Björgunarbáturinn Oddur V. Gíslason frá Björgunarsveitinni Þorbirni, Grindavík var kallaður til Vestmannaeyja í morgun, er eldur kom upp í humarbátnum Maggý um sjö sjómílur suður af Stórhöfða í Vestmannaeyjum rétt eftir klukkan ellefu í morgun. Áhöfninni tókst að ráða niðurlögum eldsins en vélarrými bátsins fylltist af sjó.

Eins og áður hefur komið fram hér á síðunni  stóð tæpt um tíma, en samstundis var þyrla Landhelgisgæslunnar kölluð út. Þá voru björgunarskip Slysavarnarfélagsins Landsbjargar, Þór í Vestmannaeyjum og Oddur V. Gíslason í Grindavík sem eru með dælur um borð, send á staðinn. Sjö eru í áhöfn Maggýjar og komust þeir allir í flotgalla. Fimm þeirra voru fluttir  í land, með Stóra- Erni. Tveir skipverjar voru um borð í bátnum sem Þór björgunarbáturinn Þór og Lóðsinn tóku í tog til Eyja. Þá er þyrla Landghelgisgæslunnar á staðnum.

                                                         ----

                                  Maggý VE 108, hét áður Ósk KE 5

                           2743. Oddur V. Gíslason © mynd grindavik.is

Hér sjáum við Maggý VE 108 komna að bryggju í Vestmannaeyjum, nú síðdegis.


           1855. Maggý VE 108, við bryggju í Vestmannaeyjum eftir giftusamlega björgun © mynd Heiðar Baldursson, 19. júlí 2012

                          2474. Gunnar Friðriksson © mynd dv.is

                          2407. Hákon EA 148, í Reykjavík © mynd Hilmar Snorrason, 2001

              2468. Ársæll Sigurðsson HF 80, í Hafnarfirði © mynd Hilmar Snorrason, 2004


         2468. Grindavíking GK 606, að koma inn til  Grindavíkur © mynd shipspotting, Birkir Agnarsson, í sept. 2007


             2468. Kristinn SH 112, í Ólafsvík © mynd Hilmar Snorrason, 24. apríl 2011

Heimasíða Ramma hf.:

Eyjafréttir.is

Frá Heiðu Láru, Grundarfirði.

Saga Ruby kom inn á fjörðinn milli 7 og 8 í morgun og er áætlað að það sigli aftur seinni partinn.

Nóg er af skipum núna, en Le Boréal var á sunnudaginn í 3. heimsókninni, í gær var það Fram, í dag Saga Ruby, á morgun Discovery, laugardag Hamburg og á sunnudag kemur Le Boréal í 4. og síðustu heimsóknina þetta sumarið. Sem sagt frá sunnudeginum 15/7 til sunnudagsins 22/7 eru 6 skip bókuð með komur.






                        Saga Ruby, Grundarfirði © myndir og texti Heiða Lára, 19. júlí 2012

visir.is og Eyjafrettir.is:

Björgunarskipið Þór er komið með skipið Maggý VE 108 í tog og fylgir skipið Glófaxi strax á eftir.  Sjö manns voru um borð í skipinu. Þeir fóru strax í flotgalla og voru óhultir, en áhafnarmeðlimir slökktu eldinn sjálfir. Kom í þá upp mikill leki í vélarúminu og var báturinn farinn að síga nokkuð í sjóinn. Tvær dælur voru settar um borð í Maggý og er talið að með því verði hægt að toga skipið að landi.

Einnig fylgist Þyrla Landhelgisgæslunnar með bátunum, en atburðurinn gerðist um 7 mílur út af Stórhöfða.