Af vefsíðu Hraðfrystihússins - Gunnvarar

Ganga í augun á bresku stelpunum í biðröðinni

Harðduglegir bráðmyndarlegir strákar úr áhöfn Júlíusar Geirmundssonar

Fisksölustaður Fish'n'chick'n.

 

Strákarnir í áhöfn Júlíusar Geirmundssonar eiga orðið fríðan flokk aðdáenda utan landsteinanna. Myndir af þeim hanga nú uppi á vegg og blasa við viðskiptavinum Fish'n'Chicken á einum veitingastað fyrirtækisins í Englandi og þykja mikil prýði. Hermt er að myndir af skipverjum veki óskipta athygli ungra kvenna í biðröðinni eftir "Fish'n'chips" skammtinum sínum.

Undanfarin fimmtán ár hefur áhöfnin á Júlíusi Geirmundssyni unnið sérstaklega þorskflök með roði fyrir veitingastaðakeðjuna Fish'n'Chicken. Að baki þessarar stærstu keðju sinnar tegundar þar um slóðir stendur fjölskyldufyrirtæki. Veitingastaðir hennar eru orðnir á fjórða tug. Á meðal einkunnarorða þess er "We work hard to bring you great fish" (Við leggjum okkur fram um að færa ykkur fyrirtaks fisk).

Fyrirtækið, sem aðallega selur á fisk- og kjúklingarétti, leggur ofurkapp á gæði alls hráefnis og íslenski fiskurinn er þar enginn undantekning. Samskipti HG og Fish'n'Chicken hafa verið með miklum ágætum allt frá upphafi og þar ríkir gagnkvæmt traust á milli kaupanda og seljanda, sem er undirstaða farsælla viðskipta.

Þau eru ekki mörg erlendu fyrirtækin sem auglýsa á íslenskum knattspyrnuvöllum. Það er því gaman að geta þess að merki Fish'n'Chicken er við knattspyrnuvöllinn á Torfnesi. Með þeim hætti sýnir þessi enski viðskiptavinur okkar m.a. með látlausum hætti að hann lætur sig samfélagið hér í heimabyggð varða.

 

Í dag ( gær laugardag) var sjósettur í Sandgerði báturinn Líf GK 67, eftir miklar endurbætur, sem unnar voru hjá Sólplasti ehf., í Sandgerði. Báturinn var lengdur um 1.20 metra, breikkaður og gerðar á hann nýjar síður, svo dæmi séu tekin. Birti ég hér myndir af því þegar báturinn var fluttur frá Sólplasti og til sjávar í Sandgerði, sjósettur og síðan nokkrar myndir af prufusiglingu bátsins, en áður hef ég fylgt bátnum eftir í gegn um endurbæturnar.


     Bíll frá Jóni og Margeiri í Grindavík leggur af stað með bátinn, frá höfuðstöðvum Sólplasts í Sandgerði 

 
                Hér sést nánar hvernig báturinn sem heitir 7463. Líf GK 67 var dreginn


                         Hér er ekið eftir Strandgötunni við gatnamót Hafnargötu


                             Hér er farið fram hjá gatnamótum Víkurbrautar


                             Ekið fram hjá vitanum og niður á hafnargarðinn


                         Þá er 7463. Líf GK 67 komin niður á Hafnargarð


                               Hér er birjað að hífa bátinn af dráttarvagninum


                                     Bátnum slakað miður með bryggjunni


                                            Hér er Líf GK 67 komin í sjó


                           Hér siglir eigandinn út með konu sína í smá prufutúr


                                           Fallegur bátur eftir endurbæturnar


                                        Snúið við og siglt aftur að bryggju






                                         Siglt aftur og nú út úr höfninni




                                      Beygt út í innsiglingarrennuna


                                                  Komið til baka




                    Slegið af ferðinni og siglt í átt að smábátahöfninni í Sandgerði
                                        © myndir Emil Páll, 8. jan. 2011