavíkurhöfn, fyrir þó nokkrum áratugum © mynd Emil Páll

17.08.2013 12:30

Albert (vs), Lagarfoss (ms) Bergvík KE 55 o.fl.


             323. Bergvík KE 55, 5. varðskipið Albert, utan á 138. Lagarfossi o.fl. í Keflavíkurhöfn fyrir xx árum © mynd Emil Páll

17.08.2013 11:40

Andvari RE 101, Manni KE 99, Sindri RE 410, Glaður KE 67 o.fl.


         588. Sindri RE 410. 671. Manni KE 99, 282. Andvari RE 101, 1065. Glaður KE 67 o.fl. í Keflavíkurhöfn fyrir fjölda ára © mynd Emil Páll

17.08.2013 11:00

Sæhrímnir KE 57




                261. Sæhrímnir KE 57, út af Vatnsnesi, Keflavík, á leið í róður © myndir Emil Páll, fyrir einhverjum áratugum

17.08.2013 10:00

Þorgeir GK 73


            222. Þorgeir GK 73, í Reykjavíkurhöfn fyrir mörgum áratugum © mynd Emil Páll

Smíðaður í Hollandi 1925. Endurmældur 1973. Talinn ónýtur og tekinn af skrá 6. nóv. 1979. Báturinn lág lengi vel á legu framan við Skipavík og að lokum slitnaði hann þar upp og rak á land í Landey sem er eyja gengt Skipavík og þar er flakið af honum enn í dag.

Nöfn: Ingólfur GK 96 og Þorgeir GK 73

17.08.2013 08:59

Gömul fiskverkun í Syltefjord í Noregi



Gömul fiskverkun í Syltefjord í Noregi, en það er gamall útgerðarstaður sem lagðist í eyði í kringum 1980. Það voru mest fiskkaupendur frá Lofoten sem komum upp eftir á vorin og keyptu fisk af heimamönnum og hengdu hann upp í skreið en síðan lagðist byggð af hérna en í dag er Syltefjord vinsæll meðal sumarbústaðaeigenda margir sumarbústaðir og staðurinn iðar af lífi á sumrin © mynd og texti: Jón Páll Jakobsson, í Noregi, 15. ágúst 2013

17.08.2013 08:04

Hafdís F-123-BD, íslenskur í Noregi


                  Hafdís F-123-BD © mynd Jón Páll Jakobsson, Noregi í ágúst 2013

Þessi íslensk ættaði bátur Hafdis sem gerður er út frá Gamvik í Noregi, er búin að vera í dágóða stund upp á kaja skrúfu og öxullaus en það fór að leka hjá með skutpípunni.  Hafdis kom strax á eftir Aldisi Lind sem er gerð út af sömu aðilum.

17.08.2013 07:00

Fönix ST 177

 

         177. Fönix ST 177 á Hólmavík © mynd Jón Halldórsson 14. ágúst 2013

16.08.2013 22:20

Rau IX, nú á safni í Bremenhaven - er þetta fyrrum Hvalur 5?

Hér kemur skemmtileg sypra af fyrrum hvalveiðiskipi, sem nú er á safni í Bremenhaven og heitir þar RAU IX. Þegar ég var að skoða þetta rakst ég nokkrum sinnum á fullyrðinar um að þetta væri fyrrum 114. Hvalur 5 RE 305, en hefur þó hvergi fundið það staðfest, nema sem fyrr segir í umræðum.


             Rau IX, á safninu í Bremenhaven. Er þetta kannski ex 114. Hvalur 5. RE 305 © mynd Wikimedia Commons




















            ? -114. Hvalur 5 RE 305 ?-  nú á safni í Bremenhaven sem RAU IX © myndir SchiffsModell.net

 

AF FACEBOOK:

Einar Örn Einarsson JÁ þetta er Hvalur 5. Hef skoðan hann þarna

Emil Páll Jónsson Takk fyrir þetta Einar Örn Einarsson.

16.08.2013 22:14

Muggur og Petra

            1186. Muggur EA, 2668. Petra SI 18 o.fl.  á Siglufirði © mynd Hreiðar Jóhannsson, 15. ágúst 2013

16.08.2013 21:49

Verða Ísbjörn ÍS og Gunnbjörn ÍS seldir?

bb.is:
Framtíð Ísbjarnar ÍS veltur á því hvað stjórnvöld ákveða að þessu sinni.
Framtíð Ísbjarnar ÍS veltur á því hvað stjórnvöld ákveða að þessu sinni.

