Eldur kom upp í fimm tonna fiskibáti Æsu GK 115, með einn mann um borð þegar hann var staddur um 15 sjómílur NV-af Garðskaga í dag

Landhelgisgæslunni barst neyðarkall frá bátnum kl. 16.19 og var samstundis óskað eftir aðstoð nærstaddra skipa og báta og héldu tveir fiskibátar strax á staðinn. Áætluðu þeir 10-15 mínútna siglingu á staðinn. Skipverji bátsins brást hárrétt við þegar eldurinn kviknaði og lokaði öllum aðkomuleiðum að eldinum og virtist það hafa áhrif á útbreiðslu hans. Fiskibátarnir komu nær samstundis á staðinn eða kl. 16.49 og virtist þá ástand um borð vera stöðug, manninn sakaði ekki og var ákveðið að annar báturinn Tveir Ásar HF 29 tæki hann í tog áleiðis til Sandgerðishafnar og var komið þangað á áttunda tímanum í kvöld

Björgunarbátar Slysavarnafélagsins Landsbjargar, Njörður Garðarsson úr Reykjanesbæ, Þorsteinn úr Sandgerði og Gunnjón úr Garðinum voru einnig kallaðir út og héldu á vettvang. Auk þess var björgunarskipið Einar Sigurjónsson úr Hafnarfirði sett í viðbragðsstöðu og var það tilbúið að fara með slökkviliðsmenn frá Slökkviliði höfuðborgarsvæðisins og búnað til aðstoðar. Slóust björgunarbátarnir Þorsteinn og Gunnjón í för með Æsu og Tveim Ásum en aðrar björgunareiningar voru afturkallaðar, að því er fram kom á mbl.is

                  7201. Tveir Ásar HF 20 með 6794. Æsu GK 115 á síðunni í Sandgerðishöfn í kvöld

              7201. Tveir Ásar HF 20 með 6794. Æsu GK 115 á síðunni koma að bryggju í Sandgerðishöfn í kvöld

                Björgunarbáturinn Gunnjón, frá Garði, í Sandgerði í kvöld

                7647. Þorsteinn tekinn á land í Sandgerði í kvöld

                              © myndir Emil Páll, 4. júlí 2013

            Síðasta rækjulöndunin úr 2262. Sóley Sigurjóns GK 200 að sinni, á Siglufirði, síðan var siglt til Keflavíkur þar sem skipt var um troll og trúlega tekið makríltrollið um borð © Hreiðar Jóhannsson, 1. júlí 2013. Sama held ég að hafi gerst með Berglín, nema hvað hún sigldi til Sandgerðis

            1955. Höfrungur BA 60, 1032. Pilot BA 6 og 1491. Pétur Þór BA 44 á Bíldudal © mynd Gunnlaugur Hólm Torfason, í júní 2013

        1530. Sigurbjörg ÓF 1, á Akureyri og vélstjóri af Sleipni í forgrunn © mynd Sigurbrandur Jakobsson, 2. júlí 2013