Síðasta vinnudegi Svafars Gestssonar, um borð í Neptune er lokið þangað til í ágúst og fer hann til  Portugals í fyrramálið. Þessar myndir tók hann á Akureyri áður en hann fór suður.

                                                        Nonnahús

                                                   Laxdalshús, byggt 1795

                                  Í Fjörunni á Akureyri

        Höfnershús á Akureyri. Þetta hús er í eigu Neptune ehf og hýsir skrifstofur þess. Í þetta fallega hús lágu spor mín oft í gamla daga innan úr fjöru með mjólkurbrúsa afa og ömmu minnar og þá var þetta ekta krambúð þar sem fékkst allt milli himins og jarðar.

                                  myndir og myndatextar: Svafar Gestsson, 13. júlí 2012

"Strákarnir ljúfir en hlífa mér ekkert."

Kristrún Sveinbjörnsdóttir. Er íslandsmeistari unglinga í fitness og togarajaxl.

"Þetta er mjög erfitt en ótrúlega skemmtilegt," segir fitnessdrottningin Kristrún Sveinbjörnsdóttir en hún er háseti á Baldvini Njálssyni GK 400.

Kristrún er Íslandsmeistari unglinga í fitness en þessi 19 ára Borgfirðingur veigrar sér ekki við að slá úr 30 kílóa frystipönnum um borð. Hún er eina konan í 25 manna skipshöfn en segir strákana um borð taka sér vel.

"Þeir taka mér æðislega vel, strákarnir um borð. Þeir eru mjög ljúfir við mig. Hlógu reyndar aðeins að mér þegar þeir sáu mig fyrst upp á dekki en svo bara sýndi ég þeim hvað ég gat. Þannig að þeir eru bara ánægðir með mig. En hlífa mér ekki neitt, sem er mjög fínt."

Kristrún segir það ekki skemma að vera í formi í hásetastarfinu. "Nei, það skemmir sko ekki. Þetta er mjög erfitt og það tekur á að vera að meðhöndla pönnur sem eru flestar í kringum 30 kíló," en þetta er í fyrsta skipti sem Kristrún er til sjós. Hún hélt í sinn annan túr í gær, fimmtudag.