Eins og ég sagði frá kl. 20 í kvöld fékk dragnótarbáturinn Benni Sæm GK 26 í skrúfuna á Hafnarleir í dag og í framhaldi af því tók dragnótarbáturinn Siggi Bjarna GK 5 bróðir sinn í tog og komu þeir til Sandgerðis á áttunda tímanum í kvöld.
Þessir bátar eiga eins og margir vita, margt sameiginlegt þeir eru eins og sumir segja systurskip, smíðuð í Kína, en mér finnst réttara að kalla þá bræður, því þeir bera báðir karlkynsnöfn og báðir eru þeir í eigu Nesfisks í Garði.

Á bryggju í Sandgerðishöfn biðu komu þeirra fulltrúi útgerðar og Köfunarþjónusta Sigurðar, en Siggi kafari fór strax í sjóinn eftir að bátarnir voru komnir að bryggju til að losa úr skrúfunni. Reyndist þetta vera veiðarfæri, úr öðru skipi sem var á reki í sjónum og báturinn fékk því í skrúfuna er hann var á þarna á togi. Eða með öðrum orðum draugur, en eins og menn vita þá eru net sem koma svona uppá kölluð drauganet, en ekki veit ég hvað það er kallað þegar um er að ræða hluti úr togveiðarfæri togskips.

Þar sem farið var að rökkva, þegar bátarnir komu að landi tók ég fyrst nokkrar myndir af þeim er þeir voru að nálgast Sandgerði og síðan koma myndir sem ég segi frá í myndtexta.


               2454. Siggi Bjarna GK 5, með 2430. Benna Sæm í togi í átt að innsiglingunni til Sandgerðis og þarna sjáum við Bæjarskerseyri á milli bátanna og lands.


                                 Hérna nálgast þeir merkin, raunar sést eitt þeirra




                      Hér er Siggi Bjarna farinn að beygja inn í innsiglingarennuna


                                 Báðir bátarnir að komast inn í innsiglinguna




                  Hér eru þeir komnir nálægt hvorum öðrum og 1755. Aðalbjörg RE 5, nálgast þá


                                  Hér koma þeir saman inn í Sandgerðishöfn








                 Hér eru bátarnir komnir inn í Sandgerðishöfn og stefna á bryggjuna


            2454. Siggi Bjarna GK 5 (nær) og 2430. Benni Sæm GK 26 (fjær), er þeir eru að komast að bryggju í Sandgerði í kvöld © myndir Emil Páll, 8. mars 2013

Á sama tíma og bræðurnir Siggi Bjarna og Benni Sæm voru að koma til Sandgerðis þ.e. á áttunda tímanum í kvöld kom Aðalbjörg RE 5 að landi í Sandgerði og tók ég þá þessar tvær myndir, en að auki sést hann með bræðrunum á einhverjum af þeim myndum sem ég birti síðar í kvöld.

1755. Aðalbjörg RE 5, kemur til Sandgerðis í ljósaskiptunum í kvöld © myndir Emil Páll, 8. mars 2013 Af Facebook:   Sigurbrandur Jakobsson Þarna var gaman að vera

Í ljósaskiptunum í kvöld eða á áttunda tímanum kom Siggi Bjarna GK 5, með bróður sinni Benna Sæm GK 26, í togi til Sandgerðis, en sá síðarnefndi hafði fengið í skrúfuna á Hafnarleirnum í dag. Þrátt fyrir að farið var að rökkva tókst mér að ná nokkrum myndum af bátnum og birti ég þær á ellefta tímanum í kvöld, en hér kemur ein þeirra.

2454. Siggi Bjarna GK 5, kemur með 2430. Benna Sæm GK 26, til Sandgerðis á áttunda tímanum í kvöld © mynd Emil Páll, 8. mars 2013. Þótt farið hafi að rökkva tókst mér að ná nokkrum myndum og birti ég þær á ellefta tímanum í kvöld. Af Facebook: Gísli Aðalsteinn Jónasson Flottir

Þessi bátur hefur borið nokkur nöfn og undir síðasta nafninu Valberg II VE 105 var hann brotinn niður í Njarðvikurslipp fyrir nokkrum árum.

127. Víkingur III ÍS 280, í Sandgerði © mynd Emil Páll                127. Sandgerðingur GK 280, í Sandgerði og framan við hann er 910. Vonin II GK 136 © mynd Emil Páll

Þessi bátur hét upphaflega Hólmanes SU 120 og síðan Brimir KE 104

101. Símon GK 350, í Grindavík © mynd Emil Páll fyrir xx árum

             2848. Ambassador, í Skipasmíðastöð Njarðvíkur © myndir Ambassador Akureyri Whale Watching 7. mars 2013