07.04.2010 08:23

Magni

2686. Magni, í Reykjavíkurhöfn á föstudaginn langa © mynd Emil Páll, 2. apríl 2010

Skrifað af Emil Páli

07.04.2010 01:00

Hamra-svanur SH 201 / Ensis

Óli Olsen, sendi okkur þessar myndir ásamt texta um 238. Hamra-svan SH 201

Báturinn var smíðaður Molde í Noregi 1964 og hét fyrst Eldborg GK, síðar Albert GK. Árið 1972 kaupir Sigurður Ágústsson hf í Stykkishólmi bátinn og gerir hann út frá Rifi til ársins 1994 og eftir það frá Stykkishólmi til 1996. Bátuirnn var svo seldur til Hollands sama ár og hefur borið þar nafnið Ensis. Þá rak Sigurður Ágústsson fiskverkun á Rifi til ársins 1991.

Í Rifshöfn 9. september 1985

Á siglingu á leið til Færeyjar í söluferð maí 1981

Mynd tekin af stefninu

Í Runavík í maí 1981

Á leið til Færeyjar 1981

Lagt að bryggju á Rifi 1981

Óli Olsen um borð á leið til Færeyja 1981

Fullfermi af rækju 1994

Þessi var tekin 1989 eftir stórt karfahol á rækjuveiðum

238. Hamra-svanur SH 201

   Ensis við skelveiðar í Hollandi

   Ensis við skelveiðar í Hollandi
     © myndir í eigu Óla Olsen

Skrifað af Emil Páli

Tengill á færslu

07.04.2010 00:00

Freyr KE 98 / Freyr SF 20 / Margona FR 594

Þessi var smíðaður í Reykjavík 1972 og seldur úr landi til Skotlands 1994 og sökk síðan í Norðursjó fimm árum síðar.

                                       1286. Freyr KE 98 © mynd Emil Páll

                                      1286. Freyr KE 98 © mynd Emil Páll

                            1286. Freyr SF 20 © mynd Snorrason

                           1286. Freyr SF 20 © mynd Þór Jónsson

                    Margona FR 594 © mynd TrawlerPhotos

Smíðanúmer 5 hjá Stálsmiðjunni hf., Reykjavík 1972. Kom fyrst til heimahafnar í Keflavík 7. jan. 1973.Yfirbyggður 1991. Seldur úr landi til Skotlands 15. mars 1995. Lengdur í Skotlandi 1995 eða 1996. Sökk í Norðursjó 1999.

Nöfn: Freyr KE 98, Freyr SF 20, Freyr SF 40, Andromeda FR 594 og Margona FR 594.

Skrifað af Emil Páli

Tengill á færslu

06.04.2010 17:14

Þekkið þið skipin eða bátana?

Þessi mynd hefur verið tekin við Keflavíkurhöfn, trúlega upp úr 1950, þó ekki öruggt. Þarna eru tvö flutningaskip við hafnargarðinn og grunar mig að bæði séu íslensk. Annað virðist vera að taka saltsíld í tunnum, en er ekki klár á því hvaða plötur eru á öðrum bílnum fremst á myndinni sem trúlega er varðandi farminn úr hinu skipinu. Skipið sem er framar á garðinum gæti ég trúað að sé frá Samskip og dettur því Arnarfell í hug miðað við byggingalag, en hitt skipið veit ég ekkert um, en við stækkun virðist mér sem heimahöfn þess endi á stöfunum ...VÍK. Þessar hugdettur mínar gætu þó verið kolrangar.
Þá er auðvitað spurning hvort einhver þekkir bátanna á myndinni.

Mér var færð mynd þessi að gjöf til birtingar á síðunni, en ljósmyndari er Hannes Þór Ólafsson.

