1556. Seley SU 10 © mynd í eigu Ljósmyndasafns Akraness

                      1035. Heimaey VE 1 © mynd í eigu Ljósmyndasafns Akraness

Af vefsíðu HB Granda:


                                 1742. Faxi RE 9 © mynd af vefsíðu HB Granda

Uppsjávarveiðiskip HB Granda hafa einbeitt sér að makrílveiðum upp á síðkastið og hafa veiðarnar gengið ágætlega. Makríllinn er heldur smærri en á sama tímabili í fyrra en hann hefur fitnað hratt og í síðustu viku var fituinnihaldið komið vel yfir 20%.

Faxi RE er á miðunum norður af Hvalbakshallinu um 115 mílur frá Vopnafirði  og er rætt var við Hjalta Einarsson, sem er skipstjóri í veiðiferðinni, var verið að taka þriðja holið í túrnum. Aflinn í hinum tveimur var um 290 tonn en æskilegur skammtur fyrir vinnsluna á Vopnafirði um þessar mundir er um 350 til 400 tonn í túr.

,,Veiðin hefur verið þokkaleg og við erum að vonast til að ná skammtinum fyrir kvöldið. Það lóðar ekki mikið á makrílinn en menn geta verið að draga trollið á engu lóði en samt fengið ágætan afla. Við erum mest að toga í um þrjá og hálfan tíma í einu og reynum að fara ekki yfir fjóra tímana," sagði Hjalti er rætt var við hann nú um miðjan dag.

Flest uppsjávarveiðiskipanna hafa verið að makrílveiðum undanfarna daga og frekar fá skip eru á síldveiðum um þessar mundir. Aflinn, sem áhöfnin á Faxa hefur fengið í síðustu veiðiferðum, er nánast hreinn makríll og hlutfall síldar hefur aðeins verið um 5%.

,,Þeir, sem eru á síldveiðum, eru hér mun norðar í kaldari sjó og það er allur gangur á því hvernig aflabrögðin hafa verið. Það er erfitt að vera einskipa á þessum veiðum enda getur þá farið mikill tími í að leita að síld í veiðanlegu magni," sagði Hjalti Einarsson.

Ingunn AK er nú á leið á miðin en Lundey NS er í höfn á Vopnafirði. Frá 24. júlí til dagsins í dag hafa alls rúmlega 2.800 tonn af fiski, mest makríl, borist til Vopnafjarðar. Á þessari viku hefur Lundey landað þrisvar en Ingunn og Faxi eru með tvær landanir hvort skip.

                       811. Svanur SH 111 © mynd í eigu Ljósmyndasafns Akraness

Reykhólavefurinn.is:

"Við vorum að koma til Flateyjar og þegar við komum í Hafnarsundið sáum við að mikið af fólkinu í eynni var að horfa á eitthvað úti í sjónum," segir Björn Samúelsson hjá Eyjasiglingu.  "Þetta voru fimm háhyrningar, þar af tveir tarfar, sem voru að ná sér í makríl. Líka tóku þeir sel og hentu honum upp í loftið, hann var vankaður á eftir. Hvalirnir fóru síðan úr Hafnarsundinu og inn á Flateyjarsund," segir Björn.

                       Háhyrningar við Flatey © mynd Reykhólavefurinn.is  29. júlí 2012

Margir úr útgerðum minni báta hafa haft samband við mig og haft gaman að því að fylgjast með því þegar bátnum var pakkað inn eins og jólapakka, fyrir sprautingu og nú koma myndir af því þegar búið er að fjarlægja umbúðirnar af rauða og hvíta litnum. Eftir er að botnmála, merkja og gera ýmislegt annað áður en báturinn verður sjósettur að nýju






            2106. Addi afi GK 97 í húsnæði Sólplasts í Sandgerði © myndir Emil Páll, 30. júlí 2012

                 540. Halldór Jónsson SH 217 © mynd í eigu Ljósmyndasafns Akraness

                      373. Ásbjörn MB 90 © mynd í eigu Ljósmyndasafns Akraness

Stundum fær maður barnalegar athugasemdir, eins og áðan eftir að ég birti mynd af Þórði Jónassyni og Víkingi AK 100, en hún var um að þetta gæti ekki verið Víkingur þar sem hann hefði ekki verið rauður, og því væri þetta Sigurður VE.
Yfirleitt nenni ég ekki að eltast við svona athugasemdir, en þar sem ég var með við hendina mynd af Víkingi í rauða litnum, birti ég hana hér.


         220. Víkingur AK 100 - rauður - © mynd í eigu Ljósmyndasafns Akraness

             264. Þórður Jónasson EA 350 og 220. Víkingur AK 100
                    © mynd í eigu Ljósmyndasafns Akraness

mbl.is

Mikill fjöldi grindhvala var í vöðunni við Innri-Njarðvík á laugardag. Ljósmynd/Elding

Stór grindhvalavaða er nú í Leynisvík út af Akranesi og að sögn lögreglunnar á Akranesi er um nokkur hundruð hvali að ræða.

Talið er að hvalirnir hafi komið að landi árla dags og haldið sig á svipuðum slóðum um hríð.

Hundruð grindhvala voru undir Stapanum neðan við byggðina í Dalshverfi  í Innri-Njarðvík á laugardaginn og er á vefsíðu Skessuhorns leitt að því líkum að um sömu hvalina sé að ræða. Þar segir einnig að ekki sé vitað til þess að svo stór grindhvalavaða hafi sést við Akranes í seinni tíð, þótt fáeinir hvalir hafi sést.