"Ísbjörninn verður væntanlega seldur og Kampi lokast ef úr því verður að kvótinn verði settur til fyrri eigenda," segir Jón Guðbjartsson, stjórnarformaður rækjuvinnslunnar Kampa ehf. á Ísafirði, en ekki liggur fyrir hvernig úthafsrækjuveiðum verður háttað á næsta fiskveiðitímabili. Fari svo að veiðarnar verði takmarkaðar og skipin sem hafa verið á rækjuveiðum undanfarin þrjú ár fái ekki aflaheimildir liggur í augum uppi að þau eru ekki á leiðinni á úthafsrækju. "Við gerum ekkert út heimildarlausir, það gerir enginn. Það er bara vitleysa," segir Jón. "Ég hef sagt við menn að ég stend frammi fyrir hlutum sem eru óskemmtilegir fyrir Ísafjörð," segir hann.

"Fari svo að rækjubátarnir fái ekki kvóta er plan B að síga saman og loka rækjuverksmiðjunni. Ég kem þá ekki til með að hafa nein verkefni fyrir Gunnbjörn ÍS, hann færi á sölu eins og skot og endar hugsanlega í brotajárni. Við vitum svo sem ekkert hvað við getum gert við Ísbjörn, hugsanlega gert hann út sjálfir, sem er einn ólíklegasti kosturinn, meiri líkur að ég myndi reyna að læra á að setja hann undir rússneskt flagg. Aftur á móti veit ég ekki til hvers ég ætti að vera að því ef ég er kominn í þrot með rækjuverksmiðjuna," segir Jón.

Rækjuverksmiðjan Kampi veltir fjórum milljörðum á ári og á annað hundrað manns vinna við rækjuveiðar og vinnslu á Ísafirði. Einnig stendur fyrirtækið við bakið á ýmsum verkefnum sem verið er að koma af stað á svæðinu og munu skapa enn fleiri störf. Tölur segja ekki alla söguna en þetta er gríðarlega stór biti fyrir lítið bæjarfélag eins og Ísafjörð. Því hefur verið fleygt að með því að leggja rækjuvinnsluna af væri verið að kasta Ísafirði 20 ár aftur í tímann hvað atvinnu varðar.

"Þetta er staða sem ég hef aldrei getað séð alveg fram úr, en á þessu tímabili sem þetta væri að gerast myndi ég reyna að finna betri og jákvæðari leiðir út úr þessu. En það lítur ekki út fyrir að við getum haldið þessu áfram og unnið jákvætt úr stöðunni miðað við þá svörun sem við höfum fengið frá stjórnvöldum þessa fjóra mánuði sem við höfum beðið eftir að fá að vita hvort rækjuiðnaðurinn muni lifa eða deyja," segir Jón Guðbjartsson.

Rætt hefur verið í fjölmiðlum að samkvæmt lögfræðiáliti Lex lögmanna, sem gert var fyrir handhafa kvótans áður en veiðarnar voru gefnar frjálsar, gæti ríkið orðið skaðabótaskylt ef aflaheimildir færu á hendur þeirra sem hafa verið að veiða rækjuna undanfarin ár. Því eru ekki allir sammála og önnur álit, eins og það sem Land lögmenn gerði fyrir ráðuneytið, telja að svo verði ekki. Mörg dæmi eru um að aflaheimildir hafi verið færðar til í kerfinu og áður hefur verið endurúthlutað heimildum í einstökum tegundum.

Það væri vissulega undarlegt útspil stjórnvalda, þar sem úthafsrækjuveiðar voru gefnar frjálsar til að byrja með í því skyni að skapa verðmæti og atvinnu af rækjunni, sem var ekki að gerast þar sem aflaheimildirnar voru ýmist ónýttar eða skipt út fyrir heimildir í öðrum tegundum, að snúa til baka í sama horfið. Skynsamlegra hlyti að teljast að styðja við þá uppbyggingu sem er í iðnaðinum og halda áfram með það sem vel gengur, þar sem rækjan er veidd og unnin og seld og störf og gjaldeyrir skapast, eins og tilgangurinn var þegar leyfðar voru frjálsar rækjuveiðar fyrir þremur árum.