Keflavíkurhöfn ca. 1950 © mynd í eigu Emils Páls, ljósmyndari: Hannes Þór Ólafsson

Skrifað af Emil Páli

Tengill á færslu

06.04.2010 17:08

Sæljós GK 2

Sæljós GK 2 kom úr slipp í dag, en báturinn hefur verið í nokkra mánuði í Njarðvíkurslipp og fór þangað sem Maggi Ölvers GK 33, síðan komu nýir eigendur af bátnum og enn á ný enn aðrir og eftir síðari eigandaskiptin varð nafnabreyting þessi. Þar sem lítið er um að vera, lét ég það eftir mér að taka þrjár myndir af bátnum í Keflavíkurhöfn í dag og birti þær allar.

1315. Sæljós GK 2, í Keflavíkurhöfn í dag © myndir Emil Páll, 6. apríl 2010

Skrifað af Emil Páli

Tengill á færslu

06.04.2010 13:41

Tvö flutningaskip föst á Höfn þar sem ósinn er ófær

Loftur Jónsson sendi mér þessar myndir ásamt texta um tvö skip sem eru að hans sögn föst inni á Hornarfirði, vegna þess að ósinn er ófær þessa stundinna. Þetta eru Green Lofoten sem var að lesta freðfisk frá frystihúsinu og  Wilson Leer að losa áburð frá Yara, en þeir hafa ákveðið að varpa akkerum, sjálfsagt til vonar og vara.

                                            Green Lofoten, á Hornarfirði

                                       Skemmtilegt stefnismerki Green Lofoten

                 Wilson Leer, á Hornarfirði © myndir Loftur Jónsson, 6. apríl 2010

Skrifað af Emil Páli

Tengill á færslu

06.04.2010 12:15

Ingibjörg SH 177 siglir í kjalsoginu á Baldri

Ríkarð Ríkarðsson tók þessa skemmtilegu syrpu í Stykkishólmi 1. apríl sl. og hefur heimilað mér að birta þær hér. Það myndaefni sem hann sýnir hér eru um það þegar þeir á Ingibjörgu SH 177 ex SH 174 notfærði sér kjalsogið á Baldri, en hugsanlega hafa bæði skipin verið að fara sömu leið, þ.e. til Flateyrar. Þar sem leiðinda sjólag var notfærðu þeir sér á Ingibjörgu það að sigla afturundir Baldur og í kjalsogi hans.

Ingibjörg þessi hét fyrst Þytur EA 96 og undir því nafni skipti hún nokkrum sinnum um eigendur og komst því í eign aðila á Árskógsandi, Dalvík, Reykjanesbæ og Reykjavík. Þá varð báturinn Ingibjörg SH 174 með heimahöfn í Ólafsvík, en eigandinn var til heimilis í Reykjavík. Nú er eigandinn fékk fyrrum Odd á Nesi SI, fékk hann nafnið Ingibjörg SH 174 og þessi þá SH 177. Eigandi nú er Útgerðarfélagði Djúpey ehf, en það er skráð í Flatey á Breiðafirði.

2178. Ingibjörg SH 177 leggur úr höfn í Stykkishólmi

Ingibjörg fer á eftir Baldri

Þar sem leiðinda veður var þá sigldu þeir í kjalsoginu á Baldri, þar var logn
© myndir Ríkarð Ríkarðsson. 1. apríl 2010

Skrifað af Emil Páli

Tengill á færslu

06.04.2010 07:25

Óli SH 305

Þetta er annar báturinn sem þeir feðgar Óli og Ragnar Olsen, áttu. Skrokkurinn var smíðaður í Danmörku 1987, Kristján Ó Skagfjörð HF. flutti hann inn til landsins og hafði á sjávarútvegssýningu. Þar keyptu þeir hann árið 1989 og kláruðu að smíða hann. Var hann settur á flot í Reykjavík í mars 1990 og sett í hann Ford Mermed vél 90 hö. Báturinn var gerður út á net og grásleppu.

Brann síðan í Rifshöfn 15. desember 1997 ásamt tveimum öðrum bátum

2041. Óli SH 305. Fyrstu myndirnar sýna ganginn frá því að þeir keyptu hann og þar til hann hafði verið sjósettur. En neðsta myndin sýna rústirnar af bátnum eftir brunann

Skrifað af Emil Páli

Tengill á færslu

06.04.2010 00:00

Ottó Wathne NS 90 / Bjarni Gíslason SF 90 / Valur ÍS 18

Þetta er íslensk smíði frá Seyðisfirði árið 1973 og er ennþá til. Var þó nýlega sleginn Sparisjóðnum í Keflavík á nauðungaruppboði.

