Hér koma myndir frá því í gær er Kap II VE 7 fékk úr nót Faxa RE 9. Ekki birtast myndirnar þó í réttri röð, né sá myndatexti sem Faxamenn höfðu undir þeim.



















                       1062. Kap II VE 7, fær úr nót 1742. Faxa RE 9 © myndir Faxagengið, faxire9.123.is  13. mars 2013
 

             Svona var veðrið hjá þeim í dag á Arctic Star ex 1291. Arnar SH 157 ex Sæþór EA 101 ex Votaberg SU 12 ex Jón Helgason SF 15 og ex Jón Helgason 'AR 12, í siglingu þeirra til Noregs, en þegar mynd þessi var tekin voru þeir milli Færeyja og Íslands ©  mynd Ölver Guðnason í  14. mars 2013 

visir.is:

 

Ágúst Halldórsson varð vitni að árekstrinum á bryggjunni í Eyjum í morgun. Mynd/Ágúst Halldórsson

Tugmilljóna tjón varð á togskipinu Bylgju VE þegar gámaskipið Tetuan sigldi utan í skipið um áttaleytið í morgun. Eyjafréttir greina frá þessu.

Samkvæmt upplýsingum Eyjafrétta sem fengust á skrifstofu Vestmannaeyjahafnar varð skipting í gámaskipinu til þess að gámaskipið fór utan í Bylgju VE. Gámaskipið rakst einnig utan í bryggjubíl en skemmdir á honum voru minnihátar.

„Þetta er mikið tjón á skipinu, tugmilljóna tjón sýnist mér. Skipið er mikið dældað við og fyrir neðan sjólínu. Þilið í lestinni hefur gengið inn og sprungið út á millidekkinu en skemmdirnar ná einnig niður í vélarrýmið," sagði Jóhann Þorvaldsson, yfirvélstjóri á Bylgju VE við Eyjafréttir.
 

visir.is:

 

Skógarfoss er leiguskip Eimskips.

Drukkinn skipstjóri á Skógarfossi, leiguskipi Eimskips, var handtekinn við komuna til Sundahafnar á þriðjudag. Hann verður leiddur fyrir dómara í dag og að líkindum sektaður og sviptur skipstjórnarréttindum.

Þegar hafnsögumaður kom um borð í Skógarfoss úti á sundum á þriðjudag, við komuna frá Ameríku, þótti honum skipstjórinn vera í annarlegu ásatndi og megna áfengislykt leggja af honum. Hafnsögumaðurinn tók þegar alla stjórn í sínar hendur og hafði samband við land, og varð úr ráði að lögregla handtæki skipstjórann, strax og skipið legðist að bryggju. Lögregla fór svo með hann í blóðsýnatöku og svo til yfirheyrslu, en vegna ástands skipstjórans var lítið á henni að græða svo honum var stungið í fangageymslu og yfirheyrður á þriðjudag, þegar af honum var runnið.

Síðan gaf lögregla út ákæru fyrir skipstjórn undir áhrifum áfengis, og verður málið tekið fyrir í Héraðsdómi í dag. Skógarfoss er hinsvegar lagður af stað til Ameríku eftir lítilsháttar tafir við að útvega íslenskan skipstjóra. Eimskip hefur skipið á leigu og hefur þegar gert athugasemdir við leigusalan vegna málsins.
 

Þessi bátur sem ég tók í dag mynd af á Ásbrú, er fyrir útgerðarmann í Grundarfirði. Hófst framleiðslan í Mosfellsbæ, þaðan var hann fluttur á Ásbrú og hefur verið þar á tveimur stöðum, en síðast var það hjá Bláfelli, en þeir voru þó aðeins og smíða undir vélina og nú mun eigandinn fara með bátinn til Grundarfjarðar þar sem hann verður væntanlega kláraður

Báturinn tilbúinn til ferðar á Grundarfjörð, í dag © mynd Emil Páll, 14. mars 2013

Í dag fór fram námskeið í atvinnumannaslökkvifræðum um borð í Fram og kom Landhelgisgæslan  að þeirri æfingu með þyrluna þar sem Fram ÍS 25 lék stórt hlutverk svo og  TF - LÍF, Slökkviliðsmenn frá Brunavörnum Suðurnesja og Isavía, auk björgunarsveitarmanna frá Björgunarsveitinni Suðurnes sem komu að máli á björgunarbátnum Nirði Garðarssyni. Unnið var út frá því að eldur væri um borð í bát sem átti að vera út á sjó og þurfti að bjarga bæði skipi og skipverjum. Ekki var ekki hægt að notast við bryggjuna til að koma að mannskap eða tækjum til að líka eftir því að skipið væri úti á sjó og því flutti  TF - Líf  slökkvliðsmenn úr landi og yfir í bátinn.

Tók ég við þetta tækifæri þessa löngu myndasyrpu

TF - Líf býr sig undir að taka slökkviliðsmenn um borð og flytja út í skipið                         Slökkviliðsmaður fluttur um borð í þyrluna                               TF- Líf, nálgast 971. Fram ÍS 25                                              Þyrlan yfir skipinu                            Línu slakað niður að skipinu, úr þyrlunni                                                    Manni slakað niður                    Þeir sem höfðu verið fluttir um borð, ráða ráðum sínum um hvar menn gætu verið í skipinu                                  Stjórnendur námskeiðsins fylgjast með                                 7673.  Njörður Garðarsson, kemur að bátnum                          Menn gera sig klára til að hefja leit af mönnum í skipinu                               Slasaður skipverji hífður um borð í þyrluna                                          © myndir Emil Páll, 14. mars 2013

Síðasti útgerðarmaður Baldurs, áður en hann var varðveittur var Nesfiskur í Garði og meðan þeir áttu hann bar hann númerið GK 97, en fram að því hafði hann ávallt verið KE 97 og eftir varðveislu var aftur sett á hann KE 97. Frekar fáar myndir hafa verið í umferð af bátnum með GK númerinu, en þessa fann ég þó í fórum mínum, en hana hafði ég tekið á þessum tíma.

311. Baldur GK 97, í Keflavíkurhöfn © mynd Emil Páll