                     1324. Ottó Wathne NS 90 © mynd Snorrason

   1324. Bjarni Gíslason SF 90 © mynd Snorrason

                     1324. Bjarni Gíslason SF 90 © mynd Þór Jónsson

                                    1324. Valur ÍS 18 © mynd Emil Páll

                   1324. Valur ÍS 18, í Sandgerði © mynd Markús Karl Valsson

             1324. Valur ÍS 18, á Akranesi © mynd Júlíus V. Guðnason

Smíðanúmer 7 hjá Vélsmiðju Seyðisfjarðar hf., Seyðisfirði 1973. Yfirbyggður 1991.

Bjarni Gíslason VE 30 sigldi inn í nýja heimahöfn á Súðavík 6. okt. 2005, í eigu Guðjóns M. Kjartanssonar hf., Akranesi.

Frá því í upphafi árs 2009 og fram á haustið var báturinn gerður út á sæbjúguveiðar frá Sandgerði, en síðan var honum lagt á Akranesi og hvort hann er þar ennþá veit ég ekki, en nýverið var hann sleginn Sparisjóðnum í Keflavík á nauðungaruppboði.

Nöfn: Ottó Wathne NS 90, Bjarni Gíslason SF 90, Bjarni Gíslason VE 30 og núverandi nafn: Valur ÍS 18.

Skrifað af Emil Páli

Tengill á færslu

05.04.2010 23:23

Óli SH 214

Á dögunum þegar Óli Olsen fékk nýjan Óla Færeying sem hann keypti í Sandgerði gerðum við samkomu lag um að ég myndi birta myndir af þeim bátum sem hann og áður þeir feðgar, Óli Olsen og Ragnar Olsen höfum átt í gegnum tíðina. Hér kemur því sá fyrsti 5194. Óli SH 214 sem þeir keyptu í maí 1985 og var gerður út á grásleppu. Seldu þeir hann síðan í ágúst 1989 til Reykjavíkur.

Á morgun kemur síðan annar og sagan heldur áfram.

5194. Óli SH 214

Skrifað af Emil Páli

Tengill á færslu

05.04.2010 22:35

Þessar eru flottar

Þessar tvær myndir fann ég áðan á netinu, en ekkert kemur fram hver tók þær, aðeins var nafnið Víkurberg undir annarri og á stýrishúsinu á hinum bátnum sést nafnið Erling. Birti ég þær því, án þess að vita í raun hver tók þær, sem er miður, en þar sem myndefnið er skemmtilegt lét ég mig hafa það.

Skrifað af Emil Páli

Tengill á færslu

05.04.2010 20:05

Bjarni Sæmundsson RE 30

Skrifað af Emil Páli

Tengill á færslu

05.04.2010 18:54

Togarinn Keflvíkingur KE 19 í heimahöfn

Sigurður Bergþórsson sendi mér áðan mynd sem Kristbjörn Eydal hafði tekið um 1950 af togaranum Keflvíkingi KE 19 í heimahöfn, Keflavík. Fyrir neðan myndina birti ég sögu togarans.

8. Keflvíkingur KE 19, í heimahöfn sinni Keflavík um 1950
© mynd Kristbjörn Eydal

Síðutogari með smíðanúmerið 720 hjá Alexander Hall & Co Ltd., Aberdeen, Skotlandi 1948. Hljóp af stokkum 14. október 1947, afhent í mars 1948. Seldur úr landi til Grikklands 17. maí 1965 og rifinn í Preus 1967.

Nöfn: Keflvíkingur GK 197, Keflvíkingur KE 19, Vöttur SU 103, Apríl GK 122, en ekki er vitað um nafnið í Grikklandi.

Skrifað af Emil Páli

Tengill á færslu